ପ୍ରମୁଖ ଖବର
  • ଜମ୍ମୁ-କାଶ୍ମୀରକୁ ଖୁବ୍‌ଶୀଘ୍ର ମିଳିବ ପୂର୍ଣ୍ଣ ରାଜ୍ୟ ମାନ୍ୟତା, ଉଦ୍ଧମପୁରରେ ପ୍ରଧାନମନ୍ତ୍ରୀଙ୍କ ବଡ଼ ଘୋଷଣା
  • ||
  • କାଳିକାଦେବୀ ସାହିରେ ବୁଲେ ମାଟିମଣ୍ଡପ ସାହି ପଟୁଆର, ଆଜି ବାଲିସାହି-ହରଚଣ୍ଡି ସାହି ଶାନ୍ତି କମିଟି ବୈଠକ
  • ||
  • ପ୍ୟାରିସ ଅଲିମ୍ପିକ୍ସ: ୧୭ରେ ବିକ୍ରି ହେବ ୨୫୦,୦୦୦ ଟିକେଟି
  • ||
  • ଗ୍ରୀଷ୍ମ ଛୁଟିରେ ଅନ୍‌ଲାଇନ୍‌ କ୍ଲାସ୍‌, ଆଜି ପ୍ରଧାନଶିକ୍ଷକମାନଙ୍କ ବୈଠକରେ ହେବ ଆଲୋଚନା
  • ||
  • ତୃତୀୟ ପର୍ଯ୍ୟାୟ ନିର୍ବାଚନ: ଶୁକ୍ରବାର ପ୍ରକାଶ ପାଇବ ବିଜ୍ଞପ୍ତି, ଆରମ୍ଭ ହେବ ନାମାଙ୍କନ ପ୍ରକିୟା
  • ||
  • ଜାତୀୟ ପଥପ୍ରାନ୍ତ ନାଟକ ଦିବସ: ସରକାରୀ ସ୍ୱୀକୃତିକୁ ଅପେକ୍ଷା, ଅନେକ ଦାବି ପରେ ବି ଅବହେଳିତ
  • ||
  • ଦିଲ୍ଲୀ ମଦ ନୀତି ମାମଲା: ଆଜି କୋର୍ଟରେ ହାଜର ହେବେ ବିଆର୍‌ଏସ୍‌ ନେତ୍ରୀ କେ.କବିତା, ରିମାଣ୍ଡ ଆବେଦନ କରିବ CBI
  • ||
  • IPL 2024: ସୁପରଜାଏଣ୍ଟ୍‌ସ - କ୍ୟାପିଟାଲ ଲଢ଼େଇ, ଏକାନ୍ନାରେ ଚ୍ୟାଲେଞ୍ଜ ହେବ ସ୍ପିନ
  • ||
  • ପୂର୍ବତନ ସ୍ୱାସ୍ଥ୍ୟମନ୍ତ୍ରୀ କମଳା ଦାସଙ୍କ ପରଲୋକ, ୭୯ ବର୍ଷ ବୟସରେ କଲେ ଶେଷ ନିଶ୍ୱାସ ତ୍ୟାଗ
  • ||
  • ବଦଳିବ ପାଣି ପାଗ ମିଜାଜ୍: ୪ ଦିନରେ ୮ ଡିଗ୍ରୀ ବଢ଼ିପାରେ ତାପମାତ୍ରା, ପୁଣି କଲବଲ କରିବ ତାତି
  • ||

