ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ଖୁବଶୀଘ୍ର ଜାମ୍ମୁ-କାଶ୍ମୀରରେ ହେବାକୁ ଯାଉଛି ବିଧାନସଭା ନିର୍ବାଚନ, ସଂକେତ ଦେଲେ ନିର୍ବାଚନ ଆୟୋଗ

Image Courtesy: facts.net

 ନୂଆଦିଲ୍ଲୀ: ଜାମ୍ମୁ-କାଶ୍ମୀରରେ ଖୁବଶୀଘ୍ର  ବିଧାନସଭା ନିର୍ବାଚନ ହେବାକୁ ଯାଉଛି । ଜାମ୍ମୁ-କାଶ୍ମୀର ଏବେ ଏକ କେନ୍ଦ୍ରଶାସିତ ଅଞ୍ଚଳ ଥିବା ବେଳେ ବିଧାନସଭା ନିର୍ବାଚନ ପରେ ସ୍ଥିତିକୁ ଦେଖି ଏହାକୁ ରାଜ୍ୟ ମାନ୍ୟତା ଦିଆଯାଇପାରେ । କେନ୍ଦ୍ର ସରକାର ଗଠନ ହେବା ପରେ ଚଳିତ ମାସ ଶେଷ ସୁଦ୍ଧା ଜାମ୍ମୁ-କାଶ୍ମୀରରେ ବିଧାନସଭା ନିର୍ବାଚନ ହେବା ନେଇ ନିର୍ବାଚନ ଆୟୋଗଙ୍କ ପକ୍ଷରୁ ସଂକେତ ଦିଆଯାଇଛି । ନିର୍ବାଚନ କରାଇବାକୁ ଗୃହ ମନ୍ତ୍ରାଳୟ ସହ ଆଲୋଚନା କରିବେ ନିର୍ବାଚନ ଆୟୋଗ । ଏହା ପରେ ନିର୍ବାଚନରେ ସାମିଲ ହେବାକୁ ଥିବା ରାଜନୈତିକ ଦଳଗୁଡ଼ିକ ସହ ନିର୍ବାଚନ ଆୟୋଗ ବୈଠକ କରିବେ ବୋଲି ଜଣାପଡ଼ିଛି । 

ଏହି ବୈଠକରେ ନିର୍ବାଚନ ସମୟରେ ସୁରକ୍ଷା ବନ୍ଦୋବସ୍ତ ସମେତ ଅନ୍ୟ କେତେକ ପ୍ରସଙ୍ଗ ଉପରେ ଆଲୋଚନା ହୋଇପାରେ । ସୁପ୍ରିମକୋର୍ଟଙ୍କ ନିର୍ଦ୍ଦେଶ କ୍ରମେ ନିର୍ବାଚନ ଆୟୋଗ ସେପ୍ଟେମ୍ବର ୨୦୨୪ ସୁଦ୍ଧା ବିଭିନ୍ନ ସ୍ଥାନରେ ନିର୍ବାଚନ ପ୍ରକ୍ରିୟା ଶେଷ କରିବେ ।  ସୂତ୍ର ଆଧାରରେ ମିଳିଥିବା ସୂଚନା ଅନୁସାରେ, ଜାମ୍ମୁ-କାଶ୍ମୀରରେ ନିର୍ବାଚନ ଚିହ୍ନ (ସଂରକ୍ଷଣ ଏବଂ ଆବଣ୍ଟନ) ଆଦେଶ ୧୯୬୮ର ପାରା ୧୦ ଅନୁସାରେ ନିର୍ବାଚନୀ ଚିହ୍ନ ଲାଗି ଅପିଲ କରିବାକୁ ରାଜନୈତିକ ଦଳଗୁଡ଼ିକୁ କହିଛନ୍ତି ନିର୍ବାଚନ ଆୟୋଗ । 

ଜାମ୍ମୁ-କାଶ୍ମୀରରେ ବିଧାନସଭା ନଥିବାରୁ ନିର୍ବାଚନ ଆୟୋଗ ନିର୍ବାଚନୀ ଚିହ୍ନ ଲାଗି ଆବେଦନ ପାଇଁ ଆହ୍ବାନ ଦେଇଛନ୍ତି ।ଯଦିଓ ବିଧାନସଭା ନିର୍ବାଚନ ଲାଗି କୌଣସି ନିର୍ଦ୍ଦିଷ୍ଟ ତାରିଖ ଘୋଷଣା ହୋଇନାହିଁ ତଥାପି ଜଲଦି ନିର୍ବାଚନ ହେବ ବୋଲି ନିର୍ବାଚନ ଆୟୋଗ ସଂକେତ ଦେଇଛନ୍ତି ।  ତେବେ ୨୦୨୪ ଲୋକସଭା ନିର୍ବାଚନରେ ଜାମ୍ମୁକାଶ୍ମୀରରେ ମତଦାନ ହୋଇଥିଲା । ଏହି ସମୟରେ ସେଠାରେ ଖୁବଶୀଘ୍ର ବିଧାନସଭା ନିର୍ବାଚନ  ହେବ ବୋଲି ନିର୍ବାଚନ ଆୟୋଗ କହିଥିଲେ । ଏଥର ଲୋକସଭା ନିର୍ବାଚନରେ ଗତ ୪ ଦଶନ୍ଧୀ ପରେ ସବୁଠୁ ଅଧିକ ୫୮.୫୮ ପ୍ରତିଶତ ମତଦାନ ହୋଇଛି । କାଶ୍ମୀର ଘାଟିରେ ୫୧.୦୫ ପ୍ରତିଶତ ଭୋଟିଂ ହୋଇଥିବା ଜଣାପଡ଼ିଛି । 

 

  • Jammu Kashmir
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.