ପ୍ରମୂଖ ଖବର
  • ଶ୍ରୀମନ୍ଦିର ପରିଚାଳନା କମିଟି ବୈଠକରେ ରଥଯାତ୍ରା ନୀତି ନିର୍ଘଣ୍ଟ ଉପରେ ବାଜିଲା ମୋହର
  • ||
  • ବାଂଲାଦେଶକକୁ ୮ରନ୍‌ରେ ପରାସ୍ତ କଲା ଆଫଗାନିସ୍ତାନ, ସେମିରେ ଦକ୍ଷିଣ ଆଫ୍ରିକାକୁ ଭେଟିବ
  • ||
  • ଶୌଚ ପାଇଁ ଯାଇଥିବା ବେଳେ ମହିଳାଙ୍କୁ ଦଂଶନ କଲା ସାପ, ଚାଲିଗଲା ଜୀବନ
  • ||
  • ମାଲକାନଗିରି ସୀମାନ୍ତରେ ଏନ୍‌କାଉଣ୍ଟର, ପୋଲିସ ଗୁଳିରେ ହାର୍ଡକୋର ମାଓବାଦୀ ନିହତ
  • ||
  • ଲୋକସଭା ବାଚସ୍ପତି ନିର୍ବାଚନ: ଆଜି ପ୍ରାର୍ଥୀଙ୍କ ନାଁ ଘୋଷଣା କରିବ NDA, ମଧ୍ୟାହ୍ନ ୧୨ଟାରେ ସୁଦ୍ଧା ନାମାଙ୍କନ
  • ||
  • ଲୋକସଭା ବାଚସ୍ପତି ନିର୍ବାଚନ,ଆଜି ପ୍ରାର୍ଥୀଙ୍କ ନାଁ ଘୋଷଣା କରିବ NDA, ୧୨ଟାରେ ନାମାଙ୍କନ
  • ||
  • ରାଜ୍ୟରେ ଜୁଲାଇ ୧୫ ଯାଏ ନିଅଣ୍ଟିଆ ବର୍ଷା: ଦୁର୍ବଳ ହେବ ଘୂର୍ଣ୍ଣିବଳୟ, ସକ୍ରିୟ ହେଉନି ମୌସୁମୀ
  • ||

ବିଚାରକଙ୍କ କୁକୁର ଚୋରି, ୨ ଡଜନ୍‌ ଲୋକଙ୍କ ବିରୋଧରେ ମାମଲା

ନୂଆଦିଲ୍ଲୀ ୨୪/୦୫: ଉତ୍ତରପ୍ରଦେଶର ବରେଲିରୁ ଏକ ଅଜବ ମାମଲା ସାମ୍ନାକୁ ଆସିଛି । ଏଠାରେ ଜଣେ ସିଭିଲ ଜଜ୍‌ଙ୍କ ଘରୁ ପୋଷା କୁକୁର ଚୋରି ହୋଇଛି । ବିଚାରକଙ୍କ ପରିବାର ଅଭିଯୋଗ କରିଛନ୍ତି, ପଡ଼ୋଶୀ ଡମ୍ପି ଅହମଦ ସେମାନଙ୍କ ପୋଷା କୁକୁରକୁ ଚୋରି କରିଛନ୍ତି । ଅଭିଯୋଗ ପରେ ପଶୁ କ୍ରୂରତା ଅଧିନିୟମ ଅଧୀନରେ ୨ ଡଜନ୍‌ରୁ ଅଧିକ ଲୋକଙ୍କ ବିରୋଧରେ ପୁଲିସ ମାମଲା ରୁଜୁ କରିଛି । ବିଚାରକଙ୍କ ପୋଷ୍ଟିଂ ହରଦୋଇରେ ହୋଇଥିବାବେଳେ ତାଙ୍କ ପରିବାର ବରେଲିର ସନ୍‌ସିଟି କଲୋନିରେ ରହୁଛି । 

ଅଭିଯୋଗ ଅନୁସାରେ, ବିଚାରକଙ୍କ ପରିବାର ଓ ଅହମଦଙ୍କ ପରିବାର ମଧ୍ୟରେ କିଛି ଦିନ ତଳେ ଝଗଡ଼ା ହୋଇଥିଲା । ଡମ୍ପି ଅହମଦଙ୍କ ପୁଅ କାଦିର ଖାନ୍‌ ବିଚାରକଙ୍କ ପରିବାର ସଦସ୍ୟଙ୍କୁ ଭୟଭୀତ କରିବା ସହିତ ହତ୍ୟା କରିବାକୁ ଧମକ ଦେଇଥିବା ଅଭିଯୋଗରେ ଉଲ୍ଲେଖ ହୋଇଛି । ଗତ ୧୬ ତାରିଖରେ ଡମ୍ପିଙ୍କ ପତ୍ନୀ ବିଚାରକଙ୍କ ଘରକୁ ଆସି ଅଭିଯୋଗ କଲେ ଯେ ବିଚାରକଙ୍କ ପୋଷା କୁକୁର ତାଙ୍କୁ ଓ ତାଙ୍କ ଝିଅ ଉପରେ ଆକ୍ରମଣ କରିଛି । ଏହା ପରେ ଘଟଣାକୁ ନେଇ ଖୁବ୍‌ ଝଗଡ଼ା ହେଲା । ତା’ପରେ ଘରୁ କୁକୁର ଚୋରି ହୋଇଥିବା ଜଣାପଡ଼ିଲା । ବିଚାରକ ଘଟଣା ବିଷୟରେ ଜାଣିବା ପରେ ଲକ୍ଷ୍ନୌରୁ ବରେଲି ପୁଲିସ ସହ ସମ୍ପର୍କ କଲେ ଏବଂ ପୂରା ଘଟଣା ଫୋନ୍‌ରେ ବର୍ଣ୍ଣନା କଲେ । ଏକ ଅଭିଯୋଗ ମଧ୍ୟ ଦାଖଲ କଲେ । ଏହା ପରେ ପୁଲିସ ବିଚାରକଙ୍କ କୁକୁର ଖୋଜିବାରେ ଲାଗିପଡ଼ିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.