ମୁରାଦାବାଦ – ମୁରାଦାବାଦର କାଶିପୁରା ହାଇୱେରେ ଶନିବାର ଦ୍ୱିପ୍ରହରରେ ଏକ ଅଭାବନୀୟ ଘଟଣା ଘଟିଛି। ଏଲପିଜି ସିଲିଣ୍ଡର ବୋଝେଇ ଏକ ଟ୍ରକ୍ରେ ନିଆଁ ଲାଗି ଯାଇଛି। ଏଥିରେ ପୂରା ଅଞ୍ଚଳରେ ବିସ୍ଫୋରଣ ସୃଷ୍ଟି ହୋଇଛି। ଥାନା ଡିଲାରୀ ଅଞ୍ଚଳର ଗାଁ ସିଡାବଲି ନିକଟରେ ଦ୍ୱିପ୍ରହର ପାଖାପାଖି ୧.୩୦ଟି ସମୟରେ ଦୁର୍ଘଟଣାଟି ଘଟିଛି। ଟ୍ରକ୍ରୁ ବାହାରୁ ଥିବା ସ୍ପାର୍କିଂରେ ନିଆଁ ଲାଗି ଯାଇଛି। ଚାହୁଁ ଚାହୁଁ ପୂରା ଟ୍ରକଟି ନିଆଁ ଘେରକୁ ଚାଲି ଯାଇଥିଲା। ଡ୍ରାଇଭର ଓ ହେଲପର କିଛି କରିବା ପୂର୍ବରୁ ସିଲିଣ୍ଡରରେ ବିସ୍ଫୋରଣ ଆରମ୍ଭ ହୋଇ ଥିଲା। ଧମାକା ଶୁଣି ଆଖପାଖର ଲୋକେ ଦୋକାନ ଛାଡ଼ି ଦୂରକୁ ଚାଲି ଯାଇଛନ୍ତି। ଅନେକ ଦୂର ଯାଏ ସିଲିଣ୍ଡର ଫାଟିବାର ଶବ୍ଦ ଶୁଣାଯିବା ସହ ଏହା ଉପରକୁ ଉଠିଯାଇ ଖୁବ୍ ଦୂରରେ ପଡ଼ିଛି।
ସୂଚନା ମିଳିବା କ୍ଷଣି ଖୁବ୍ ପୁଲିସ ଫୋର୍ସ ପହଞ୍ଚିଛନ୍ତି ଏବଂ ହାଇୱେର ଉଭୟ ପାର୍ଶ୍ୱରେ ପାଖାପାଖି ୪ କିଲୋମିଟର ଦୂର ଯାଏ ଟ୍ରାଫିକ୍କୁ ରୋକି ଦିଆ ଯାଇଛି। ପୂରା ସିଡାବଲି ଗାଁରେ ଆତଙ୍କର ମାହୋଲ ସୃଷ୍ଟି ହୋଇଛି। କିଛି ଲୋକ ଘର ଭିତରୁ ଆଉ ବାହାରକୁ ବାହାରି ନାହାନ୍ତି। ବର୍ତ୍ତମାନ ପୁଲିସ ପାଖରେ କାହାର ହତାହତର ସୂଚନା ପହଞ୍ଚି ନାହିଁ। ଅଗ୍ନିଶମ ଗାଡ଼ି ଘଟଣା ସ୍ଥଳରେ ପହଞ୍ଚିଛି , କିନ୍ତୁ ବହୁ ସମୟ ଯାଏ ନିଆଁ କମିବାକୁ ନେଇ ଅପେକ୍ଷା କରାଯାଇଛି।
କୁହାଯାଉଛି କି ଟ୍ରକ୍ ଦିଲ୍ଲୀରୁ ଆଇଜିଏଲ ଫ୍ୟାକ୍ଟ୍ରି କାଶୀପୁର ବାଜପୁର ରୋଡ୍ରେ ଯାଉଥିଲା। ଟ୍ରକ୍ରେ ୪୦୦ଟି ସିଲିଣ୍ଡର ଲଦା ହୋଇଥିଲା। ଟ୍ରକକୁ ନେଇ ଡ୍ରାଇଭର ଗୁଲଡିଆ ଓ ସିଡାବଲି ମଧ୍ୟରେ ଥିବା ହାଇୱେ ପାଖରେ ରଖିଥିଲା। ଏହି ସମୟରେ ୱାୟରିଂରୁ ବାହାରୁ ଥିବା ସ୍ପାର୍କରୁ ନିଆଁ ଲାଗି ଥିଲା। ଏହାପରେ ନିଆଁ ଟ୍ରକ୍ର ଟାୟାରରେ ଲାଗି ଯାଇଥିଲା। ପୂରା ଟ୍ରକ୍ଟି ଯେତେବେଳେ ଜଳିବାକୁ ଆରମ୍ଭ କଲା ତ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଛି ।