ଭୁବନେଶ୍ବର,୨୪।୯ : ଶ୍ରୀମନ୍ଦିର ମୁଖ୍ୟ  ପ୍ରଶାସକ ଡ. ଅରବିନ୍ଦ ପାଢୀ  ମଙ୍ଗଳବାର  ଏଏସ୍ଆଇ ମହାନିର୍ଦେଶକ ଡକ୍ଟର ୟଦୁବୀର ସିଂ ରାୱତଙ୍କୁ ଦିଲ୍ଲୀରେ ସାକ୍ଷାତ କରିଛନ୍ତି l ଏହି ଅବସରରେ  ରତ୍ନ ଭଣ୍ଡାରର ପ୍ରାଥମିକ ନିରୀକ୍ଷଣ ଏବଂ ବୈଷୟିକ ସର୍ବେକ୍ଷଣରେ ସହାୟତା ପାଇଁ ତାଙ୍କୁ ଧନ୍ୟବାଦ ଜଣାଇଛନ୍ତି। ଏଥିସହ ରତ୍ନ ଭଣ୍ଡାରର ମରାମତି, ପୁନରୁଦ୍ଧାର ଏବଂ ସଂରକ୍ଷଣ କାର୍ଯ୍ୟ ଯଥାଶୀଘ୍ର ଆରମ୍ଭ କରିବାକୁ ମୁଖ୍ୟ ପ୍ରଶାସକ ଅନୁରୋଧ କରିଛନ୍ତି।

 ଏହି ଆଲୋଚନା ସମୟରେ  ଏଏସଆଇର ଉପ- ମହାନିର୍ଦ୍ଦେଶକ ଜାନୱିଜ ଶର୍ମା  ଉପସ୍ଥିତ ଥିଲେ। କୃଷି ବିଭାଗର ପ୍ରମୁଖ ଶାସନ ସଚିବ ଡ. ପାଢୀ ଡିଜିଟାଲ୍ କୃଷି ମିଶନ୍ ଜାତୀୟ ସମ୍ମିଳନୀ ରେ ଯୋଗ ଦେବାକୁ ଦିଲ୍ଲୀ ଗସ୍ତରେ ଅଛନ୍ତି l