ନୂଆଦିଲ୍ଲୀ ୦୩/୧୧: ବେକରେ ବାରମ୍ବାର ଯନ୍ତ୍ରଣା ହେଉଥିଲେ । ଅବହେଳା କରନ୍ତୁ ନାହିଁ । କାରଣ ଏହା ବେକ ବା ମସ୍ତିଷ୍କ କର୍କଟର ଲକ୍ଷଣ ହୋଇପାରେ । ତେବେ ଚାଲନ୍ତୁ ଜାଣିବା ଏହାର କାରଣ, ଲକ୍ଷଣ ଓ ନିରାକରଣ ।
ଅତ୍ୟାଧୁନିକ ଜୀବନଶୈଳୀ କାରଣରୁ ବେକ ଯନ୍ତ୍ରଣା ଖୁବ୍ ସାଧାରଣ କଥା । ଖରାପ ବସିବା ଶୈଳୀ, ଅଧିକ ସମୟ ବେକ ନୁଆଁଇ ବସିବା, ମାଂସପେଶୀରେ ଅଧିକ ଚାପ ପଡିବା ବା ଭୁଲ୍ ଶୈଳୀରେ ଶୋଇବା ଆଦି କାରଣରୁ ବେକରେ ଯନ୍ତ୍ରଣା ହୋଇଥାଏ । ଏହି ଯନ୍ତ୍ରଣା ସାଧାରଣ ଭାବେ କିଛି ସମୟ ପାଇଁ କମ୍ ହୋଇଯାଇଥାଏ । ବସିବା ଶୈଳୀକୁ ଠିକ୍ କରିବା ଓ ବେକରେ ତେଲ ମାଲିସ୍ କରିବା ପରେ ଏହି ସମସ୍ୟା ଆପେ ଆପେ କମିଯାଇଥାଏ । ସେତେବେଳେ ବେକ ଯନ୍ତ୍ରଣା ଚିନ୍ତାର କାରଣ ସାଜିଥାଏ, ଯେତେବେଳେ ଏହା ବାରମ୍ବାର ଆସିଥାଏ । ଆଉ ଠିକ୍ ହୋଇ ନଥାଏ । ବାରମ୍ବାର ବେକରେ ଯନ୍ତ୍ରଣା ହେବା ଗଳା ବା ମସ୍ତିଷ୍କ କର୍କଟର ଲକ୍ଷଣ ହୋଇପାରେ । ଯଦି ଆପଣଙ୍କ ସହ ଏପରି ସମସ୍ୟା ହେଉଥାଏ, ତେବେ ଡାକ୍ତର ପରାମର୍ଶ କରାଇ ନିଅନ୍ତୁ ।
ବେକ ଓ ମସ୍ତିଷ୍କ କର୍କଟ
ବେକ ଓ ମସ୍ତିଷ୍କ କର୍କଟର ଅର୍ନ୍ତଗତ ଭିନ୍ନ ଭିନ୍ନ ପ୍ରକାରର କର୍କଟ ରହିଛି । ଯେପରିକି ଓରାଲ୍ କର୍କଟ, ହାଇପୋଫାର୍ଜିଙ୍ଗ୍ କର୍କଟ, ଲାଇରିନେଜ୍ କର୍କଟ, ଟନସିଲ୍ କର୍କଟ, ନାସୋଫାରିଜେଲ୍ କର୍କଟ, ନାଜାଲ କାଭିଟୀ ଆଣ୍ଡ୍ ପାରାନାସାଲ ସାଇନସ୍ କର୍କଟ ଓ ଲାଳଗ୍ରନ୍ଥୀ କର୍କଟ ଆଦି।
ଗଳା ଓ ମୁଣ୍ଡ କର୍କଟର ଲକ୍ଷଣ
ଗଳା ଯନ୍ତ୍ରଣା, ବାରମ୍ବାର ମୁଣ୍ଡବିନ୍ଧା, ସ୍ୱର ଓ ଶବ୍ଦରେ ପରିବର୍ତ୍ତନ, ଚୋବାଇବା ଓ ଗିଳିବାରେ ସମସ୍ୟା, ନିଶ୍ୱାସ ନେବା ଓ କଥା ହେବାରେ ସମସ୍ୟା, ପାଟି ଓ ଜିଭରେ ଧଳା ବା ଲାଲ୍ ପ୍ୟାଚ୍’, କାନରେ ସଂକ୍ରମଣଜନିତ ଯନ୍ତ୍ରଣା, ଉପର ଦାନ୍ତରେ ଯନ୍ତ୍ରଣା, ସ୍ଥାୟୀ କାନ ସଂକ୍ରମଣ, ବେକ ଯନ୍ତ୍ରଣା ଦୂର ନ ହେବା ଓ ବେକ ମୁହଁ ଫୁଲିବା ଆଦି ସମସ୍ୟା ଦେଖା ଦେଇଥାଏ ।
କ’ଣ ରହିଛି ରିସ୍କ?
