ନୂଆଦିଲ୍ଲୀ,୮।୧୨: ଭାରତୀୟ ଟିମ୍କୁ ଓ୍ବାର୍ଲ୍ଡକପ୍ ୨୦୨୩ର ଫାଇନାଲ ହାରିବାର ପ୍ରାୟ ୧୯ ଦିନ ବିତିସାରିଛି। ଏବେ ଏକ ବଡ ରିପୋର୍ଟ ସାମନାକୁ ଆସିଛି, ଯେଉଁଥିରେ କୁହାଯାଇଛି ଟିମ୍ ଇଣ୍ଡିଆ ଯେଉଁ ପିଚ୍ରେ ଅଷ୍ଟ୍ରେଲିଆ ବିରୋଧରେ ଫାଇନାଲ ମ୍ୟାଚ୍ ଖେଳିଥିଲା, ତାକୁ ଅନ୍ତର୍ଜାତୀୟ କ୍ରିକେଟ କାଉନସିଲ୍(ଆଇସିସି) ଆଭରେଜ୍ରେ ରେଟିଂ ଦେଇଛନ୍ତି। ଏହା ପୂର୍ବ ରିପୋର୍ଟରେ କୁହାଯାଇଥିଲା ଯେ, ହେଡ୍ କୋଚ୍ ରାହୁଲ ଦ୍ରାଭିଡ୍ ମଧ୍ୟ ପିଚ୍କୁ ଭାରତର ପରାଜୟର କାରଣ ବୋଲି କହିଥିଲେ।
ଟାଇମ୍ସ ଅଫ୍ ଇଣ୍ଡିଆର ରିପୋର୍ଟ ଅନୁସାରେ, ଆଇସିସି ଓ୍ବାର୍ଲ୍ଡକପ୍ର ୫ ମ୍ୟାଚ୍ର ପିଚ୍କୁ ଆଭରେଜ୍ ରେଟିଂ ଦେଇଛି, ଯେଉଁଥିରେ ଭାରତ ଓ ଅଷ୍ଟ୍ରେଲିଆ ଭିତରେ ଫାଇନାଲ ମ୍ୟାଚ୍ ମଧ୍ୟ ରହିଛି। ଭାରତ ଓ ଅଷ୍ଟ୍ରେଲିଆ ଭିତର ଟାଇଟଲ ମୁକାବିଲା ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଇଥିଲା, ଯେଉଁଥିରେ ରୋହିତ ଶର୍ମାଙ୍କ ନେତୃତ୍ବରେ ଟିମ୍ ଇଣ୍ଡିଆ ପ୍ରଥମେ ବ୍ୟାଟିଂ କରି ୫୦ ଓରଭରରେ ୨୪୦ ରନ୍ର ସ୍କୋରରେ ଅଲ୍ଆଉଟ୍ ହୋଇଯାଇଥିଲା ଓ ଅଷ୍ଟ୍ରେଲିଆ ୪୩ ଓଭରରେ ଜିତି ଜିତିଥିଲା ବିଶ୍ବକପ୍।
ହେଡ୍ କୋଚ୍ ରାହୁଲ ଦ୍ରାବିଡ୍ ମଧ୍ୟ ବିସିସିଆଇ ରିଭ୍ୟୁ ମିଟିଂରେ ପିଚ୍କୁ ଫାଇନାଲରେ ହାରିବା ପାଇଁ ଦାୟୀ କରିଥିଲେ। ରିପୋର୍ଟ ଅନୁସାରେ, ଦ୍ରାବିଡ୍ କହିଥିଲେ ଆମକୁ ଆଶା ମୁତାବକ ଟର୍ନ ନମିଳିବା କାରଣରୁ ଆମେ ହାରି ଯାଇଥିଲୁ। ଯଦି ସ୍ପିନର୍ସଙ୍କୁ ଟର୍ନ ମିଳେ, ତେବେ ଆମେ ଜିତି ଯାଇଥାନ୍ତୁ। ଆମେ ପୂର୍ବରୁ ୧୦ଟି ମ୍ୟଚ୍ ଏହି ରଣନୀତିରେ ଜିତିଥିଲୁ, କିନ୍ତୁ ଫାଇନାଲରେ କାମରେ ଆସିନଥିଲା। ସବୁଠାରୁ ବଡ଼ କଥା ହେଲା ଭାରତର ଟସ୍ ହାରିବା ଏକ ବଡ଼ ଟର୍ଣ୍ଣିଂ ପଏଣ୍ଟ ଥିଲା। ୨୪୦ ରନ୍ରେ ଭାରତ ଅଲ୍ ଆଉଟ୍ ହୋଇଥିଲା। ଆଉ ଯେତେବେଳେ ଟିମ୍ ଇଣ୍ଡିଆ ବୋଲିଂ କରିଥିଲା ପଡିଆରେ କାକର ପଡି ସାରିଥିଲା। ଏଭଳି ସ୍ଥିତିରେ ଟିମ୍ ଇଣ୍ଡିଆ ପାଖରେ ଅଧିକ କିଛି କରିବାକୁ ନଥିଲା।
