ନୂଆଦିଲ୍ଲୀ,୦୧/୦୬: କେନ୍ଦ୍ର ସରକାର ନିକଟରେ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତାକୁ ୪% ବୃଦ୍ଧି  କରିଥିଲେ । ଫଳରେ କର୍ମଚାରୀଙ୍କ ମହଙ୍ଗା ଭତ୍ତା ୫୦% ରେ ପହଞ୍ଚି ଯାଇଥିଲା । ମହଙ୍ଗା ଭତ୍ତା ବୃଦ୍ଧିର ସକାରାତ୍ମକ ପ୍ରଭାବ ଅବସରପ୍ରାପ୍ତ ଗ୍ରାଚୁଇଟି  ସମେତ ଏକାଧିକ ଭତ୍ତା ଉପରେ ପଡ଼ିଛି । ମହଙ୍ଗା  ଭତ୍ତା ବୃଦ୍ଧି ଯାଗୁ କେନ୍ଦ୍ରୀୟ କର୍ମଚାରୀମାନେ ଲାଭବାନ  ହୋଇଛନ୍ତି ।

୨୦୨୪ ମେ'  ୩୦ରେ ପ୍ରକାଶିତ ବିଜ୍ଞପ୍ତିରେ କୁହାଯାଇଛି ଯେ, କେନ୍ଦ୍ର  ସରକାର ସପ୍ତମ ବେତନ କମିଶନଙ୍କ ସୁପାରିସକୁ ଲାଗୁ  କରିବା ନିଷ୍ପତ୍ତି ନେଇଥିବାରୁ ଅବସରପ୍ରାପ୍ତ ଗ୍ରାଚୁଇଟି ଓ  ମୃତ୍ୟୁକାଳୀନ ଗ୍ରାଚୁଇଟିର ସୀମା ମଧ୍ୟ ବୃଦ୍ଧି ପାଇଛି । ଫଳରେ  ଅବସରପ୍ରାପ୍ତ ଗ୍ରାଚୁଇଟି ଓ ମୃତ୍ୟୁକାଳୀନ ଗ୍ରାଚୁଇଟିର ସୀମା ୨୫% ବୃଦ୍ଧି ପାଇଛି । ପୂର୍ବରୁ ଏପରି କ୍ଷେତ୍ରରେ ୨୦ ଲକ୍ଷ  ଟଙ୍କା ମିଳୁଥିବା ବେଳେ ଏବେ ୨୫ ଲକ୍ଷ ଟଙ୍କା ମିଳିବ । ଏହା  ପିଛିଲା ଭାବେ ୨୦୨୪ ଜାନୁଆରୀ ୧ରୁ କାର୍ଯ୍ୟକାରୀ ହେବ ।