ନୀଳଗିରି ,୨୩/୩ : ରାସ୍ତାରେ ଠିଆ ହୋଇଥିବା ଟ୍ରକ୍‌କୁ ଧକ୍କା ଦେଲା ବାଇକ୍। ଜଣେ ମୃତ ଅନ୍ୟ ଜଣେ ଗୁରୁତର। ବାଲେଶ୍ଵର ଜିଲ୍ଲା ନୀଳଗିରି ଥାନା ଅଧିନ ସନ୍ତରାଗଡିଆରୁ ବିଦୁ ରାସ୍ତା ବାରାକୋଇଲି ଛକ ନିକଟରେ ଏହି ମର୍ମନ୍ତୁକ ଦୁର୍ଘଟଣା ଘଟିଛି। ଗୁରୁତରଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି।

ସୂଚନାନୁଯାୟୀ, ଆରକେଡି କମ୍ପାନୀର ଦୁଇଜଣ କାର୍ଯ୍ୟରତ କର୍ମଚାରୀ ବାଇକରେ ସନ୍ତରାଗଡିଆରୁ ବିଦୁ ଅଭିମୁଖେ ଦୃତ ଗତିରେ ଯାଉଥିବା ବେଳେ ଅପର ପାର୍ଶ୍ଵରେ ଛିଡ଼ା ହୋଇଥିବା ଟ୍ରକ୍‌କୁ ଧକ୍କା ଦେଇଥିଲେ। ପରେ ଘଟଣା ସ୍ଥଳରେ ବାଇକ୍ ଚାଳକଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି। ଗୁରୁତର ଯୁବକଙ୍କୁ ଈଶ୍ଵରପୁର ମେଡିକାଲରେ ଭର୍ତ୍ତି କରାଯାଇଥିଲା। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ଵର ମେଡିକାଲକୁ ସ୍ଥାନାନ୍ତର କରାଯାଇଛି। ମୃତକ ହେଲେ କେନ୍ଦ୍ରାପଡ଼ା ଜିଲ୍ଲା ବଟିରା ଗ୍ରାମର ପ୍ରଶାନ୍ତ ନାୟକ ଓ ଗୁରୁତର ହେଲେ ସେହିଗ୍ରାମର ପ୍ରଶାନ୍ତ ବେହେରା ବୋଲି ଜଣାପଡିଛି। ନୀଳଗିରି ପୋଲିସ ଦୁର୍ଘଟଣା ଘଟାଇଥିବା ଗାଡିକୁ ଜବତ କରିଛି।