ମୁମ୍ବାଇ,୧୪/୮ :  ଦେଶର ସବୁଠାରୁ ଲୋକପ୍ରିୟ ମହିଳା ଇନ୍ଦିରା ଗାନ୍ଧୀଙ୍କ ଉପରେ ବେସ୍ଡ ମୋଷ୍ଟ ଆଓ୍ବେଟେଡ ଫିଲ୍ମ ‘ଇମର୍ଜେନ୍ସି’ର ଟ୍ରେଲର ରିଲିଜ ହୋଇଯାଇଛି। ଏହି ଟ୍ରେଲରରେ କଙ୍ଗନା ରଣାଓ୍ବତ ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଲୁକରେ ନଜର ଆସିଛନ୍ତି । ଏହି ଟ୍ରେଲରରେ କଙ୍ଗନାଙ୍କ ଅଭିନୟକୁ ବହୁତ ତାରିଫ ମିଳିବାରେ ଲାଗିଛି । ‘ଇମର୍ଜେନ୍ସି’ଫିଲ୍ମ ୧୯୭୫ରେ ଦେଶରେ ଲାଗିଥିବା ଇମର୍ଜେନ୍ସିର କାହାଣୀ ଉପରେ ଆଧାରିତ ଅଟେ । ଯାହାକୁ କଙ୍ଗନା ଜୀବନ୍ତ ରୂପ ଦେଇଛନ୍ତି ।

ଏହି ଫିଲ୍ମରେ କଙ୍ଗନାଙ୍କ ଅଭିନୟ ଅବିକଳ ଇନ୍ଦିରାଙ୍କ ଭଳି ଦେଖାଯାଉଛି । ଯାହାକୁ ଦେଖିବା ପରେ ଖୁବ୍ ପ୍ରଶଂସା ମିଳିବାରେ ଲାଗିଛି କଙ୍ଗନାଙ୍କୁ । ଇନ୍ଦିରାଙ୍କ ଉପରେ ଆଧରିତ ଏହି ଫିଲ୍ମରେ ଇମର୍ଜେନ୍ସିର କଳା ଫର୍ଦକୁ ଦେଖାଯାଇଛି । ଯାହା ଦେଶର ଇତିହାସରେ ଆଜି ବି ଲିପିବଦ୍ଧ ହୋଇ ରହିଛି । ଖୁବ୍ କମ୍ ସମୟର ଏହି ଟ୍ରେଲରରେ ଇନ୍ଦିରାଙ୍କ ରାଜନୈତିକ ଯାତ୍ରାକୁ ଦେଖାଯାଇଛି । ଏଥିରେ କଙ୍ଗନାଙ୍କ ବ୍ୟତୀତ ଶ୍ରେୟଲ ତାଲପଡ଼େ, ସତୀଶ କୌଶିକ, ମହିମା ଚୌଧୁରୀ, ଅନୁପମ ଖେର ଏବଂ ମିଲିନ୍ଦ ସୋମନଙ୍କ ଭଳି ଅଭିନେତା ନଜର ଆସିଛନ୍ତି ।