ସୋର, ୨୫।୨: ଯୌତୁକ ଦେଇ ନପାରିବାରୁ ବୋହୂକୁ ମାରିଦେଲେ ଶାଶୁଘର ଲୋକ । ସନ୍ତାନ ସନ୍ତତି ନହେବା, ଅଧିକ ଯୌତୁକ ଦେଇ ନପାରିବାରୁ ଝିଅ ଝରଣାକୁ ତା’ ସ୍ୱାମୀ ଓ ଶାଶୁଘର ପରିବାର ମିଶି ମାରିଦେଇଥିବା ଝରଣାଙ୍କ ବାପା ମଦନ ମୋହନ ଦାସ ଥାନାରେ ଅଭିଯୋଗ କରିଛନ୍ତି l  କୋଚିଆକୋଇଲି ପଞ୍ଚାୟତ ଆରଡ଼ା ଗ୍ରାମର ମଦନ ମୋହନ ଦାସଙ୍କ ଝିଅ ଖଇରା ଥାନା ତୁଡିଗାଡ଼ିଆ ମଲିକlପୁର ଗ୍ରାମର ରମେଶ ପରିଡ଼ାଙ୍କ ସହ ୨୦୧୭ ମସିହାରେ ବୈଦିକ ରୀତିରେ ବିବାହ କରିଥିଲେ l 

ଝରଣାର ସନ୍ତାନ ସନ୍ତତି ହେଉନଥିବାରୁ ବିବାହ ପରଠାରୁ ରମେଶ ଓ ପରିବାର ଲୋକ ତାଙ୍କୁ ନିର୍ଯାତନା ଦେଉଥିଲେ l ରମେଶ ଯୌତୁକ ବାବଦରେ ୧ ଲକ୍ଷ ଟଙ୍କା ବାପ ଘରୁ ଆଣିବାକୁ କହି ଝରଣାଙ୍କୁ ନିର୍ଯାତନା ଦେଉଥିଲେ l ଝିଅକୁ ନିର୍ଯାତନା ଦେଇ ହତ୍ୟା କରାଯାଇଥିବା ଝରଣାଙ୍କ ବାପା ମଦନ ଅଭିଯୋଗ କରିଛନ୍ତି l ପୋଲିସ ସାଇଣ୍ଟିଫିକ୍ ସହାୟତାରେ ରମେଶକୁ ଅଟକ ରଖି ଘଟଣାର ତଦନ୍ତ କରୁଛି l