ନୂଆଦିଲ୍ଲୀ: ସ୍ୱାଧୀନତା ଦିବସ ଅର୍ଥାତ୍  ଅଗଷ୍ଟ ୧୫ରେ ଦିଲ୍ଲୀ ଛତ୍ରସାଲ ଷ୍ଟାଡିୟମରେ ଜାତୀୟ ପତାକା ଉତ୍ତୋଳନ କରାଯାଇଥାଏ । ହେଲେ ଚଳିତ ବର୍ଷ ସ୍ୱାଧୀନତା ଦିବସରେ ତ୍ରିରଙ୍ଗା ଉତ୍ତୋଳନକୁ ନେଇ ଦିଲ୍ଲୀ ଏଲ.ଜି ଭି.କେ ସକ୍ସେନା ଏବଂ ଆମ୍ ଆଦମୀ ପାର୍ଟି ମଧ୍ୟରେ ବିବାଦ ଦେଖାଦେଇଛି । ତେବେ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲ, ଅତିଶୀଙ୍କ ଦ୍ବାରା ତ୍ରିରଙ୍ଗା ଉତ୍ତୋଳନ ପାଇଁ ଦାବି କରିଥିଲେ, କିନ୍ତୁ ସାଧାରଣ ପ୍ରଶାସନ ବିଭାଗ ଏହାକୁ ପ୍ରତ୍ୟାଖ୍ୟାନ କରିଛି । ବର୍ତ୍ତମାନ ଦିଲ୍ଲୀ ଏଲଜି ଭି.କେ ସକ୍ସେନା ଏହି ଘଟଣାରେ ସୂଚନା ଦେଇଛନ୍ତି । ସ୍ୱାଧୀନତା ଦିବସରେ ଅରବିନ୍ଦ କେଜ୍ରିୱାଲଙ୍କ ସ୍ଥାନରେ ଛତ୍ରସାଲ ଷ୍ଟାଡିୟମରେ କିଏ ତ୍ରିରଙ୍ଗା ଉତ୍ତୋଳନ କରିବ ତାହା ପ୍ରକାଶ କରିଛନ୍ତି । 

ଦିଲ୍ଲୀ ଲେଫ୍ଟନାଣ୍ଟ ଗଭର୍ଣ୍ଣର ଭି.କେ ସକ୍ସେନା ସୂଚନା ଦେଇଛନ୍ତି ଯେ, ଅଗଷ୍ଟ ୧୫, ୨୦୨୪ ରେ ଛତ୍ରସାଲ ଷ୍ଟାଡିୟମ କାର୍ଯ୍ୟକ୍ରମରେ ଜାତୀୟ ପତାକା ଉତ୍ତୋଳନ କରିବାକୁ ଦିଲ୍ଲୀ ଗୃହମନ୍ତ୍ରୀ କୈଲାଶ ଗେହଲଟଙ୍କୁ ମନୋନୀତ କରାଯାଇଛି।

ସୂଚନାଥାଉକି, ଗୋପାଳ ରାୟ ତାଙ୍କ ଚିଠିରେ ଲେଖିଥିଲେ ଯେ ସେ ସିଏମ କେଜ୍ରିୱାଲଙ୍କୁ ଭେଟିଛନ୍ତି ଏବଂ ସିଏମ ଚାହୁଁଛନ୍ତି ଯେ ସେ ସ୍ୱାଧୀନତା ଦିବସ ଅବସରରେ ଏଥର ଅତିଶୀ ତ୍ରିରଙ୍ଗା ପତାକା ଉତ୍ତୋଳନ କରନ୍ତୁ । ଏହା ଉପରେ ସାଧାରଣ ପ୍ରଶାସନ ବିଭାଗ କହିଛି ଯେ, ସିଏମ କେଜ୍ରିୱାଲ ଜେଲରୁ କୌଣସି ଲିଖିତ କିମ୍ବା ମୌଖିକ ନିର୍ଦ୍ଦେଶ ଦେଇପାରିବେ ନାହିଁ । ତେଣୁ ଏହା ବୈଧ ହେବ ନାହିଁ । ୧୫ ଅଗଷ୍ଟ କାର୍ଯ୍ୟକ୍ରମ ବିଷୟରେ ସିଏମ୍ କାର୍ଯ୍ୟାଳୟକୁ ସୂଚନା ଦିଆଯାଇଥିଲା, ଆଉ ଉତ୍ତର ଆସିଥିଲା ଯେ, ସିଏମ୍ ଜେଲରେ ଅଛନ୍ତି।