୧. ତମାଖୁ ସେବନ
ତମାଖୁ ଗଳା କର୍କଟର ବଡ଼ କାରଣ । ଏହା କେବଳ ଗଳା ଓ ମସ୍ତିଷ୍କ କର୍କଟ ହେବାର ଆଶଙ୍କା ବଢିଯାଇଥାଏ । ସେଥିପାଇଁ ତମାଖୁ ସେବନ ଆଦୌ କରନ୍ତୁ ନାହିଁ । ସିଗାରେଟ୍, ଖଇନି ଓ ପାନ ମସଲା ଆଦି ଖାଇବା ବନ୍ଦ କରିବା ଆବଶ୍ୟକ ।
୨. ଏଚ୍ପିବି ସଂକ୍ରମଣ
ଏଚ୍ପିବିର ସଂକ୍ରମଣ ଯୋଗୁ ଗଳା ଏବଂ ମୁଣ୍ଡରେ କର୍କଟ ହେବାର ଆଶଙ୍କା ରହିଥାଏ । ସେଥିପାଇଁ ଏହାର ଇଞ୍ଜେକସନ୍ ନେବାକୁ ପଡିଥାଏ ।
୩. ପାଟିର ସ୍ୱଚ୍ଛତାରେ ଅଭାବ
ସେହିପରି ପାଟି ଭିତରର ସ୍ୱଚ୍ଛତା ପ୍ରତି ଧ୍ୟାନ ନ ଦେବା ମଧ୍ୟ ଗଳା ଓ ମସ୍ତିଷ୍କ କର୍କଟର ଆଶଙ୍କାକୁ
ବଢାଇଥାଏ । ସେଥିପାଇଁ ପାଟିର ସ୍ୱଚ୍ଛତା ପ୍ରତି ବିଶେଷ ଧ୍ୟାନ ଦେବା ଜରୁରି ।
କେମିତି ରହିବେ ସୁରକ୍ଷିତ?
ଧୂମପାନ ଓ ଆଲକହଲ୍ଠାରୁ ଦୂରେଇ ରହିବା,ଏଚ୍ପିବି ଇଞ୍ଜେକସନ୍ ନେବା, ଡାଏଟ୍ ପ୍ରତି ବିଶେଷ ଧ୍ୟାନ ଓ ପାଟିର ସ୍ୱଚ୍ଛତାକୁ ଗୁରୁତ୍ୱ ଦେବା ଦ୍ୱାରା କର୍କଟ ସମ୍ଭାବନା କମ୍ ରହିଥାଏ । ନିୟମିତ ବ୍ୟବଧାନରେ ଦାନ୍ତ ଡାକ୍ତରଙ୍କ ପରାମର୍ଶ କରିବା ଦ୍ୱାରା ଯଦି କର୍କଟର ଆଶଙ୍କା ରହିଥାଏ, ତେବେ ତାହା ପ୍ରାରମ୍ଭିକ ସମୟରୁ ହିଁ ନିରୂପଣ କରାଯାଇପାରିବ । ଫଳରେ ଚିକିତ୍ସା ମଧ୍ୟ ସହଜ ହେବ ।
