ଲକ୍ଷ୍ନୌ,୨୨।୩: ଉତ୍ତର ପ୍ରଦେଶର ଆମେଠି ଜିଲ୍ଲାର ରେଲଓ୍ବେ ବିଭାଗର ଅବହେଳା ମାମଲା ସାମନାକୁ ଆସିଛି। ରେଲଓ୍ବେ ଅଧିକାରୀଙ୍କ ପାଇଁ ତିଆରି ହୋଇଥିବା ଡିପିସି କୋଚ୍‌ ଟ୍ରାକ୍ ମଝିରେ ଖରାପ ହୋଇଯାଇଥିଲା। ଏହାପରେ ରେଳ କର୍ମଚାରୀମାନେ ଏହାକୁ ଠେଲି ଠେଲି ମେନ୍ ଲାଇନ୍‌ରୁ ଲୁପ୍‌ ଲାଇନ୍‌କୁ ଆଣିଥଲେ। ରେଲଓ୍ବେ କର୍ମଚାରୀଙ୍କ ଦ୍ବାରା ଟ୍ରେନ୍‌କୁ ଧକ୍କା ମାରିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।

ଉଲ୍ଲେଖନୀୟ ଯେ, ପୁରା ମାମଲା ଜିଲ୍ଲାର ନିହାଲଗଢା ରେଲଓ୍ବେ ଷ୍ଟେସନ୍‌ର ଘଟଣା, ଯେଉଁଠି ସୁଲତାନପୁର ପକ୍ଷରୁ ଅଧିକାରୀମାନେ ଡିପିସି ଟ୍ରେନ୍‌ରୁ ଲକ୍ଷ୍ନୌ ଆଡକୁ ଯାଉଥିଲା। ସେତେବେଳେ ହଠାତ ଷ୍ଟେସନ୍‌ର ଆଉଟରରେ ଟ୍ରେନ୍ ଠିଆ ହୋଇଥିଲା। ମେନ୍ ଲାଇନ୍‌ର ଟ୍ରେନ୍ ଖରାପ ହେବା କାରଣରୁ  ଅନ୍ୟ ବହୁ ଟ୍ରେନ୍ ମଧ୍ୟ ପ୍ରଭାବିତ ହୋଇଥିଲା। ଖୁବ୍ ଚେଷ୍ଟା ପରେ ଡିପିସି ଟ୍ରେନ୍‌ ଠିକ୍ ହୋଇ ପାରିନଥିଲା। 

ଏହାପରେ ରେଲଓ୍ବେ କର୍ମଚାରୀଙ୍କ ଦ୍ବାରା ଡିପିସି ଟ୍ରେନ୍‌କୁ ଧକ୍କା ମାରି ମେନ୍‌ ଲାଇନ୍‌ରୁ ହଟାଇ ଲୁପ୍‌ ଲାଇନ୍‌କୁ ଅଣା ଯାଇଥିଲା। ଏହାର ଭିଡିଓ ତିଆରି କରି ଲୋକମାନେ ସୋସିଆଲ ମିଡିଆରେ ସେୟାର କରିଥିଲେ। ଭିଡିଓରେ ଦେଖିପାରିବେ, କିଛି ଲୋକ ଟ୍ରେନ୍‌କୁ ଠେଲିଠେଲି ଆଣୁଛନ୍ତି। ଆଖପାଖରେ ସ୍ଥାନୀୟ ଲୋକ ଅଛନ୍ତି। ଏହି ମାମଲାରେ ଆରପିଏଫ୍‌ର ଇନ୍ସପେକ୍ଟର ଆରଏସ୍‌ ଶର୍ମା କହିଛନ୍ତି, ଏହା ଡିପିସି ଟ୍ରେନ୍‌ର କୋଚ୍‌ ଅଟେ, ଯେଉଁଥିରେ ଅଧିକାରୀମାନେ ବସି ନିରୀକ୍ଷଣ କରନ୍ତି। ଏହା କାଲି ନିହାଲଗଢ ଷ୍ଟେସନ୍‌ର ଆଉଟରରେ ଖରାପ ହୋଇଯାଇଥିଲା। ଏହାପରେ ରେଲଓ୍ବେ କର୍ମଚାରୀ  ଠେଲିଠେଲି ଷ୍ଟେସନ୍‌କୁ ଆଣିଥିଲେ ଓ ପରେ ଏହାର ସମସ୍ୟାକୁ ସୁଧାରିବା ପରେ ଆଗକୁ ଯାତ୍ରା ଆରମ୍ଭ କରିଥିଲେ।