ନୂଆଦିଲ୍ଲୀ: ଦୁଷ୍କର୍ମ ମାମଲାରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗୁରୁବାର ନିଜର ସାକ୍ଷ ପ୍ରମାଣ ରଖିଛନ୍ତି । ନ୍ୟୁ ହାମ୍ପସାୟାର କାଂକସରେ ଡୋନାଲ୍ଡ ଟ୍ରମ୍ପଙ୍କ ବିଜୟ ପରେ ଏହି ସାକ୍ଷ ମିଳିଛି । ଏହି ସମୟରେ ଗଣମାଧ୍ୟମ ସହ କଥାବାର୍ତ୍ତା ବେଳେ ଟ୍ରମ୍ପ ଅଭିଯୋଗ କରିଛନ୍ତି ଯେ, ତାଙ୍କ ବିରୋଧରେ ଚାଲିଥିବା ମାମଲା ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଏବଂ ଏହା ପଛରେ ଡେମୋକ୍ରାଟିକ ସରକାରର ହାତ ରହିଛି । ତାଙ୍କୁ ହ୍ବାଇଟ୍ ହାଉସକୁ ନ ଫେରିବା ପାଇଁ ଏସବୁ କରାଯାଉଛି ବୋଲି ଟ୍ରମ୍ପ କହିଛନ୍ତି । 

ଲେଖିକା ଜୀନ୍ କୌରୋଲ ଡୋନାଲ୍ଡ ଟ୍ରମ୍ପଙ୍କ ଉପରେ ଦୁଷ୍କର୍ମ ଅଭିଯୋଗ କରିଥିଲେ । ଜୀନ କୌରୋଲ ଏହି ମାନହାନୀ ମାମଲା ନ୍ୟୁୟର୍କର ଫେଡେରାଲ କୋର୍ଟରେ ଦାଖଲ କରିଥିଲେ, ଏହାର ପ୍ରତିବଦଳରେ ସେ ଡୋନାଲ୍ଡ ଟ୍ରମ୍ପଙ୍କଠାରୁ ଏକ ମିଲିୟନ ଡଲାର କ୍ଷତିପୂରଣ ଦାବି କରିଥିଲେ । ଗୁରୁବାର ଦିନ ଟ୍ରମ୍ପ ଏହି ମାମଲାରେ କୋର୍ଟରେ ସାକ୍ଷ୍ୟ ଦେଇଛନ୍ତି । ଶୁକ୍ରବାର ମଧ୍ୟ ଏହି ପ୍ରସଙ୍ଗରେ ଶୁଣାଣି ହେବ । ଜୀନ କୌରୋଲ ଅଭିଯୋଗ କରିଛନ୍ତି ଯେ ୧୯୯୦ ଦଶକରେ ମ୍ୟାନହଟାନର ବର୍ଗଡୋର୍ଫ ଗୁଡମ୍ୟାନ୍ ଡିପାର୍ଟମେଣ୍ଟାଲ ଷ୍ଟୋର୍‌ରେ ଥିବା ଏକ ଡ୍ରେସିଂ ରୁମରେ ଟ୍ରମ୍ପ ତାଙ୍କୁ ବଳାତ୍କାର କରିଥିଲେ ।

ଡୋନାଲ୍ଡ ଟ୍ରମ୍ପଙ୍କ ବିରୋଧରେ ଅନେକ ଅପରାଧିକ ମାମଲା ଚାଲୁଅଛି, ଯେଉଁଥିରେ ୨୦୨୦ ନିର୍ବାଚନ ଫଳାଫଳ ବିଶୃଙ୍ଖଳିତ କରିବା ଅଭିଯୋଗରେ ଜଣେ ନାଗରିକ ମାମଲା ରୁଜୁ କରିଥିଲେ ।