ନୂଆଦିଲ୍ଲୀ, ୦୭/୦୯: ଦିଲ୍ଲୀ ମେଟ୍ରୋରେ ଲକ୍ଷାଧିକ ଯାତ୍ରୀ ଯାତ୍ରା କରୁଛନ୍ତି । ଭିଡ଼ରୁ ବର୍ତ୍ତିବା ପାଇଁ ଏବଂ ଶୀଘ୍ର ଗନ୍ତବ୍ୟସ୍ଥଳରେ ପହଞ୍ଚିବା ଲାଗି ଯାତ୍ରୀ ଦିଲ୍ଲୀ ମେଟ୍ରୋର ବ୍ୟବହାର କରୁଛନ୍ତି । କିନ୍ତୁ ଦିଲ୍ଲୀ ମେଟ୍ରୋ ଯାତ୍ରୀଙ୍କ ଲାଗି କେତେ ସୁରକ୍ଷିତ ? ବା ଟ୍ରେନ୍‌ ଭିତରେ ଯାତ୍ରୀଙ୍କ ଲାଗି ସୁରକ୍ଷା ବ୍ୟବସ୍ଥା କିଭଳି ରହିଛି ସେନେଇ ଚର୍ଚ୍ଚା ଆରମ୍ଭ ହୋଇଛି । କାରଣ ଏମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି, ଯାହା ଚିନ୍ତାର କାରଣ ପାଲଟିଛି।  ଦିଲ୍ଲୀ ମେଟ୍ରୋ ଭିତରେ ଦୁଇ ମହିଳା ଯାତ୍ରୀଙ୍କ ଉପଦ୍ରବର ଭିଡିଓ ଭାଇରାଲ ହେବା ପରେ ଲୋକେ ଏଭଳି ଆଲୋଚନା କରୁଛନ୍ତି । 

ଅଚାନକ ବ୍ୟାଙ୍କ ଖାତାକୁ ଆସିଲା ୨୦୦ କୋଟି, ଭୟରେ ଶୋଇପାରୁନି ଶ୍ରମିକଙ୍କ ପରିବାର

ଦୁଇ ମହିଳା ଯାତ୍ରୀଙ୍କ ମଧ୍ୟରେ ହିଂସ୍ରକ ଲଢ଼େଇର ଚିତ୍ର ସାମ୍ନାକୁ ଆସିଛି । ମେଟ୍ରୋ ଭିତରେ ମହାଭାରତ । ଜଣେ ମହିଳା ପ୍ୟାସେଞ୍ଜର ଅନ୍ୟ ଜଣେ ମହିଳାଙ୍କୁ ଚୁଟି ଝିଙ୍କି ମାଡ଼ ମାରୁଥିବା ଦେଖିବାକୁ ମିଳିଛି । ଅନ୍ୟ ମହିଳାଜଣଙ୍କ ବି ଏହାର ପ୍ରତିବାଦରେ ଆକ୍ରମଣ କରିଥିବା ମହିଳାଙ୍କୁ ଉତ୍ତମ ମଧ୍ୟମ ଦେଇଛନ୍ତି । ତେବେ ଦୁଇ ମହିଳାଙ୍କ ମଧ୍ୟରେ ଲାଗିଥିବା ଲଢ଼େଇକୁ ବନ୍ଦ କରିବା ଲାଗି ଅନ୍ୟ ଯାତ୍ରୀମାନେ ଚେଷ୍ଟା କରିଥିଲେ । ହେଲେ ଏହାପରେ ଲଢ଼େଇର ତୀବ୍ରତା ବଢ଼ିଥିଲା । 

ଅନ୍ୟପଟେ ଏହି ଲଢ଼େଇ ବେଳେ କେହି ଜଣେ ମହିଳା ଯାତ୍ରୀ ‘ସେ ଜଜଙ୍କ ଝିଅ’ ବୋଲି କହୁଥିବା ଶୁଣିବାକୁ ମିଳିଛି । କାହିଁକି ଦୁଇ ଜଣ ମହିଳାଯାତ୍ରୀଙ୍କ ମଧ୍ୟରେ ମାରପିଟ ହୋଇଥିଲା ସେନେଇ ସ୍ପଷ୍ଟ ସୂଚନା ମିଳିପାରି ନାହିଁ । ସେପଟେ ଦିଲ୍ଲୀ ମେଟ୍ରୋ ଭିତରେ ଏଭଳି ଆଚରଣ ଆଦୌ ଗ୍ରହଣୀୟ ନୁହେଁ ବୋଲି ଯାତ୍ରୀ ଅଭିଯୋଗ କରିଛନ୍ତି । ତାସହ ବିଭାଗ ପକ୍ଷରୁ ଏନେଇ ସତର୍କ ହେବା ସହ ଏଭଳି କାଣ୍ଡ ଭିଆଉଥିବା ଯାତ୍ରୀଙ୍କୁ ଉଚିତ ଶାସ୍ତି ଦେବା ଦରକାର ବୋଲି ସାଧାରଣରେ ଦାବି ହୋଇଛି । 

You can also read: ଚିକିତ୍ସା କରିବାକୁ ଯାଇ ହଟହଟା ହେଲେ ଡାକ୍ତର, ସ୍କ୍ରୁଡ୍ରାଇଭରରେ ଆକ୍ରମଣ କରି ଲହୁଲୁହାଣ କଲା ରୋଗୀ