ନୂଆଦିଲ୍ଲୀ, ୫।୬: ଦକ୍ଷିଣ ଦିଲ୍ଲୀର ଲାଜପତ ନଗରରେ ଥିବା ଏକ ଶିଶୁ ହସ୍ପିଟାଲରେ ନିଆଁ ଲାଗିଥିବା ସୂଚନା । ଏଠାରେ ଥିବା ଆଇ ୭ ହସ୍ପିଟାଲରେ ଅଚାନକ ନିଆଁ ଲାଗିଯାଇଥିଲା । ଏହାପରେ ଦିଲ୍ଲୀ ଫାୟାର ବ୍ରିଗେଡ୍କୁ ଅଗ୍ନିକାଣ୍ଡ ବିଷୟରେ ସୂଚନା ଦିଆଯାଇଥିଲା । ବୁଧବାର ୧୧ ଟା ୩୦ ସମୟରେ ଏଭଳି ଦୁର୍ଘଟଣା ଘଟିଥିବା ଜଣାପଡ଼ିଛି ।
Delhi: Fire broke out at Eye7 Chaudhary Eye Centre in South Delhi's Lajpat Nagar. 12 fire tenders at the spot. Further details awaited. @DelhiPolice pic.twitter.com/rJFO9KM26A
— nikesh singh (@nikeshs86) June 5, 2024
ସୂଚନା ମିଳିବା ପରେ ଦିଲ୍ଲୀ ଫାୟାର ସର୍ଭିସର ୧୬ଟି ଫାୟାର ବ୍ରିଗେଡ୍ ଗାଡ଼ି ଘଟଣାସ୍ଥଳରେ ପହଞ୍ଚିଛି । ତେବେ ଏପର୍ଯ୍ୟନ୍ତ କୌଣସି କ୍ଷୟକ୍ଷତି ହୋଇଥିବାର ସୂଚନା ମିଳିନାହିଁ । ନିଆଁ ଏତେ ମାତ୍ରାରେ ଭୟାନକ ଥିଲା ଯେ, କୋଠାରୁ କଳା ଧୂଆଁ ଚାରିଆଡ଼େ ବ୍ୟାପି ଯାଇଥିଲା । ନିଆଁ ଲାଗିବା ପରେ ଘଟଣାସ୍ଥଳରେ ଲୋକଙ୍କ ଭିଡ଼ ଦେଖିବାକୁ ମିଳିଛି । କିଛି ଦିନ ତଳେ ଏହିପରି ଏକ ଶିଶୁ ହସ୍ପିଟାଲରେ ଅଗ୍ନିକାଣ୍ଡ ଘଟଣାରେ ଦିଲ୍ଲୀରେ ୭ ନବଜାତକଙ୍କ ମୃତ୍ୟୁ ହୋଇଯାଇଥିଲା ।
