ପ୍ରମୂଖ ଖବର
  • ରଥଯାତ୍ରା ଏଂବ ସ୍ନାନ ପୂର୍ଣ୍ଣିମାକୁ ନେଇ ଗୁରୁତ୍ଵପୂର୍ଣ୍ଣ ବୈଠକ ବସିବ, ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧ୍ୟକ୍ଷତାରେ ବସିବ
  • ||
  • ପଙ୍କରେ ଫସିଲେ ୩ ଦନ୍ତା ହାତୀ, ଖାଦ୍ୟ ଅନ୍ବେଷଣରେ ଆସି ଅଟକି ରହିଛନ୍ତି
  • ||
  • ମୋହନା: ଶଳାକୁ ଗୁଳି କରି ହତ୍ୟା କଲା ଭିଣୋଇ
  • ||
  • ଜମି ବିବାଦକୁ ନେଇ ମାଆ ଓ ଝିଅଙ୍କୁ ଛୁରା ମାଡ଼ ଘଟଣା, ଜେଲ ଗଲା ଅଭିଯୁକ୍ତ ସୂରଜ
  • ||
  • ଭାରତୀୟ ରେଳବାଇ ରଚିଲା ଇତିହାସ, 'ଲିମକା ବୁକ୍ ଅଫ୍ ରେକର୍ଡସ'ରେ ପାଇଲା ସ୍ଥାନ
  • ||
  • କରଞ୍ଜିଆ: ଫେରିଲେ ଝାଡ଼ଖଣ୍ଡି ହାତୀପଲ, ୨୦ରୁ ଊର୍ଦ୍ଧ୍ବ ଗାଁରେ ଭୟର ବାତାବରଣ
  • ||
  • ଅଗ୍ନିକାଣ୍ଡରେ ଜଳିଗଲା ଦୁଇ ବଖରା ଘର, ନିଆଁରେ ପୋଡି ହୋଇ ମହିଳା ଗୁରୁତର
  • ||
  • ଆଜି ଶେଷ ରଜ ଉତ୍ସବ: ସବୁଠି ପିଠା, ମିଠା, ପାନର ଆସର
  • ||
  • ଆଜି ପିତୃ ଦିବସ: ବାପାଙ୍କ ପାଇଁ ଦିନଟିଏ, ବାପା ବିଶ୍ବାସର ବରଗଛ, ଭରଷାର ଭବିଷ୍ୟତ
  • ||
  • ଓଡ଼ିଶାରେ ନାକେଦମ୍ କରୁଛି ତାତି, କାଲିଠୁ ମିଳିବ ଆଶ୍ୱସ୍ତି: ୨୪ ସୁଦ୍ଧା ରାଜ୍ୟରେ ମୌସୁମୀ ବର୍ଷା ସମ୍ଭାବନା
  • ||

ଏନ୍‌ସିଏ ଉଚ୍ଚ ପ୍ରଦର୍ଶନ ପରିଚାଳନା କାର୍ଯ୍ୟକ୍ରମ: ୩୦ଜଣିଆ ତାଲିକାରେ ଆୟର, କିଷନ

ମୁମ୍ବାଇ,୨୦/୦୫: କେନ୍ଦ୍ରୀୟ  ଚୁକ୍ତିରୁ ବାଦ୍‌ ପଡ଼ିଥିବା ଦୁଇ ବ୍ୟାଟର ଶ୍ରେୟାସ ଆୟର ଓ ଈଶାନ କିଷନଙ୍କୁ ବିସିସିଆଇ ଆଉ ଏକ ସୁଯୋଗ ପ୍ରଦାନ  କରିଛି । ଆଗାମୀ ୨୦୨୪-୨୫ ଘରୋଇ ସିଜନ ପାଇଁ ବିସିସିଆଇ ଉଭୟଙ୍କୁ ଏନ୍‌ସିଏର ଉଚ୍ଚ ପ୍ରଦର୍ଶନ ପରିଚାଳନା କାର୍ଯ୍ୟକ୍ରମରେ ସ୍ଥାନ ଦେଇଛି । ୩୦ଜଣିଆ  ତାଲିକାରେ ଉଭୟଙ୍କ ବ୍ୟତୀତ ଆଇପିଏଲ୍‌ରେ ଦ୍ରୁତ ବେଗରେ ବୋଲିଂ କରି  ଆତଙ୍କ ସୃଷ୍ଟି କରିଥିବା ଯୁବ ଫାଷ୍ଟ୍‌ ବୋଲର  ମୟଙ୍କ୍‌ ଯାଦବଙ୍କ ସମେତ ସର୍ଫରାଜ  ଖାନ୍‌ଙ୍କ ସାନ୍‌ ଭାଇ ମୁସିର ଖାନ ମଧ୍ୟ ସ୍ଥାନ  ପାଇଛନ୍ତି । ବିସିସିଆଇ ପକ୍ଷରୁ ଖୁବଶୀଘ୍ର  ଏହି ଶିବିର ପାଇଁ ତାରିଖ ଘୋଷଣା ହେବ ।  ବେଙ୍ଗାଲୁରୁରେ ପ୍ରତିଷ୍ଠା ହୋଇଥିବା ନୂଆ  ଏନ୍‌ସିଏରେ ଶିବିର ଆୟୋଜିତ ହେବାକୁ  ଯାଉଥିବାବେଳେ ଏନ୍‌ସିଏ୍‌ ମୁଖ୍ୟ ଭିଭିଏସ୍‌  ଲକ୍ଷ୍ମଣ କାର୍ଯ୍ୟକ୍ରମ ପରିଚାଳନା କରିବେ । 

