ଦୁବାଇ,୩୦/୦୫: ଆଗାମୀ ଟି-ଟ୍ୱେଣ୍ଟି ବିଶ୍ୱକପ୍ ପୂର୍ବରୁ ଆଇସିସି ଘୋଷଣା କରିଛି ଟି-ଟ୍ୱେଣ୍ଟି ମାନ୍ୟତା ତାଲିକା। ଭାରତ ମୋଟ୍ ୨୬୪ରେଟିଂ ପଏଣ୍ଟ ସହ ପୂର୍ବବତ୍ ଶୀର୍ଷ ସ୍ଥାନ ବଜାୟ ରଖିଛି । ୨ଥର ଚାମ୍ପିଅନ୍ ୱେଷ୍ଟ ଇଣ୍ଡିଜ୍ ଚତୁର୍ଥ ସ୍ଥାନକୁ ଉନ୍ନୀତ ହୋଇଛି । ଗତ ଦକ୍ଷିଣ ଆଫ୍ରିକା ବିପକ୍ଷ ଟି-ଟ୍ୱେଣ୍ଟି ସିରିଜ ମୂଳପୋଛ୍ କରିବା ଫଳରେ ୱେଷ୍ଟ ଇଣ୍ଡିଜ୍ର ମାନ୍ୟତାରେ ଉନ୍ନତି ହୋଇଛି । ଅଷ୍ଟ୍ରେଲିଆ ଦ୍ୱିତୀୟ ସ୍ଥାନରେ ରହିଥିବାବେଳେ ଡିଫେଣ୍ଡିଂ ଚାମ୍ପିଅନ୍ ଇଂଲଣ୍ଡ ତୃତୀୟ ସ୍ଥାନ ବଜାୟ ରଖିଛି । ନ୍ୟୁଜିଲାଣ୍ଡ ପଞ୍ଚମ, ପାକିସ୍ତାନ ଷଷ୍ଠ ସ୍ଥାନରେ ରହିଥିବାବେଳେ ଦକ୍ଷିଣ ଆଫ୍ରିକା ସପ୍ତମ ସ୍ଥାନକୁ ଖସିଛି ।
ବ୍ୟାଟିଂ ମାନ୍ୟତାରେ ଭାରତର ସୂର୍ଯ୍ୟକୁମାର ଯାଦବ ଶୀର୍ଷ ସ୍ଥାନ ବଜାୟ ରଖିଛନ୍ତି । ୱେଷ୍ଟ ଇଣ୍ଡିଜ୍ର ବ୍ରାଣ୍ଡନ କିଙ୍ଗ୍ ଲମ୍ବା ଲମ୍ଫ ମାରିଛନ୍ତି । ତାଙ୍କ ମାନ୍ୟତାରେ ୫ଟି ସ୍ଥାନ ଉନ୍ନତି ହୋଇଛି । ସେ ବର୍ତ୍ତମାନ ଅଷ୍ଟମ ସ୍ଥାନ ଦଖଲ କରିଛନ୍ତି । ସେହିପରି ଇଂଲଣ୍ଡର ଜୋସ ବଟଲର ସପ୍ତମକୁ ଉଠିଛନ୍ତି । ଗତ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ସେ ୩ଟି ମ୍ୟାଚ୍ରୁ ମୋଟ୍ ୧୫୯ ରନ୍ ସଂଗ୍ରହ କରିଥିଲେ । ଶ୍ରେଷ୍ଠ ୧୦ରେ ଅନ୍ୟ ଭାରତୀୟଙ୍କ ମଧ୍ୟରେ ଯଶସ୍ୱୀ ଜୈସ୍ୱାଲେ ଷଷ୍ଠ ସ୍ଥାନ ବଜାୟ ରଖିଛନ୍ତି ।
ବୋଲିଂ ମାନ୍ୟତାରେ ଇଂଲଣ୍ଡର ଆଦିଲ ରସିଦ ଶୀର୍ଷ ସ୍ଥାନ ବଜାୟ ରଖିଥିବାବେଳେ ଭାରତର ଅକ୍ଷର ପଟେଲ ତୃତୀୟ ଓ ରବି ବିଷ୍ଣୋଇ ପଞ୍ଚମକୁ ଉନ୍ନୀତ ହୋଇଛନ୍ତି ।