ଶ୍ରୀକ୍ଷେତ୍ରରେ ଭିକାରୀମୁକ୍ତ ଅଭିଯାନ ଫେଲ୍, ମାଳ ମାଳ ଭିକାରୀଙ୍କ ଦଖଲରେ ସହର ଓ ଦେବାଳୟ

ପୁରୀ, ୦୪/୦୪ : ବିଶ୍ୱସ୍ତରୀୟ ପର୍ଯ୍ୟଟନ ସହର ଶ୍ରୀକ୍ଷେତ୍ରକୁ ଭିକାରୀମୁକ୍ତ କରିବା ଲାଗି ଅଣ୍ଟା ଭିଡ଼ିଥିଲା ପ୍ରଶାସନ। କିନ୍ତୁ ଏବେ ଦେବାଳୟ ଠାରୁ ଆରମ୍ଭ କରି ସହରାଞ୍ଚଳ ମଧ୍ୟରେ ମାଳ ମାଳ ଭିକାରୀମାନେ ଥାଳ ଧରି ବୁଲୁଛନ୍ତି। ଶ୍ରୀଲୋକନାଥଙ୍କ ପୀଠ ଓ ମହାପ୍ରଭୁଙ୍କୁ ଦର୍ଶନ ଲାଗି ଆସୁଥିବା ଶ୍ରଦ୍ଧାଳୁଙ୍କୁ ଅଟକାଇ ଜୋରଜବରଦସ୍ତ ଭିକ୍ଷା ମାଗୁଛନ୍ତି । ଫଳରେ ଯାହାକୁ ନେଇ ଶ୍ରଦ୍ଧାଳୁଙ୍କ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇବା ସହ ତିକ୍ତ ଅନୁଭୂତି ନେଇ ଫେରୁଛନ୍ତି । ଭିକ୍ଷାବୃତ୍ତି ଏକ ସାମାଜିକବ୍ୟାଧି । ଧାର୍ମିକ ସହରରୁ ହଟେଇବା ଲାଗି ସାମାଜିକ ସୁରକ୍ଷା ବିଭାଗ ପକ୍ଷରୁ ପଦକ୍ଷେପ ନିଆଯାଇଥିଲା । 

ବାବୁମାନେ ଗଳିକନ୍ଦି ସହ ସିଂହଦ୍ୱାର, ବଡଦାଣ୍ଡ, ଶ୍ରୀଲୋକନାଥପୀଠ, ଶ୍ରୀଗୁଣ୍ଡିଚା ମନ୍ଦିର, ନୃସିଂହ ମନ୍ଦିର, ଆଖଣ୍ଡଳମଣି ମନ୍ଦିର ସମେତ ଅନ୍ୟାନ୍ୟ ସ୍ଥାନରେ ଜୋର ଜବରଦସ୍ତି ଭିକାରୀମାନଙ୍କୁ ଉଠାଯାଇ ନୀଳାଦ୍ରିନିଳୟ ଆଶ୍ରୟ କେନ୍ଦ୍ରରେ ଥଇଥାନ କରାଯାଇଥିଲା । ଏହାପରେ ସହରରୁ ଭିକାରୀ ମୁକ୍ତ ହୋଇପାରିଥିଲା । କିନ୍ତୁ ଏବେ ପୁଣି ମାଡି ଆସିଲେଣି ଭିକାରୀ । ବିଭିନ୍ନ ସ୍ଥାନରେ ପସରା ମେଲାଇ ବସିଲେଣି । ହେଲେ ଏହା ଉପରେ କୌଣସି ବାବୁମାନଙ୍କର ଦୃଷ୍ଟି ପଡୁନାହିଁ ।  ପୁରୀକୁ ବିଶ୍ୱ ଐତିହ୍ୟ ସହର ଭାବେ ଗଢି ତୋଳିବା ଲାଗି ରାଜ୍ୟ  ସରକାର ଉଦ୍ୟମ ଜାରି ରଖିଛନ୍ତି । ଏବେ ବି ବିକାଶ କାର୍ଯ୍ୟ ଜାରି ରହିଛି । ଅବଢା ଯୋଜନାରେ କୋଟି କୋଟି ଟଙ୍କା ବ୍ୟୟ କରାଯାଉଛି । ଯେଭଳି ଭାବେ ପୁରୀକୁ ଆସୁଥିବା ପର୍ଯ୍ୟଟକ ଓ ଶ୍ରଦ୍ଧାଳୁମାନେ ସୁଖଦ ଅନୁଭୂତି ନେଇ ଫେରିବେ ସେନେଇ ୪ବର୍ଷ ତଳୁ ସହରରେ ଭିକାରୀ ମୁକ୍ତ ଅଭିଯାନ ଆରମ୍ଭ ହୋଇଥିଲା । ପର୍ଯ୍ୟଟକ ଓ ଶ୍ରଦ୍ଧାଳୁମାନଙ୍କ ନଜର ଯେପରି ନ ପଡ଼ିବ ସେଥିପାଇଁ ପରିକଳ୍ପନା କରାଯାଇଥିଲା । କିନ୍ତୁ ଏବେ ଅଭିଯାନ ସମ୍ପୂର୍ଣ୍ଣ ଭାବେ ଫେଲ ମାରିଛି ।  

