ବାସୁଦେବପୁର, ୧୩/୦୯ : ବ୍ଲକ ପରିସରରେ ହାଇଡ୍ରାମା। ରଣକ୍ଷେତ୍ର ପାଲଟିଲା ବାସୁଦେବପୁର ବ୍ଲକ ପରିସର। ପୂର୍ବତନ ସରପଞ୍ଚ ଏବଂ ଜଣେ ମହିଳାଙ୍କ ମଧ୍ୟରେ ଛକାପଞ୍ଝା। ବାଲିମେଦ ପଞ୍ଚାୟତର ପୂର୍ବତନ ସରପଞ୍ଚ ପ୍ରଫୁଲ୍ଲ କୁମାର ପଳିତାଙ୍କୁ ଜୋତାରେ ପିଟିଲେ ମହିଳା। 

ସୂଚନାନୁଯାୟୀ, ବାସୁଦେବପୁର ବ୍ଲକ ପରିସରରେ ବାଲିମେଦ ପଞ୍ଚାୟତର ପୂର୍ବତନ ସରପଞ୍ଚ ପ୍ରଫୁଲ୍ଲ କୁମାର ପଳିତାଙ୍କୁ ଜଣେ ମହିଳା ଜୋତାରେ ମାଡ଼ ମାରିଛନ୍ତି। ପ୍ରଫୁଲ୍ଲ ମଧ୍ୟ ତାଙ୍କୁ ଆକ୍ରମଣ କରିଛନ୍ତି। କିଛି ସମୟ ପର୍ଯ୍ୟନ୍ତ ଉଭୟଙ୍କ ମଝିରେ ଟଣା ଘୋଷରା ଚାଲିଥିଲା। ଯାହାକୁ ନେଇ ବ୍ଲକ ପରିସର ଲୋକାରଣ୍ୟ ହେଇଯାଇଥିଲା। ଖବର ପାଇ ଘଟଣା ସ୍ଥଳରେ ବାସୁଦେବପୁର ପୋଲିସ ପହଞ୍ଚି ଜୋତାରେ ମାଡ଼ ମାରିଥିବା ମହିଳାଙ୍କୁ ଅଟକ ରଖି ଘଟଣାର ତଦନ୍ତ କରୁଛି। ଅଟକ ମହିଳା ବାସୁଦେବପୁର ଜଗନ୍ନାଥପ୍ରସାଦ ପଞ୍ଚାୟତର ବୋଲି ଜଣାପଡିଛି। ଉଭୟ ଉଭୟଙ୍କୁ ମାଡ଼ ମାରିଥିବା ନେଇ ଅଭିଯୋଗ ଆଣିଛନ୍ତି। ତେବେ ପୂର୍ବ ଶତ୍ରୁତାକୁ ନେଇ ବ୍ଲକ ପରିସରରେ ପୂର୍ବତନ ସରପଞ୍ଚଙ୍କୁ ମହିଳା ଜଣକ ଜୋତାରେ ମାରିଥିବା ବୋଲି କହିଛନ୍ତି ପୂର୍ବତନ ସରପଞ୍ଚ। ସେହିପରି ପ୍ରଫୁଲ୍ଲ ଅଶ୍ଳୀଳ ଭାଷାରେ ଗାଳି ଗୁଲଜ କରିବାରୁ ଜୋତାରେ ପିଟିଥିବା କହିଛନ୍ତି ମହିଳା ଜଣଙ୍କ।