ଭୁବନେଶ୍ୱର,୦୨/୦୩: ଇନ୍ଦିରା ଗାନ୍ଧୀ ଜାତୀୟ ମୁକ୍ତ ବିଶ୍ୱବିଦ୍ୟାଳୟ (ଇଗ୍ନୋ)ର  ନାମଲେଖା ଅବଧି ଚଳିତ ମାସ ୧୦ ତାରିଖକୁ  ବୃଦ୍ଧି ହୋଇଛି । ପିଲାଙ୍କ ଆବଶ୍ୟକତାକୁ  ଦୃଷ୍ଟିରେ ରଖି ଇଗ୍ନୋ କର୍ତ୍ତୃପକ୍ଷ ଜାନୁଆରୀ  ୨୦୨୪ ଶିକ୍ଷାବର୍ଷ ପାଇଁ ନାମଲେଖା  ଅବଧିକୁ ବୃଦ୍ଧି କରିଛନ୍ତି । ଆଗ୍ରହୀ ଶିକ୍ଷାର୍ଥୀ  ବିଭିନ୍ନ ପାଠ୍ୟକ୍ରମରେ ନାମଲେଖାଇବା  ପାଇଁ ଇଗ୍ନୋର ୱେବସାଇଟ୍‌ www.ignouadmission.samarth.edu.in କୁ ଅନୁସରଣ କରିପାରିବେ ।  

ଚଳିତବର୍ଷ ନୂତନ ପାଠ୍ୟକ୍ରମ ଖୋଲିଛି ।  ନୂତନ ଶିକ୍ଷାନୀତି ଅନୁଯାୟୀ ଜଣେ ଚାହିଁଲେ  ୨ଟି ବିଷୟରେ ଡିଗ୍ରୀ ହାସଲ୍‌ କରିପାରିବେ ।  ଏହି ବିଷୟରେ ସମ୍ପୂର୍ଣ୍ଣ ବିବରଣୀ ଇଗ୍ନୋର  ୱେବ୍‌ସାଇଟ୍‌ରେ ପ୍ରଦାନ କରାଯାଇଛି ।  ଅନ୍ୟ ସମସ୍ତ ସୂଚନା ପାଇଁ ଭୁବନେଶ୍ୱର  ଆଞ୍ଚଳିକ କେନ୍ଦ୍ରର ଫୋନ୍‌ ନମ୍ବର ୦୬୭୪- ୨୩୦୧୩୪୮, ୨୯୭୧୦୭୧ରେ ଯୋଗାଯୋଗ  କରିବାକୁ ଆଞ୍ଚଳିକ କେନ୍ଦ୍ରର ବରିଷ୍ଠ ନିର୍ଦ୍ଦେଶକ  ଡ. ସୁରେଶ କୁମାର ତ୍ରିପାଠୀ ଜଣାଇଛନ୍ତି ।