କାଶୀପୁର, ୧୨।୯ ମା’ ଓ ଶିଶୁ ପୁତ୍ର ନଦୀ ପାର ହୋଇ ଘରକୁ ଆସୁଥିଲେ। ହଠାତ ବର୍ଷା ହେବାରୁ ନଦୀରେ ଜୋରରେ ସ୍ରୋତ ଆସିବାରୁ ମା’ ଓ ଶିଶୁ ପୁତ୍ର ଭାସି ଯାଇଥିଲେ। ତେବେ ମା’ କୌଣସି ପ୍ରକାରେ କୂଳରେ ଲାଗିଥିଲେ ମଧ୍ୟ ଶିଶୁ ପୁତ୍ର ଭାସିଯାଇଥିଲା। ପରେ ଶିଶୁପୁତ୍ରର ମୃତଦେହ ଉଦ୍ଧାର କରାଯାଇଥିଲା। କାଶୀପୁର ବ୍ଲକ କୋଡ଼ିପାରି ପଞ୍ଚାୟତ ଧାଙ୍ଗଡ଼ିସିଲ ନଦୀରେ ଏହିପରି ଏକ ଘଟଣା ଦେଖିବାକୁ ମିଳିଛି। ମୃତ ଶିଶୁ ପୁତ୍ର ଜଣକ ହେଲା କୋଡ଼ି ପାରି ପଞ୍ଚାୟତ କୁଟୁରା ଗୁଡ଼ା ଗ୍ରାମର ବୈକୁଣ୍ଠ ମାଝୀ ।
ସୂଚନାଯୋଗ୍ୟ, ଗତକାଲି ବାସନ୍ତୀ ମାଝୀ ଏବଂ ତାଙ୍କପାଞ୍ଚ ବର୍ଷରପୁଅ ବୈକୁଣ୍ଠ କୌଣସି କାମରେ ଧାଙ୍ଗଡ଼ି ସିଲ ଗ୍ରାମକୁ ଯାଇଥିଲେ । ସକାଳେ ମାଆ ଏବଂ ପୁଅ ପାଦଚଲା ବାଟ ଦେଇ ଘରକୁ ଫେରିବା ବେଳେ ଧାଙ୍ଗଡ଼ି ସିଲ ନଦୀ ପାର ହେଉଥିଲେ । ଏହିସମୟରେ ବର୍ଷା ଯୋଗୁଁ ହଠାତ ନଦୀରେ ବଢ଼ି ପାଣି ଆସିଯିବାରୁ ମା’ ପୁଅ ସୁଅରେ ଭାସି ଯାଇଥିଲେ । କୌଣସି ପ୍ରକାରେ ବାସନ୍ତୀ ମାଝୀ କୂଳରେ ଲାଗିଥିଲେ ସୁଦ୍ଧା ଶିଶୁ ପୁତ୍ର ବୈକୁଣ୍ଠ ସୁଅରେ ଭାସି ଯାଇଥିଲା ।ଗ୍ରାମବାସୀ ଙ୍କ ସହାୟତା ରେ ପୁଲିସ ଶିଶୁଟିର ମୃତ ଦେହକୁ ଉଦ୍ଧାର କରିବ୍ୟବଚ୍ଛେଦ ପାଇଁ କାଶୀପୁର ପଠାଇ ଥିଲା । ଏହି ଘଟଣାରେଅଣ୍ଡିରା କଞ୍ଚ ଥାନାପୁଲିସ ଏକଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖି ଥିବାର ସୂଚନା ମିଳିଛି ।
