ଇସଲାମାବାଦ – ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ ଏକ ସିକ୍ରେଟ୍ ଯାତ୍ରାରେ ଚୀନରେ ଯାଇ ପହଞ୍ଚିଛନ୍ତି। କାହାକୁ ମଧ୍ୟ ଏ ବିଷୟରେ ଜଣା ନାହିଁ , ଏହି ଯାତ୍ରାର ଏଜେଣ୍ଡା କଣ ରହିଛି। ହେଲେ ତାଙ୍କର ଯାତ୍ରାକୁ ନେଇ ଅନେକ ପ୍ରକାରର ଅନୁମାନ କରାଯାଉଛି।
କହି ରଖୁଛୁ କି, ୭୪ ବର୍ଷିୟ ମୁସଲିମ୍ ଲିଗ୍ ନୱାଜ ଚିଫ୍ ନୱାଜ ସରିଫ୍ ୪ ବର୍ଷର ସ୍ୱନିର୍ବାସନରେ ୟୁକେରେ ରହିଥିଲେ। ଏହାପରେ ଚଳିତ ଥରର ସାଧାରଣ ନିର୍ବାଚନ ପୂର୍ବରୁ ସେ ପାକିସ୍ତାନ ଫେରିଛନ୍ତି। ପାକିସ୍ତାନରେ ନୂଆ ସରକାର ଗଠନ ପରେ ଏହା ତାଙ୍କର ପ୍ରଥମ ବିଦେଶ ଗସ୍ତ।
ଉଲ୍ଲେଖନୀୟ ଯେ, ନୱାଜ ସରିଫଙ୍କର ଝିଅ ମରିୟମ ନୱାଜ ପାକିସ୍ତାନରେ ପଞ୍ଜାବର ମୁଖ୍ୟମନ୍ତ୍ରୀ ଅଛନ୍ତି। ଏହି ଯାତ୍ରାରେ ନୱାଜଙ୍କ ସହ ବିଦେଶ ମନ୍ତ୍ରୀ ଇଶାକ୍ ଡାର ଓ ସରିଫଙ୍କ ନାତି ଜୁନୈଦ ସଫଦର ମଧ୍ୟ ଅଛନ୍ତି। ଏହି ଯାତ୍ରା ପାଖାପାଖି ଏକ ସପ୍ତାହର। ମିଡ଼ିଆ ରିପୋର୍ଟରେ କୁହାଯାଇଛି କି, ଏହା ନୱାଜ ସରିଫଙ୍କ ବ୍ୟକ୍ତିଗତ ଗସ୍ତ। ଏହି ଯାତ୍ରା ବେଳେ ସେ ନିଜ ସ୍ୱାସ୍ଥ୍ୟର ବି ଯାଞ୍ଚ କରିବେ।
ଡନ୍ ରିପୋର୍ଟରେ କୁହାଯାଇଛି କି, ସ୍ୱାସ୍ଥ୍ୟ କାରଣରୁ ସେ ଚୀନର ଗସ୍ତ କରୁଛନ୍ତି। ନଭେମ୍ୱର ୨୦୧୯ରେ ନୱାଜ ସରିଫଙ୍କୁ ସ୍ୱାସ୍ଥ୍ୟ କାରଣରୁ ବିଦେଶ ଗସ୍ତ କରିବାର ଅନୁମତି ଦିଆଯାଇ ଥିଲା। ସେପଟେ ଦ୍ୱିତୀୟ ଆକଳନ ଏହା କି ନୱାଜ ସରିଫ କୌଣସି ବିଶେଷ କାମରେ ଚୀନ ଯାତ୍ରାରେ ଅଛନ୍ତି। ଯାହା ବିଷୟରେ ବଡ଼ ବଡ଼ ପାର୍ଟି ନେତାଙ୍କୁ ମଧ୍ୟ ସୂଚନା ଦିଆଯାଇ ନାହିଁ। ଏହି ଗସ୍ତର ବିଷୟରେ ପାର୍ଟିର ନେତା ଓ ଏମିତି କି ସରକାରଙ୍କୁ ବି ଗୁପ୍ତ ରଖାଯାଇଛି।