ନୀଳଗିରି,୭/୨ : ନିର୍ବାଚନ ଯେତେ ପାଖେଇ ଆସୁଛି ନୀଳଗିରି ବିଜେଡି ଦଳରେ ରାଜନୀତି ପାଣି ପାଗ ବଦଳିବାରେ ଲାଗିଛି। ବିଜେଡି ନେତା ସନ୍ତୋଷ ଖଟୁଆଙ୍କ ଉଦ୍ୟମରେ   ଅନ୍ୟ ଦଳର କର୍ମୀମାନେ ଦଳ ଛାଡି ଶଙ୍ଖ ଭବନରେ ବିଜେଡିରେ ସାମିଲ ହୋଇଛନ୍ତି। ନୀଳଗିରି ନିର୍ବାଚନ ମଣ୍ଡଳୀର ଏନ୍ଏସି, ନୀଳଗିରି ବ୍ଲକ, ଔପଦା ବ୍ଲକ, ବାହାନଗା ବ୍ଲକର, ବିଜେପି ଓ କଂଗ୍ରସର  କର୍ମୀ ଦଳ ଛାଡ଼ି ବିଜେଡ଼ି ଦଳରେ ସାମିଲ ହୋଇଛନ୍ତି। 

 ନୀଳଗିରି ନିର୍ବାଚନ ମଣ୍ଡଳୀ ନେତା ତଥା ଜିଲ୍ଲା ବିଜେଡ଼ିର ବରିଷ୍ଠ ଉପ ସଭାପତି ସନ୍ତୋଷ କୁମାର ଖଟୁଆଙ୍କ ନେତୃତ୍ଵରେ ମନ୍ତ୍ରୀ ତଥା ବାଲେଶ୍ବର ଜିଲ୍ଲା ପର୍ଯ୍ୟବେକ୍ଷକ ପ୍ରତାପ ଦେବଙ୍କ ଉପସ୍ଥିତିରେ ଏକ ମିଶ୍ରଣ ପର୍ଵ ଆୟୋଜନ କରାଯାଇଥିଲା। ଶିଶିର ମହାପାତ୍ର ଫାଉଣ୍ଡେସନର ପ୍ରତିଷ୍ଠାତା ତଥା  ସମାଜ ସେବୀ ସବ୍ୟସାଚୀ ମହାପାତ୍ର ବିଜେଡିରେ ପୁଣି ଥରେ ସାମିଲ ହୋଇଛନ୍ତି।  

ସେହିପରି ସବ୍ୟସାଚୀଙ୍କ ନେତୃତ୍ୱରେ ମଧ୍ୟ ୬ନମ୍ବର କାଉନସିଲର ପ୍ରତାପ ସେଠୀ ଓ ଅନ୍ୟ ଯୁବକ ମାନେ ବିଜେଡିରେ ମିଶିଛନ୍ତି। ପୂର୍ବତନ ବ୍ଲକ ଚେୟାରମ୍ୟାନ ଝରଣା ସିଂ ବିଜେଡିରେ  ମିଶିଛନ୍ତି।୩୨ ଜଣ ଙ୍କୁ ମନ୍ତ୍ରୀ ପ୍ରତାପ ଦେବ ଦଳୀୟ ଉତ୍ତରୀୟ ଦେଇ ଦଳକୁ ସ୍ୱାଗତ କରିଥିଲେ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ନୀତି ଆଦର୍ଶ ରେ ଅନୁପ୍ରାଣିତ ହୋଇ ଦଳ ରେ ଯୋଗ ଦେଇଥିବା କର୍ମୀ ମାନେ କହିଛନ୍ତି। ଏହି ମିଶ୍ରଣ ପର୍ବ ରେ ବିଜେଡ଼ି ଦଳରୁ ଜିଲ୍ଲାପରିଷଦ ସଭ୍ୟ ଗତିକୃଷ୍ଣ ନନ୍ଦ, ଶିଶିର ଉତ,ସୁରଞ୍ଜନ ମହାପାତ୍ର,ଦିପ୍ତିକାନ୍ତ ପୃଷ୍ଟି ଙ୍କ ସମେତ ନିର୍ବାଚନ ମଣ୍ଡଳୀ ର ଅନେକ ନେତା ଉପସ୍ଥିତ ଥିଲେ।