ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ଅଶାନ୍ତ ବାଲେଶ୍ୱର: ଗୋଷ୍ଠୀ ସଂଘର୍ଷ ପାଇଁ କର୍ଫ୍ୟୁ, ୨୪ ଘଣ୍ଟା ବନ୍ଦ ରହିବ ଦୋକାନ ବଜାର

ବାଲେଶ୍ୱର, ୧୮/୦୬: ଅଶାନ୍ତ ହୋଇଛି ବାଲେଶ୍ୱର ସହର । ସୁନହଟ୍‌ସ୍ଥିତ ଭୁଜାଖିଆ ପୀରବାବାଙ୍କ ଆସ୍ଥାନ ନିକଟରେ ସୋମବାର ସକାଳେ ହୋଇଥିବା ଗୋଷ୍ଠୀ ସଂଘର୍ଷ ଶାନ୍ତ ପଡ଼ିବା ପରିବର୍ତ୍ତେ ବିଳମ୍ବିତ  ରାତିରେ ଅଧିକ ଅଶାନ୍ତ ହୋଇଛି । ପରିସ୍ଥିତି ନିୟନ୍ତ୍ରଣ କରିବା ପାଇଁ ସହରରେ କର୍ଫ୍ୟୁ ଜାରି କରାଯାଇଛି । ବାଲେଶ୍ୱର ସହରକୁ ଯାଇଥିବା  ସବୁ ରାସ୍ତାକୁ ସିଲ୍‌ କରାଯିବା ସହ ମଙ୍ଗଳବାର ଦୋକାନ ବଜାର ବନ୍ଦ ରଖିବାକୁ ପ୍ରଶାସନ ନିର୍ଦ୍ଦେଶ ଦେଇଛି ।   

ସୂଚନା ଅନୁଯାୟୀ, ଇଦ୍‌-ଉଲ-ଜୁହା ଅବସରରେ ସଂଖ୍ୟାଲଘୁ  ସମ୍ପ୍ରଦାୟର ଲୋକେ ସୋମବାର ସକାଳେ ଦରଘା ପଡ଼ିଆରେ ନମାଜ ପାଠ  କରିଥିଲେ । ଦରଘା ମଇଦାନସ୍ଥିତ କଦମ୍‌ ରସୁଲ କବର ସ୍ଥାନରେ ପହଞ୍ଚି  ଆଶୀର୍ବାଦ ନେଇଥିଲେ । ପରେ ପରସ୍ପରକୁ ଇଦ୍‌-ଉଲ-ଜୁହା ଶୁଭେଚ୍ଛା  ଜଣାଇଥିଲେ । ଏହି ସମୟରେ ସୁନହଟ୍‌ସ୍ଥିତ ଏକ ଡ୍ରେନ୍‌ରେ ଲାଲ  ରଙ୍ଗର କୌଣସି ଦ୍ରବ୍ୟ ପଡ଼ିଥିବା ଦେଖି ଅନ୍ୟ ଏକ ଗୋଷ୍ଠୀର ଲୋକେ  ତାତିଥିଲେ । ସେମାନେ ଏହାକୁ ରକ୍ତ ବୋଲି ଦାବି କରିଥିଲେ । ଏହାକୁ  ଗୋଟିଏ ଗୋଷ୍ଠୀ ଗୋ-ରକ୍ତ ଦାବି କରି ଉତ୍‌କ୍ଷିପ୍ତ ହୋଇପଡ଼ିଥିଲେ । 

ଏହାକୁ  ନେଇ ଉତ୍ତେଜନା ଦେଖାଦେଇଥିଲା । ଉଭୟ ଗୋଷ୍ଠୀ ମୁହାଁମୁହିଁ ହେବା ସହ  ଢେଲା ପଥର ମାଡ଼ କରିଥିଲେ । ଏହି ଘଟଟଣାକୁ ନେଇ ଦୁଇ ଗୋଷ୍ଠୀ  ମଧ୍ୟରେ ସଂଘର୍ଷ ହୋଇଥିଲା । ଢେଲା, ପଥର ମାଡ଼ରେ ଏକାଧିକ ଲୋକ  ଆହତ ହୋଇଥିଲେ । ୧୦ରୁ ଅଧିକ ଗାଡ଼ି ଭଙ୍ଗାରୁଜା ହୋଇଥିଲା । ପୁଲିସ୍‌  ପହଞ୍ଚି ଉଭୟ ଗୋଷ୍ଠୀଙ୍କୁ ଘଉଡ଼ାଇବାକୁ ଚେଷ୍ଟା କରିଥିବା ବେଳେ ଉତ୍ତ୍ୟକ୍ତ  ଲୋକେ ପୁଲିସ୍‌ ଉପରକୁ ମଧ୍ୟ ଢେଲା, ପଥର ମାଡ଼ କରିଥିଲେ । କେତେକ  ପୁଲିସ୍‌ ମଧ୍ୟ ଆହତ ହୋଇଥିଲେ । ପରିସ୍ଥିତି ନିୟନ୍ତ୍ରଣକୁ ଆଣିବା ପାଇଁ ପୁଲିସ୍‌  ଲାଠି ଚାଳନା କରିବା ସହ ଲୁହବୁହା ଗ୍ୟାସ୍‌ ପ୍ରୟୋଗ କରିଥିଲା । ଘଟଣାସ୍ଥଳରେ  ୧୪୪ ଧାରା ଜାରି କରାଯାଇ ବ୍ୟାପକ ଫୋର୍ସ ମୁତୟନ କରାଯାଥିଲା । ଏହା  ସତ୍ତେ୍ୱ ବିଳମ୍ବିତ ରାତିରେ ସହରର ବିଭିନ୍ନ ସ୍ଥାନରେ ପୁଣି ଉତ୍ତେଜନା ସହ  ପୋଡ଼ାଜଳ ଓ ଭଙ୍ଗାରୁଜା କରାଯାଇଥିଲା । ଅନ୍ୟପଟେ ମୁଖ୍ୟମନ୍ତ୍ରୀ ମୋହନ  ଚରଣ ମାଝୀ ଶାନ୍ତି, ସୌହାର୍ଦ୍ଦ୍ୟ ବଜାୟ ରଖିବାକୁ ନିବେଦନ କରିଛନ୍ତି । ପରିସ୍ଥିତିକୁ  ନିୟନ୍ତ୍ରଣକୁ ଆଣିବା ପାଇଁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ।

