ନୂଆଦିଲ୍ଲୀ,୪।୫:ଅନଲାଇନ୍ ଠକେଇର ବିପଦ ଦିନକୁ ଦିନ ବଢି ଯାଇଛି। ପ୍ରତିଦିନ ସାଇବର କ୍ରାଇମ୍ ଓ ଅନଲାଇନ୍ ସ୍କାମ୍ ସମ୍ପର୍କିତ ଖବର ଆସିବାରେ ଲାଗିଛି।ଏବେ ସାଇବର ଅପରାଧି ଫୋନ୍ କଲ୍ ଦ୍ବାରା ୟୁଜର୍ସଙ୍କୁ କରୁଛନ୍ତି ଟାର୍ଗେଟ। କୋରିଅର କମ୍ପାନୀ FedEx ୟୁଜର୍ସଙ୍କୁ ଏଭଳି ସ୍କାମ୍ଠାରୁ ସାବଧାନ ରହିବାକୁ କହିଛି। ଆଜିକାଳି ଏଭଳି କ୍ରାଇମ ହେଉଛି, ଯେଉଁଥିରେ ୟୁଜରଙ୍କୁ ନକଲି କଲ୍ କରିବାକୁ କୁହାଯାଉଛି, ତାଙ୍କ ନାଁର ଏକ ବେଆଇନ ଶିପମେଣ୍ଟ ଧରାଯାଇଛି। ମାମଲାର ସମାଧାନ କରିବା ପାଇଁ ୟୁଜର୍ସଙ୍କୁ FedEx ର କଷ୍ଟମର କେୟାର ସହିତ କନେକ୍ଟ ହେବା ପାଇଁ ଫୋନ୍ରେ ୯ ଚାପିବାକୁ କୁହନ୍ତି। ଏଠାରୁ ଆରମ୍ଭ ହୁଏ ସ୍କାମର ଆରମ୍ଭ।
ଫୋନ୍ରେ ୯ ଚାପିବା ମାତ୍ରେ ୟୁଜର କଷ୍ଟମର କେୟାର ସହିତ କନେକ୍ଟ ହୋଇଯାଇଥାନ୍ତି।ଏଠାରେ ହ୍ୟାକର ଆପଣଙ୍କୁ FedEx ର ରିପ୍ରେଜେଣ୍ଟେଟିଭ୍ କୁହନ୍ତି ଓ ପୁରା ପ୍ରଫେସନାଲ କଷ୍ଟମର କେୟାର ଏକଜିକ୍ୟୁଟିଭ ଭଳି କଥା ହୋଇଥାନ୍ତି। ଏହାଦ୍ବାରା ୟୁଜର ବଡ ସହଜରେ ସାଇବର କ୍ରିମିନାଲ ଜାଲରେ ଫଶି ଯାଇଥାନ୍ତି ଓ ନିଜର ଡିଟେଲ୍ସକୁ ତାଙ୍କ ସହିତ ସେୟାର କରିଥାନ୍ତି। ଏହି ସ୍କାମ୍ରେ ହ୍ୟାକ୍ର ଏଆଇର ପୁରା ବ୍ୟବହାର କରନ୍ତି। ଏଆଇର ସାହାଯ୍ୟରେ ହ୍ୟାକର କାହାକୁ ମଧ୍ୟ କଷ୍ଟମର କେୟାର ଏକଜିକ୍ୟୁଟିଭ୍ର କଥା ହେବା ଅନ୍ଦାଜକୁ କ୍ଲୋନ୍ କରି ନେଇଥାନ୍ତି ଓ ୟୁଜରଙ୍କୁ ନିଜର ଶିକାର କରୁଛନ୍ତି।
ଏକ୍ସପର୍ଟଙ୍କ କହିବା ଅନୁସାରେ, ହ୍ୟାକରଙ୍କୁ ଫେକ୍ ନୋଟିଫିକେସନ୍ ଓ ଅର୍ଜେଣ୍ଟ ମେସେଜ୍ ଉପରେ ମଧ୍ୟ କନଫ୍ୟୁଜ କରନ୍ତି। ମେସେଜ୍ରେ ୟୁଜର୍ସଙ୍କୁ ଲୋଭନୀୟ ଅଫର ଓ ସ୍କିମ୍ ବିଷୟରେ କହିଥାନ୍ତି ।ଲୋଭ ଦେଖାଇ ୟୁଜର ମେସେଜ୍ ଓ ନୋଟିଫିକେସନରେ ପଠାଯାଇଥିବା ଭୁଲ ଲିଙ୍କରେ ଟ୍ୟାପ୍ କରି ଅଜଣାତରେ ଫୋନ୍ରେ ଭାଇରସ୍ ଥିବା ଆପ୍କୁ ଇନଷ୍ଟଲ କରିନେଇଥାନ୍ତି। ଏହି ଆପ୍ ଜରିଆରେ ହ୍ୟାକ୍ର ୟୁଜରଙ୍କ ଡିଭାଇସ୍କୁ ଆକ୍ସେସ କରି ସେଥିରେ ଥିବା ଡିଟେଲକୁ ଆକ୍ସେନ କରିନେଇଥାନ୍ତି। ଚିନ୍ତାର କଥା ହେଉଛି ଏହାଦ୍ବାରା ଆପଣଙ୍କ ବ୍ୟାଙ୍କ ଆକାଉଣ୍ଟ ଖାଲି ହୋଇପାରେ।