ଭିକାରୀମାନେ ପର୍ଯ୍ୟଟକ ଓ ଶ୍ରଦ୍ଧାଳୁମାନଙ୍କୁ ସିଧାସଳଖ ଟାଗେର୍ଟ କରୁଛନ୍ତି । ଏପରିକି ଯେ ପର୍ଯ୍ୟନ୍ତ ଭିକ୍ଷା ନ ମିଳିଛି ସେ ପର୍ଯ୍ୟନ୍ତ ସେମାନଙ୍କୁ ପିଛା କରୁଛନ୍ତି । ଯାହାଫଳରେ କଲବଲ ହେଉଛନ୍ତି ପର୍ଯ୍ୟଟକ । ଗତ ୨୦୧୯ରେ ସହରକୁ ବିଶ୍ୱସ୍ତରୀୟ ନିର୍ମାଣର ଶୁଭାରମ୍ଭ ହୋଇଥିଲା । ପରେ ପରେ ୨୦୨୦ରେ ସହରକୁ ନୋ-ଭେଣ୍ଡିଂ ଜୋନ୍‌, ନୋ ପାର୍କିଂ ଜୋନ୍‌, ନୋ ବେଗିଂ ଜୋନ୍‌ କରିବାକୁ ଉଦ୍ୟମ ଆରମ୍ଭ ହୋଇଥିଲା । ପ୍ରଥମେ ପ୍ରଶାସନ ପକ୍ଷରୁ ସିଂହଦ୍ୱାର ସମ୍ମୁଖରୁ ଭିକାରୀମାନଙ୍କୁ ହଟାଯାଇଥିଲା । ପରେ ପରେ ସହରର ବିଭିନ୍ନ ଦେବାଳୟ ସହ ଗଳିକନ୍ଦିରୁ ଅଧିକାରୀମାନେ ଗୋଡାଇ ଗୋଡାଇ ଭିକାରୀମାନଙ୍କୁ ଉଦ୍ଧାର କରିଥିଲେ । ପ୍ରଥମ ପର୍ଯ୍ୟାୟରେ ୧୯୦ଜଣ ଓ ପରେ ୫୦୦ ଭିକାରୀଙ୍କୁ ଉଦ୍ଧାର କରାଯାଇଥିଲା। ପରବର୍ତ୍ତୀ ସମୟରେ କାଉନସିଲିଂ ଜରିଆରେ ୧୫୦ଜଣଙ୍କୁ ସେମାନଙ୍କ ପରିବାର ବା ସମ୍ପର୍କୀୟମାନଙ୍କ ସହ ଛଡାଯାଇଥିଲା । 

ବାକି ଅନ୍ୟାମାନଙ୍କୁ ନୀଳାଦ୍ରିନିଳୟରେ ଥଇଥାନ କରାଯାଇଥିଲା । ସହରରେ ଦୁଇଟି ନିଳୟ ରହିଥିବା ବେଳେ ଜିଲ୍ଲାରେ  ମୋଟ ୭ଟି ରହିଥିବା ଜଣାପଡିଛି । ପ୍ରତ୍ୟେକ ନିଳୟ ପରିସରରେ ୫୦ଜଣଙ୍କୁ ଥଇଥାନ କରାଯାଇଥିଲା । ଏଠାରେ  ସେମାନଙ୍କୁ ଖାଦ୍ୟପେୟ ସହ ସମସ୍ତ ଆନୁଷଙ୍ଗିକ ବ୍ୟବସ୍ଥା କରାଯାଇଛି । ଏହା ସତ୍ତ୍ଵେ ପୁଣି ସହରରେ ମାଳ ମାଳ  ଭିକାରୀମାନେ ସଂଖ୍ୟା ବୃଦ୍ଧି ପାଇବାରେ ଲାଗିଲେଣି । ଏନେଇ ଜଣେ ସ୍ଥାନୀୟ ବ୍ୟବସାୟୀ ରମେଶସାହୁ କୁହନ୍ତି, ପୂର୍ବରୁ  ଭିକାରୀମାନଙ୍କୁ ଦେଖିବାକୁ ମିଳୁନଥିଲା । କିନ୍ତୁ ଏବେ ସମସ୍ତ ଦେବାଳୟ ସମ୍ମୁଖରେ ସେମାନଙ୍କ ଭିଡ଼ ଜମାଇଲାଣି । ପ୍ରଶାସନ ପକ୍ଷରୁ କଡା କଟକଣା କରାଯାଇ ପୁଣି ସେମାନଙ୍କ ଉପରେ ଚଢଉ ଆବଶ୍ୟକ । ଅନ୍ୟପକ୍ଷରେ ଭିକ୍ଷାବୃତ୍ତି  କରୁଥିବା ବ୍ୟକ୍ତିମାନଙ୍କ ମଧ୍ୟରେ ଅନେକ କୌଣସି କିଛି କାର୍ଯ୍ୟ ନକରି ସେମାନେ ଏହାକୁ ବ୍ୟବସାୟିକ କରିସାରିଲେଣି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.