ନୂଆଦିଲ୍ଲୀ,୨୮/୦୯: ଭାରତୀୟ ସେନା ସମୟ ସହିତ ବିକାଶର ପଥ ପ୍ରସ୍ତୁତ କରୁଛି ଏବଂ ଆଧୁନିକ ଅସ୍ତ୍ରଶସ୍ତ୍ର ଏବଂ କ୍ଷେପଣାସ୍ତ୍ରକୁ ଏହାର ଅସ୍ତ୍ରଗାରରେ ସାମିଲ କରୁଛି। ଭାରତୀୟ ସେନାର ଆର୍ଟିଲିରି ରେଜିମେଣ୍ଟର ମହାନିର୍ଦ୍ଦେଶକ ଲେଫ୍ଟନାଣ୍ଟ ଜେନେରାଲ୍ ଏ କୁମାର କହିଛନ୍ତି ଯେ ସେନା ମଧ୍ୟ ଦୂର ଦୂରଗାମୀ ରକେଟ୍ ପ୍ରତି ଧ୍ୟାନ ଦେଉଛି। ଲେଫ୍ଟନାଣ୍ଟ ଜେନେରାଲ ଏ କୁମାର କହିଛନ୍ତି ଯେ ଆଗାମୀ ଦିନରେ ସ୍ୱଦେଶୀ ପିନାକା ରକେଟର ପରିସରକୁ ୩୦୦ କିଲୋମିଟରକୁ ବୃଦ୍ଧି କରିବାକୁ ସେନା ଯୋଜନା କରିଛି। ସେ ସୂଚନା ଦେଇଛନ୍ତି ଯେ ପ୍ରଳୟ ବାଲାଷ୍ଟିକ୍ କ୍ଷେପଣାସ୍ତ୍ର ଏବଂ ନିର୍ବାଣ କ୍ଷେପଣାସ୍ତ୍ର ହାସଲ କରିବା ପାଇଁ ଭାରତୀୟ ସେନା ପ୍ରତିରକ୍ଷା ଅଧିଗ୍ରହଣ ପରିଷଦରୁ ଅନୁମୋଦନ ଲାଭ କରିଛି।
ପ୍ରସ୍ତୁତ କରୁଛି ଡିଆରଡିଓ:
ଡିଆରଡିଓ ସଶସ୍ତ୍ର ବାହିନୀ ପାଇଁ ହାଇପରସୋନିକ୍ କ୍ଷେପଣାସ୍ତ୍ର ପ୍ରସ୍ତୁତ କରୁଛି। ଏହା ବ୍ୟତୀତ ୨୦୦୦ କିଲୋମିଟର ରେଞ୍ଜ ବିଶିଷ୍ଟ ନିର୍ଭୟ ଏବଂ ୪୦୦ କିଲୋମିଟର ରେଞ୍ଜ ବିଶିଷ୍ଟ ପ୍ରଳୟ ମିଶାଇଲ ଭଳି ଦୀର୍ଘ ଦୂରଗାମୀ କ୍ରୁଜ୍ ଏବଂ ବାଲାଷ୍ଟିକ୍ ମିଶାଇଲକୁ ଅସ୍ତ୍ରାଗାରରେ ସାମିଲ କରିବାକୁ ପ୍ରସ୍ତୁତି ଚାଲିଛି। ମିସାଇଲ୍ କାର୍ଯ୍ୟକ୍ରମ ବିଷୟରେ ଲେଫ୍ଟନାଣ୍ଟ ଜେନେରାଲ୍ କହିଛନ୍ତି, ଡିଆରଡିଓ ହାଇପରସୋନିକ୍ କ୍ଷେପଣାସ୍ତ୍ର ଉପରେ କାମ କରୁଛି ଏବଂ ଏହାର ବିକାଶ କାର୍ଯ୍ୟ ଜାରି ରହିଛି। ଆମର କ୍ଷେପଣାସ୍ତ୍ର କାର୍ଯ୍ୟକ୍ରମ ସଠିକ୍ ବେଗରେ ଅଗ୍ରଗତି କରୁଛି, ଯେଉଁଥି ପାଇଁ ଡିଆର୍ଡିଓ ଦ୍ୱାରା ଅନୁସନ୍ଧାନ ଏବଂ ବିକାଶ କରାଯାଉଛି। ଲେଫ୍ଟନାଣ୍ଟ ଜେନେରାଲ କହିଛନ୍ତି ଯେ ଏହି କ୍ଷେପଣାସ୍ତ୍ରଗୁଡ଼ିକୁ ସେନାରେ ସାମିଲ କରିବାର ଉଦ୍ଦେଶ୍ୟ ହେଉଛି ବାଲିଷ୍ଟିକ୍ ଏବଂ କ୍ରୁଜ୍ କ୍ଷେପଣାସ୍ତ୍ରର ପରିସର ବୃଦ୍ଧି କରିବା।
ପିନାକା ରକେଟ୍ ବିଷୟରେ ଆଲୋଚନା କରି ଲେଫ୍ଟନାଣ୍ଟ ଜେନେରାଲ୍ କହିଛନ୍ତି, ପିନାକା ହେଉଛି ଆତ୍ମନିର୍ଭର ଅଭିଯାନର ଏକ ସଫଳ କାହାଣୀ। ଲେଫ୍ଟନାଣ୍ଟ ଜେନେରାଲ ଏ କୁମାର ମଧ୍ୟ ଗୁଳିଗୋଳା ବିଷୟରେ ସୂଚନା ଦେଇଛନ୍ତି। ସେ କହିଛନ୍ତି ଆମେ ଲୋଟର ମୁନିସନ୍, ସ୍ୱାର୍ମ ଡ୍ରୋନ୍, ରନୱେ ଇଣ୍ଡିପେଣ୍ଡେଣ୍ଟ ଆରପିଏଏସ୍ ଏବଂ ଏହି ଭଳି ଅନେକ ଜିନିଷ କିଣୁଛୁ।
