ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଦାରୁବ୍ରହ୍ମଙ୍କ ଶ୍ରୀଅଙ୍ଗରେ ଫୁଲୁରି ତେଲ ଲେପନ ପରେ ଜ୍ଵର ଉପଶମ, ଆଜି ମହାପ୍ରଭୁଙ୍କ ଓଷ ଲାଗି ନୀତି

ପୁରୀ,୨୮/୦୬: ଜ୍ୱରରେ ପୀଡ଼ିତ ଦାରୁବ୍ରହ୍ମ । ଏଣୁ ଶ୍ରୀମନ୍ଦିର ଅଣସର ପିଣ୍ଡିରେ ଚାଲିଛି ଶ୍ରୀବିଗ୍ରହଙ୍କ ଗୁପ୍ତ ସେବା । ଉପଶମ  ପାଇଁ ଦିନରାତି ଏକ କରିଛନ୍ତି ଦଇତାପତି  ସେବକ । ଶ୍ରୀଅଙ୍ଗ ଖୋଲିବା ପରେ ଫୁଲରି  ତେଲ ଲାଗି । ଗୁରୁବାର ବଡ଼ ଓଡ଼ିଆ ମଠରୁ  ଶ୍ରୀମନ୍ଦିରକୁ ଫୁଲରି ତେଲ ବିଜେ ହୋଇଛି । ରାତିରେ ଠାକୁରଙ୍କ ପାଦପଦ୍ମରେ ଫୁଲରି ତେଲ  ଘଷା ପରେ ଉପଶମ ଲଭିଛନ୍ତି ଶ୍ରୀବିଗ୍ରହ । ଅନବସରର ଷଷ୍ଠୀ ଅବସରରେ ଆଜି ମହାପ୍ରଭୁଙ୍କୁ ଓଷ ବା ଔଷଧ ଲାଗି କରାଯିବ। ଏହା ଆସନ୍ତା ୩ ଦିନ ଧରି ଚାଲିବ। 

ଜ୍ୱରରୁ ମୁକ୍ତି ପାଇଁ ଶ୍ରୀବିଗ୍ରହଙ୍କ ଶ୍ରୀଅଙ୍ଗରେ  ଫୁଲରି ତୈଳ ମର୍ଦ୍ଦନ କରାଯାଏ । ଏହି ତେଲ  ମାଲିସ ପରେ ଶ୍ରୀଜିଉ କିଛି ଅଂଶରେ ସୁସ୍ଥ  ହୋଇଥାନ୍ତି ବୋଲି ବିଶ୍ୱାସ ରହିଛି । ତିନୋଟି ତିନି  ସେରିଆ ମାଟି ଘଡ଼ିରେ ଘଣା ପେଡ଼ା ରାଶି ତେଲ  ସହିତ କୃଷ୍ଣଭାଗ ଧାନ, ବେଣା ଚେର, ଚନ୍ଦନ  କାଠ, କେତକୀ, ଚମ୍ପା, ବଉଳ, ମାଳତୀ, ମଲ୍ଲୀ,  ଜୁଇ, ଜାଇ ଆଦି ଫୁଲର ମିଶ୍ରଣ, ଶାଳ ପର୍ଣ୍ଣି,  ଗମ୍ଭାରୀ, ଲବାଙ୍ଗ କୁଳି, ଫଣଫଣା, କୃଷ୍ଣ ପର୍ଣ୍ଣି,  ବେଲ, ଖଣି ବଥୁ, ପଟଳି, ଖୁଆ, ଅଙ୍କରାନ୍ତି,  ଗୋଖରା, ଲମ୍ବାଗୋତି, ଦେଶୀ ଘିଅ, ମହୁ,  ନବାତ, ଖୁଆସର ଆଦିକୁ ମିଶାଇ ଏକ ବର୍ଷ  ପର୍ଯ୍ୟନ୍ତ ମାଟି ତଳେ ପୋତା ଯାଏ । ଦୀର୍ଘ ଏକ  ବର୍ଷ କାଳ ରଖି ଦେବସ୍ନାନ ପୂର୍ଣ୍ଣିମା ଦିନ ମାଟି  ତଳୁ ବାହାରି ପ୍ରସ୍ତୁତ ହୁଏ । ଏହି ଅବଧିରେ  ମିଶ୍ରିତ ତୈଳ ଔଷଧରେ ରୁପାନ୍ତରିତ ହୋଇଥାଏ ।  

ବଡ଼ଦେଉଳ ପରମ୍ପରା ଅନୁସାରେ ବଡ଼ଓଡ଼ିଆ  ମଠ ଫୁଲରି ତେଲ ଯୋଗାଏ । ଅତିବଡ଼ୀ  ଜଗନ୍ନାଥ ଦାସଙ୍କ ଦ୍ୱାରା ପ୍ରତିଷ୍ଠିତ ଏହି ମଠ । ବଡ଼  ଓଡ଼ିଆ ମଠ ମହନ୍ତ ଅଧିକାରୀ ବଂଶୀଧର ଦାସ  ଗୋସ୍ୱାମୀଙ୍କ ନିକଟକୁ ଆଜି ଶ୍ରୀମନ୍ଦିରରୁ ଡକରା  ଯିବାରେ ମଠ ପରିସରରେ ଫୁଲରି ତେଲ ପ୍ରସ୍ତୁତି  ଆରମ୍ଭ ହୋଇଥିଲା । ସ୍ନାନପୂର୍ଣ୍ଣିମାରେ ମାଟି ତଳୁ  ବାହାରିଥିବା ତେଲକୁ ଭଲଭାବେ ଛଣା ହୋଇ ମାଟି  ପାତ୍ରରେ କଦଳୀ ପତ୍ର ଘୋଡ଼ାଇ ପ୍ରସ୍ତୁତ ହେଲା ।  ୨ଟି ମାଟି ପାତ୍ରରେ ରହିଥିଲା ଫୁଲରି ତେଲ ।  ମହନ୍ତ ଗୋସ୍ୱାମୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମଠର  ସଦସ୍ୟମାନେ ଠାକୁରଙ୍କ ତେଲ ଶ୍ରୀମନ୍ଦିରରେ  ପହଞ୍ଚାଇଥିଲେ । ଅଣସର ପିଣ୍ଡିରେ ଶ୍ରୀଜିଉଙ୍କ  ଶ୍ରୀଅଙ୍ଗରେ ଏହି ତୈଳ ମର୍ଦ୍ଦନ କରାଯାଇଥିଲା ।  ଶୟନ ଅବସ୍ଥାରୁ ଶ୍ରୀବିଗ୍ରହଙ୍କୁ ଉଠାଇବାକୁ ଏସବୁ  ଅନନ୍ୟ ରୀତିନୀତି । ଏହାପରେ ଜୁଲାଇ ୧ ତାରିଖରେ  ଠାକୁରଙ୍କ ଚକା ବିଜେ ନୀତି ଅନୁଷ୍ଠିତ ହେବ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.