ସୋମବାର ସକାଳର ଗଣ୍ଡଗୋଳ ପରେ ଗୋଟିଏ ଗୋଷ୍ଠୀ ପାତ୍ରପଡ଼ା-ଚାନ୍ଦିପୁର ରାସ୍ତା ଅବରୋଧ କରିଥିଲେ । ଏହାକୁ ନେଇ ଉଭୟ ଗୋଷ୍ଠୀ ପୁଣି ଟେକା ପଥର ମାଡ଼ ସାଙ୍ଗକୁ ରାସ୍ତା ପାଶ୍ୱର୍ରେ ଥିବା ଯାନବାହନ ଭଙ୍ଗାରୁଜା କରିଥିଲେ । ବାଲେଶ୍ୱର ଏସ୍‌ପି ସାଗରିକା  ନାଥ ସଦଳବଳ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ଘଉଡ଼ାଇବାକୁ ଚେଷ୍ଟା  କରିଥିଲେ । ଉତ୍ତ୍ୟକ୍ତ ଲୋକେ ପୁଲିସ୍‌ ଉପରକୁ ମଧ୍ୟ ଢେଲା,  ପଥର ମାଡ଼ କରିଥିଲେ । ଏଥିରେ ଜଣେ ଅତିରିକ୍ତ ଏସ୍‌ପି, ୨ ଜଣ  ଡିଏସ୍‌ପି, ୩ ଜଣ କନଷ୍ଟେବଲଙ୍କ ସମେତ ୧୦ରୁ ଅଧିକ ଲୋକ  ଆହତ ହୋଇଥିଲେ । ପରେ ପୁଲିସ୍‌ ଲାଠି ଚାଳନା କରିବା ସହ  ଲୁହବୁହା ଗ୍ୟାସ୍‌ ପ୍ରୟୋଗ କରିଥିଲା । ଘଟଣାସ୍ଥଳରେ ୧୪୪ ଧାରା  ଜାରି କରାଯିବା ସହ ବ୍ୟାପକ ପୁଲିସ୍‌ ଫୋର୍ସ ମୁତୟନ କରାଯାଇଛି ।  ହେଲେ ବିଳମ୍ବିତ ରାତିରେ ଏତଲା ଦେବାକୁ ଥାନାକୁ ଯାଉଥିବା  ଗୋଟିଏ ଗୋଷ୍ଠୀକୁ ଅନ୍ୟ ଗୋଷ୍ଠୀ ପକ୍ଷରୁ ଆକ୍ରମଣ ହୋଇଥିବା  ଜଣାପଡ଼ିଛି । ଏଥିସହ ବିଭିନ୍ନ ସ୍ଥାନରେ ଜଳାପୋଡ଼ା, ରିକ୍ସା ଓ ଗାଡ଼ି  ଭଙ୍ଗାରୁଜା କରାଯାଇଛି । ଶାନ୍ତି ବଜାୟ ରଖିବା ପାଇଁ ମୁଖ୍ୟମନ୍ତ୍ରୀ  ମୋହନ ଚରଣ ମାଝୀ ବାଲେଶ୍ୱର ଜିଲ୍ଲାପାଳଙ୍କ ସହ ଆଲୋଚନା  କରିବା ସହ ପରିସ୍ଥିତିକୁ ନିୟନ୍ତ୍ରଣ ପାଇଁ ଦୃଢ଼ ନିର୍ଦ୍ଦେଶ ଦେଇଛନ୍ତି ।  

ମୁଖ୍ୟମନ୍ତ୍ରୀ କହିଛନ୍ତି, କୌଣସି ପରିସ୍ଥିତିରେ ଶାନ୍ତି ଶୃଙ୍ଖଳା ବ୍ୟାହତ  ହେବାକୁ ଦିଆଯିବ ନାହିଁ । ଓଡ଼ିଶା ଏକ ଶାନ୍ତି ପ୍ରିୟ ରାଜ୍ୟ । ଭାଇଚାରା,  ଶାନ୍ତି ଶୃଙ୍ଖଳା ବଜାୟ ରଖିବାକୁ ସେ ସମସ୍ତଙ୍କୁ ନିବେଦନ କରିଛନ୍ତି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.