ଭୁବନେଶ୍ୱର,୧୩/୯: ରାସ୍ତାକଡ ଜଳଖିଆ ଦୋକାନ ପାଇଁ ବିଏମ୍‌ସି କଡା ନିୟମ ଆଣିଛି । ଏଣିକି ଏକକ ବ୍ୟବହାର ପ୍ଳାଷ୍ଟିକ ଗିନା  ଓ ଥାଳି ବ୍ୟବହାର କରିବା ଉପରେ ବାରଣ କରାଯାଇଛି । ବିଏମ୍‌ସି ନିର୍ଦ୍ଦେଶନାମାରେ  କହିଛି ଯେ, ଖାଦ୍ୟ ପରସିବା ବେଳେ ସ୍କାର୍ପ, ଟୋରି ମାସ୍କ ପିନ୍ଧିବା ବାଧ୍ୟତାମୂଳକ । ଗରାଖଙ୍କୁ ଖାଦ୍ୟ ଦେବା ବେଳେ ପ୍ଲାଷ୍କିକ ପରିବର୍ତ୍ତେ ଷ୍ଟିଲ ପ୍ଲେଟ ବ୍ୟବହାର କରିବାକୁ  କୁହାଯାଇଛି ଏବଂ ଏହା ଉପରେ ଅଏଲ୍‌ ପେପର ପକାଇବାକୁ କୁହାଯାଇଛି । ସେହିପରି  ଏକ୍ସପାରୀ ହୋଇଥିବା ଖାଦ୍ୟ ଆଦୌ ନ  ଦେବାକୁ କୁହାଯାଇଛି । ସେହିପରି ଦୁଇଟି  ଡଷ୍ଟବିନ୍‌ ରଖିବାକୁ ନିର୍ଦ୍ଦେଶ ଦିଆଯାଇଛି । 

ଯେଉଁ  ମାନେ ଚା ଦୋକାନ କରିଛନ୍ତି, ସେମାନେ ଏକକ  ବ୍ୟବହାର ପ୍ଲାଷ୍ଟିକ ଚା କପ୍‌ ବ୍ୟବହାର କରିବା  ଉପରେ ରୋକ ଲଗାଯାଇଛି । ସେହିପରି  ବିଏମ୍‌ସି ସଫେଇ ଗାଡିରେ ନିୟମିତ ଅଳିଆ  ଦେବାକୁ କୁହାଯାଇଛି । ଏହି ନିୟମର ଖିଲାପ  କଲେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି  ବିଏମ୍‌ସି କମିଶନର କହିଛନ୍ତି । ସେହିପରି  ନିୟମରେ ଉଲ୍ଲେଖ ରହିଛି ଯେ ଉଠାଦୋକାନୀ  ଏଣେତେଣେ ନ ବୁଲି ଗୋଟିଏ ଜାଗାରେ  ଖାଦ୍ୟ ବିକ୍ରି କରିବେ । ଏଣେତେଣେ ବୁଲିବା  ଦ୍ୱାରା ଭିଡ ବଢିବା ସହ ପାର୍କିଂ ଅସୁବିଧା  ଉପୁଜୁଛି । ଏହି ସବୁ ନିୟମ ନ ମାନିଲେ  କାର୍ଯ୍ୟାନୁଷ୍ଠାନ ପାଇଁ ଚେତାବନୀ ଦିଆଯାଇଛି ।