କେନ୍ଦ୍ରାପଡା,୦୮/୦୯: କେନ୍ଦ୍ରାପଡା ଡେରାବିଶ ବ୍ଳକ ଅନ୍ତର୍ଗତ ଏଣ୍ଡର ଓ ବାଲିଆ ଅଞ୍ଚଳରେ ବାର୍ଡ ଫ୍ଲୁ ଚିହ୍ନଟ ହୋଇଛି । ସେପ୍ଚେମ୍ୱର ୫ ତାରିଖରେ ଏହି ଅଞ୍ଚଳର କେତେକ କୁକୁଡା ଫାର୍ମରୁ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଥିଲା । ଶନିବାର ଏହି ପରୀକ୍ଷାର ରିପୋର୍ଟ ଆସିଥିଲା ଏବଂ ଏହି ରିପୋର୍ଟ ଅନୁଯାୟୀ ଉକ୍ତ ଅଞ୍ଚଳରେ ବାର୍ଡ ଫ୍ଲୁ ବ୍ୟାପିଛି । ରିପୋର୍ଟ ଆସିବା ପରେ ଜିଲାପାଳ ସ୍ମୃତିରଞ୍ଜନ ପ୍ରଧାନଙ୍କ ନେତୃତ୍ତ୍ଵରେ ଜରୁରୀ କାଳୀନ ବୈଠକ ଅନୁଷ୍ଠିତ ।

ସୂଚନା ଅନୁଯାୟୀ, ଦିନକୁ ଦିନ ବଢିବାରେ ଲାଗିଛି ବାର୍ଡ ଫ୍ଲୁ । ପ୍ରଥମେ ପିପିଲି ପରେ ନିମାପଡ଼ା, ଡେଲାଙ୍ଗ ଏବଂ ଏବେ କେନ୍ଦ୍ରାପଡା ଡେରାବିଶ ବ୍ଳକ ଅନ୍ତର୍ଗତ ଏଣ୍ଡର ଓ ବାଲିଆ ଅଞ୍ଚଳରେ ଚିହ୍ନଟ ହେଲା ବାର୍ଡ ଫ୍ଲୁ । ସେପ୍ଟେମ୍ୱର ୫ ତାରିଖରେ ଏହି ଅଞ୍ଚଳର କୁକୁଡା ଫାର୍ମରୁ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଥିଲା । ଶନିବାର ରିପୋର୍ଟ ପଜେଟିଭ୍ ଆସିବା ପରେ ଜିଲାପାଳ ସ୍ମୃତିରଞ୍ଜନ ପ୍ରଧାନଙ୍କ ନେତୃତ୍ତ୍ଵରେ ଏକ ଜରୁରୀ କାଳୀନ ବୈଠକ ଅନୁଷ୍ଠିତ ହୋଇଥିଲା । ସଂକ୍ରମିତ ଅଞ୍ଚଳରେ କୁକୁଡା ମାରିବା ସହ ସମଗ୍ର ଅଞ୍ଚଳକୁ ସାନିଟାଇଜ କରାଯିବା ନେଇ ଉକ୍ତ  ବୈଠକରେ ନିଷ୍ପତ୍ତି ନିଆଯାଇଥିଲା । ତେବେ ରବିବାର ଏକ ରାପିଡ୍ ରେଶପନସ ଟିମ୍‌ ଘଟଣା ସ୍ଥଳରେ ପବଞ୍ଚିବେ । ଏହି ଟିମ୍‌ରେ ପ୍ରାୟ ୯୦ ରୁ ଅଧିକ ସଦସ୍ୟ ଅଛନ୍ତି । ଏହି ଟିମ୍‌ରେ ବାଲେଶ୍ଵର ଓ ମୟୂରଭଞ୍ଜରୁ ୬୦ ଜଣ ଓ କେନ୍ଦ୍ରାପଡାରୁ ୩୬ ଜଣ ସଦସ୍ୟ ରହିଥିବା ଜଣାପଡ଼ିଛି । ଏହି ଟିମ୍ ସଂକ୍ରମଣ ହୋଇଥିବା ଅଞ୍ଚଳରେ କୁକୁଡ଼ା ମରା ଅଭିଯାନ ଆରମ୍ଭ କରିବେ । ତେବେ ଏହି ଅଞ୍ଚଳରେ ଲୋକମାନଙ୍କୁ କୁକୁଡା ମାଂସ ନଖାଇବା ପାଇଁ ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି l