ନୂଆପଡା,୭।୮(ଆପ୍ର):  ନୂଆପଡା ଜିଲ୍ଲା ବୋଡ଼େନ ଥାନା ଜାମଗାଁରେ ଏକ ଅଭାବନୀୟ ଘଟଣା ଘଟିଛି l ଦ୍ବିତୀୟ ସ୍ତ୍ରୀର ଆକ୍ରମଣରେ ପ୍ରଥମ ସ୍ତ୍ରୀର ମୃତ୍ୟୁ ହୋଇଛି l ମୃତ ମହିଳା ଜଣକ ହେଲେ ବାରୁଣୀ ଜଗତ ।

ଜାମଗାଁର ହେରମ୍ୱ ଜଗତ ଗତ କିଛି ବର୍ଷ ତଳେ ବାରୁଣୀଙ୍କୁ ପ୍ରଥମେ ବିବାହ କରିଥିଲେ । ଗତ ୧୧ ମାସ ତଳେ ମାଧୁରୀଙ୍କୁ ଦ୍ବିତୀୟ ବିବାହ କରି ଘରକୁ ଆଣିଥିଲେ । ଏହାକୁ ନେଉ ପ୍ରଥମ ଓ ଦ୍ବିତୀୟ ସ୍ତ୍ରୀ ମଧ୍ୟରେ କଳହ ଲାଗି ରହୁଥିଲା । ଗତ ୫ ତାରିଖ ସନ୍ଧ୍ୟାରେ ଦୁଇ ପତ୍ନୀଙ୍କ ମଧ୍ୟରେ ଝଗଡା ହୋଇଥିଲା । ଏଥିରେ ରାଗିଯାଇ ମାଧୁରୀ ଏକ ଷ୍ଟିଲ ବାଲଟି ବାରୁଣୀଙ୍କ ମୁଣ୍ଡରେ ପିଟି ଦେଇଥିଲେ l  ଏଥିରେ ବାରୁଣୀ ଗୁରୁତର  ହୋଇଥିଲେ l  ପରିବାର ଲୋକେ ବାରୁଣୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ । ଗତ ୬ ତାରିଖ ସନ୍ଧ୍ୟାରେ ବାରୁଣୀଙ୍କ ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଥିଲା l ଏନେଇ ମୃତକଙ୍କ ପରିବାର ତରଫରୁ ଥାନାରେ ଲିଖିତ ଅଭିଯୋଗ କରିବାରୁ ପୋଲିସ ମୃତଦେହ ଜବତ କରି ତଦନ୍ତ ଆରମ୍ଭ କରିଥିଲା । ବୋଡେ଼ନ ପୁଲିସ ଦ୍ବିତୀୟ ସ୍ତ୍ରୀ ମାଧୁରୀ ଦେଈ ଓ ସ୍ବାମୀ ହେରମ୍ବଙ୍କୁ ଥାନାରେ ଅଟକ ରଖି ଅଧିକ ପଚରାଉଚରା କରୁଛି l