ଭୁବନେଶ୍ବର,୩୧।୧ ଆଇପିଏସ ବି. ରାଧିକାଙ୍କୁ ଭିଆରଏସ ଅନୁମତି ମିଳିଛି। କେନ୍ଦ୍ର ଡେପୁଟେସନରୁ ଆସିଥିଲେ ବି. ରାଧିକା। ବର୍ତ୍ତମାନ ସେ ପିଆରବି ଅଧ୍ୟକ୍ଷ ଦାୟିତ୍ବରେ ଅଛନ୍ତି ।ଏଥିସହ ଆଇପିଏସ ସ୍ତରରେ ପୁଣି ରାଜ୍ୟ ସରକାର ଅଦଳବଦଳ କରିଛନ୍ତି। ଏ ନେଇ ରାଜ୍ୟ ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।
ଆଇପିଏସ ସ୍ତରରେ ଅଦଳବଦଳ କରାଯାଇ କମିଶନରେଟ ପୋଲିସରେ ଅତିରିକ୍ତ ସିପି ନିଯୁକ୍ତ କରାଯାଇଛି। ଅବିନାଶ କୁମାରଙ୍କୁ ଅତିରିକ୍ତ ସିପି ନିଯୁକ୍ତ କରାଯାଇଛି। ସେହିପରି ବ୍ରିଜେଶ କୁମାରଙ୍କୁ ଗୁଇନ୍ଦା ବିଭାଗ ଡିଆଇଜି ଦାୟିତ୍ବ ଦିଆଯାଇଛି। ଦୟାଲ ଗଙ୍ଗଓ୍ବାରଙ୍କୁ ପୋଲିସ ଆଧୁନିକୀକରଣ ଅତିରିକ୍ତ ଡିଜି ଓ ଆଇପିଏସ ରାଜେଶ କୁମାରଙ୍କୁ ରେଳବାଇ ଓ ଉପକୂଳ ସୁରକ୍ଷା ଅତିରିକ୍ତ ଡିଜି ନିଯୁକ୍ତ କରାଯାଇଛି।
