ଵ୍ରହ୍ମପୁର,୨୪/୨ (ବ୍ୟୁରୋ): ସରକାରୀ ରେଳବାଇ ପୋଲିସ (ଜିଆରପି) ଵ୍ରହ୍ମପୁର ରେଳଷ୍ଟେସନରୁ ଜଣେ ଯୁବକଙ୍କୁ ଶୁକ୍ରବାର ରାତିରେ କାବୁ କରିଥିଲା । ତାଙ୍କ ଠାରୁ ଏକ ଟ୍ରଲି ବ୍ୟାଗରେ ଭର୍ତ୍ତି ହୋଇଥିବା ଗଞ୍ଜେଇ ଜବତ କରିଛି । ବ୍ୟାଗରେ ୨୩ କେଜି ୧୦୦ ଗ୍ରାମ ଗଞ୍ଜେଇ ରହିଥିଲା । ଗିରଫ ଯୁବକ ଜଣଙ୍କ ଉତ୍ତରପ୍ରଦେଶର ବାଲିଆ ଜିଲା ମନିଆର ଥାନା ଅଞ୍ଚଳର ମୁକେଶ କୁମାର ପଟେଲ(୨୭) । ଶନିବାର ତାଙ୍କୁ ମାମଲା ନମ୍ବର ୧୫/ ୨୪ ରେ କୋର୍ଟ ଚାଲାଣ କରାଯାଇଛି । ଜେରା ବେଳେ ସେ ଉକ୍ତ ଗଞ୍ଜେଇ ଗଜପତି ଜିଲାରୁ ଆଣି ଟ୍ରେନ ଯୋଗେ ତାମିଲନାଡୁ ଚାଲାଣ ପାଇଁ ଯୋଜନା କରିଥିବା ସ୍ୱୀକାର କରିଛି । ସେ ଜଣେ ପେଷାଦାର ଅପରାଧୀ ଅଟନ୍ତି । ତାଙ୍କ ନାମରେ ତାମିଲନାଡୁ, ମୁମ୍ବାଇ ଓ ଉତ୍ତରପ୍ରଦେଶରେ ଅନେକ ମାମଲା ରହିଥିବା ଜିଆରପି ପୋଲିସ କହିଛି । ଘଟଣାରୁ ପ୍ରକାଶ ଯେ, ଶୁକ୍ରବାର ରାତ୍ର ଵ୍ରହ୍ମପୁର ରେଳଷ୍ଟେସନ  ପ୍ଲାଟଫର୍ମ -୪ ରେ ଜଣେ ଯୁବକ ସନ୍ଧେହ ଜନକ ଅବସ୍ଥାରେ ଛିଡା ହୋଇଥିବା ପେଟ୍ରୋଲିଂ କରୁଥିବା ପୋଲିସ ଦେଖିବାକୁ ପାଇଥିଲା। ସେ ଧରିଥିବା ବ୍ୟାଗ ଯାଞ୍ଚ ବେଳେ ସେଥିରେ ଗଞ୍ଜେଇ ଭର୍ତ୍ତି ହୋଇଥିବା ଜଣାପଡିଥିଲା। ଥାନାକୁ ଆଣି ପୋଲିସ ତାଙ୍କୁ ଜେରା ବେଳେ ସେ ଗଜପତି ଜିଲାରୁ ଗଞ୍ଜେଇ ଆଣି ଟ୍ରେନରେ ଚାଲାଣ କରିଥାନ୍ତେ। ଏଣୁ ସେ  ପ୍ଲାଟଫର୍ମରେ ହାବଢା-ତିରୁଚିନାପଲି ଏକ୍ସପ୍ରେସ ଟ୍ରେନକୁ ଅପେକ୍ଷା କରିଥିଲେ ବୋଲି ପୋଲିସକୁ କହିଛନ୍ତି।