ଗତ ସିଜନରେ ବିସିସିଆଇର ନିର୍ଦ୍ଦେଶ  ସତ୍ତେ୍ୱ ଆୟର ଓ କିଷନ ରଣଜୀ ଟ୍ରଫିରୁ  ଦୂରେଇ ରହିଥିଲେ । ଫଳରେ ଭାରତୀୟ  ଦଳ ଚୟନ କମିଟି ଉଭୟଙ୍କୁ କେନ୍ଦ୍ରୀୟ  ଚୁକ୍ତିରୁ ବାଦ୍‌ ଦେଇଥିଲେ । ଏପରିକି ଉଭୟ  ଆଗାମୀ ଟି-ଟ୍ୱେଣ୍ଟି ବିଶ୍ୱକପ୍‌ ପାଇଁ ଘୋଷିତ  ଦଳରୁ ବାଦ୍‌ ପଡ଼ିଥିଲେ । ବିସିସିଆଇ ପକ୍ଷରୁ  କୁହାଯାଇଛି ଯେ, ବୋର୍ଡ଼ କିମ୍ବା ଜାତୀୟ ଚୟନ  କମିଟି ଆୟର ଓ କିଷନଙ୍କ ପ୍ରତ୍ୟାବର୍ତ୍ତନକୁ  ବିରୋଧ କରୁନାହିଁ । ଯଦି ସେମାନେ  ଘରୋଇ କ୍ରିକେଟ୍‌ ପ୍ରତି ନିଜର ଆଭିମୁଖ୍ୟ  ବଦଳାଇବେ ଏବଂ ଆଗାମୀ ସିଜନରେ  ଶ୍ରେଷ୍ଠ ପ୍ରଦର୍ଶନ କରିବେ ସେମାନଙ୍କୁ ଜାତୀୟ  ଦଳରେ ସାମିଲ୍‌ କରାଯିବ । ଏପରିକି  କେନ୍ଦ୍ରୀୟ ଚୁକ୍ତିକୁ ମଧ୍ୟ ଫେରିପାରିବେ ।’  ଆୟର ଆଇପିଏଲ୍‌ ଫ୍ରାଞ୍ଚାଇଜ କୋଲକାତା  ନାଇଟ୍‌ ରାଇଡର୍ସର ନେତୃତ୍ୱ ନେଉଛନ୍ତି  ଏବଂ ଦଳ ପ୍ଲେ-ଅଫ୍‌ରେ ପ୍ରବେଶ କରିଛି ।  କିଷନ ପ୍ଲେ-ଅଫ୍‌ରୁ ବାଦ ପଡ଼ିଥିବା ମୁମ୍ବାଇ ଇଣ୍ଡିଆନ୍ସ ଦଳ ସଦସ୍ୟ ଥିଲେ ।  

ଏନ୍‌ସିଏ ଉଚ୍ଚ ପ୍ରଦର୍ଶନ ଶିବିର  ପାଇଁ ମନୋନୀତ ହୋଇଥିବା ଖେଳାଳି  ତାଲିକାରେ ମୟଙ୍କ୍‌, ମୁସିର, ଉମ୍ରାନ  ମଲ୍ଲିକ, ଅଭେଶ ଖାନ, କୁଲଦୀପ  ସେନ, ହର୍ଷିତ ରାଣା, ଖଲିଲ ଅହମ୍ମଦ,  ତୁଷାର ଦେଶପାଣ୍ଡେ, ରିୟାନ ପରାଗ,  ଆଶୁତୋଷ ଶର୍ମା, ସାଇ ସୁଦର୍ଶନ,  ଦେବଦତ୍ତ ପାଡିକଲ, ସାଇ କିଶୋର, ପୃଥ୍ୱୀ  ଶ, ସାମ୍ସ ମୁଲାନୀ, ତନୁଷ କୋଟିଆନ୍‌ଙ୍କ  ଭଳି ଦକ୍ଷ ଖେଳାଳି ସାମିଲ ରହିଛନ୍ତି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.