ନୂଆଦିଲ୍ଲୀ: କେରଳରେ ଭୂସ୍ଖଳନ ଘଟଣାକୁ ନେଇ ଚୀନ୍ ପ୍ରଧାନମନ୍ତ୍ରୀ ଲି କିଆଙ୍ଗ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଶୋକବାର୍ତ୍ତା ପଠାଇଛନ୍ତି । ସେ ମୃତକ ଓ ଆହତଙ୍କ ପରିବାରକୁ ସମବେଦନା ଜଣାଇଛନ୍ତି । ତେବେ ଭୂସ୍ଖଳନ ଯୋଗୁଁ ରାଜ୍ୟରେ ୩ ଶହରୁ ଅଧିକ ଲୋକ ପ୍ରାଣ ହରାଇଛନ୍ତି। ଅଗଷ୍ଟ ୩ ରେ ପ୍ରଧାନମନ୍ତ୍ରୀ ଲି କିଆଙ୍ଗ କେରଳରେ ଭୂସ୍ଖଳନ ଘଟଣାରେ ପ୍ରଧାନମନ୍ତ୍ରୀ ମୋଦୀଙ୍କୁ ସମବେଦନା ଜଣାଇଛନ୍ତି ବୋଲି ଚୀନ୍ ରାଷ୍ଟ୍ରଦୂତ ଜୁ ଫେଇହୋଙ୍ଗ ଏକସରେ କହିଛନ୍ତି । 

ୱାୟାନାଡ ଜିଲ୍ଲାର ଚୁରାଲାମାଲା ଏବଂ ମୁଣ୍ଡକାଇରେ ଭୂସ୍ଖଳନ ହେତୁ ଏପର୍ଯ୍ୟନ୍ତ ୩୦୮ ଜଣଙ୍କର ମୃତ୍ୟୁ ଘଟିଛି । ୱାୟାନାଡରେ ସର୍ଚ୍ଚ ଓ ଉଦ୍ଧାର କାର୍ଯ୍ୟ ରବିବାର ଷଷ୍ଠ ଦିନରେ ପହଞ୍ଚିଥିଲା । ଚାରାଲମାଲା ଏବଂ ମୁଣ୍ଡାକ୍କାଇରେ ଭୂସ୍ଖଳନ ପରେ ଅନେକ ଲୋକ ମାଟି ତଳେ ପୋତି ହୋଇ ରହିଥିବା ଆଶଙ୍କା କରାଯାଉଛି । 

ଉଦ୍ଧାର କାର୍ଯ୍ୟ ସମ୍ପର୍କରେ ସୂଚନା ଦେଇ ୱାୟାନାଡ ଜିଲ୍ଲା କଲେକ୍ଟର କହିଛନ୍ତି ଯେ ଉଦ୍ଧାର କାର୍ଯ୍ୟ ଜୋରସୋରରେ ଚାଲିଛି ଏବଂ ଆଜିର ଅପରେସନ ପାଇଁ ୧୩ ଶହରୁ ଅଧିକ ଫୋର୍ସ ନିୟୋଜିତ ହୋଇଛନ୍ତି । ସ୍ୱେଚ୍ଛାସେବୀ ମାନେ ମଧ୍ୟ ଅଛନ୍ତି । ଗତକାଲି ଉଦ୍ଧାର କାର୍ଯ୍ୟ ପାଇଁ ସ୍ୱେଚ୍ଛାସେବୀ ମାନେ ସେଠାରେ ଫସି ରହିଥିଲେ । ଆଜି ଆମେ ସତର୍କତା ଅବଲମ୍ବନ କରୁଛୁ ଯାହା ଦ୍ବାରା ଏହା ଯେପରି ପୁଣିଥରେ ନହୁଏ।