ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ବଲେ ବଲେ ଢାବା ପରେ ଚର୍ଚ୍ଚାରେ କୁସୁମାର ବିଳାସପୂର୍ଣ୍ଣ ବଙ୍ଗଳା, ଖର୍ଚ୍ଚ ହୋଇଛି ୨୦ କୋଟିରୁ ଅଧିକ ଟଙ୍କା!ତଦନ୍ତ ନିର୍ଦ୍ଦେଶ ଦେଲେ ଜିଲ୍ଲାପାଳ

ଯାଜପୁର,୦୪/୦୭: ସରକାର ବଦଳିବା ପରେ ଏବେ ଯାଜପୁର ଜିଲ୍ଲାରେ ବହୁ ବେଆଇନ୍‌ ନିର୍ମାଣ ଓ ଜବରଦଖଲ ସାମ୍ନାକୁ ଆସିବାରେ ଲାଗିଛି । ଧର୍ମଶାଳା ବ୍ଲକରେ ଚାଲିଥିବା ବଲେ ବଲେ ଢାବା ସିଲ୍‌ ପରେ ଏବେ କୁସୁମା ପୋଖରୀ ପରିସରରେ ନିର୍ମାଣ ହୋଇଥିବା ଦୁଇଟି ବିଳାସପୂର୍ଣ୍ଣ ବଙ୍ଗଳାକୁ ନେଇ ଚର୍ଚ୍ଚା ଜୋର ଧରିଛି ।  

ଏହି ବଙ୍ଗଳାଗୁଡ଼ିକୁ କାହିଁକି ନିର୍ମାଣ  କରାଯାଇଛି, ଏଥିପାଇଁ ଅର୍ଥ ଆସିଲା କେଉଁଠାରୁ  ଓ କିଏ ଏହାର ରକ୍ଷଣାବେକ୍ଷଣ ଦାୟିତ୍ୱ  ନେଇଛି, ଏମିତି ଅନେକ ପ୍ରଶ୍ନ ଉଠିଛି । କୁସୁମା ଯାଜପୁର ପୌରପାଳିକା ଅଧୀନରେ ରହିଥିଲେ ବି ପୌର ପ୍ରଶାସନ ମଧ୍ୟ ଏ ବିଷୟରେ ଠିକ୍‌ ଉତ୍ତର ଦେଇପାରୁନାହିଁ । ପୌର ପ୍ରଶାସନ କେବଳ ଜାଗା ଦେଇଛି, ଏହି ଗୃହ ସେମାନଙ୍କ ଅଧୀନରେ ନାହିଁ ବୋଲି ସୂଚନା ଦେଇଛନ୍ତି ।  

କୁସୁମାରେ ଥିବା ଦୁଇଟି ବିଳାସପୂର୍ଣ୍ଣ  ବଙ୍ଗଳା କେଉଁ ଅର୍ଥରେ ଓ କାହିଁକି ନିର୍ମାଣ କରାଯାଇଛି ତାହାର ବିଧିବଦ୍ଧ ତଦନ୍ତ କରିବା ପାଇଁ ଯାଜପୁର ପୌରପାଳିକାକୁ ଜିଲ୍ଲାପାଳ ନିଖିଲ ପବନ କଲ୍ୟାଣ ନିର୍ଦ୍ଦେଶ ଦେଇଛନ୍ତି । ଏହା କେଉଁ ସଂସ୍ଥା ନିର୍ମାଣ କରିଛି ଓ ବୈଧତା  ନେଇ ଜିଲ୍ଲାପାଳ ରିପୋର୍ଟ ମାଗିଛନ୍ତି । ରିପୋର୍ଟ ମିଳିବା ପରେ ଉପଯୁକ୍ତ କାର୍ଯ୍ୟାନୁଷ୍ଠାନ ନିଆଯିବ । 

ବଙ୍ଗଳାଗୁଡ଼ିକ କ୍ରୀଡ଼ା ବିଭାଗ ଅଧୀନରେ ଥିବା ବିଶେଷ ସୂତ୍ରରୁ ସୂଚନା ମିଳିଥିବା ବେଳେ କ୍ରୀଡ଼ା ବିଭାଗର ଅଧିକାରୀଙ୍କ କହିବାନୁଯାୟୀ କୁସୁମାରେ କ୍ରୀଡ଼ା ବିଭାଗର କୌଣସି ବଙ୍ଗଳା ନାହିଁ । ବହୁ ଅର୍ଥ ଖର୍ଚ୍ଚ ହୋଇ ନିର୍ମାଣ ହୋଇଥିବା ଶିଶୁ ଉଦ୍ୟାନକୁ ଭାଙ୍ଗି ଏହି ବିଳାସପୂର୍ଣ୍ଣ ବଙ୍ଗଳାଗୁଡ଼ିକ ନିର୍ମାଣ କରାଯାଇଥିଲା । ଏଥିପାଇଁ  ପ୍ରାୟ ୨୦କୋଟି ଟଙ୍କା ଖର୍ଚ୍ଚ ହୋଇଥିବା ଚର୍ଚ୍ଚା ହେଉଛି । କୁସୁମାକୁ ଟିକଟ୍‌ କାଟି ବୁଲିବାକୁ  ଅନୁମତି ଥିଲେ ମଧ୍ୟ ଏହି ବଙ୍ଗଳାଗୁଡ଼ିକ ନିକଟକୁ  ଯିବା ପାଇଁ କାହାରିକୁ ଅନୁମତି ମିଳୁନଥିଲା ।  

ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ କୁସୁମା  ପୋଖରୀର ପୁନରୁଦ୍ଧାର ଏବଂ ସୌନ୍ଦର୍ଯ୍ୟୀକରଣ  କାର୍ଯ୍ୟ ନିମନ୍ତେ ଗୃହ ଓ ନଗର ଉନ୍ନୟନ ବିଭାଗ  ପକ୍ଷରୁ ୨୦୧୧ରେ ଅନୁମତି ମିଳିଥିଲା । ଏଥିପାଇଁ  ପ୍ରାୟ ୨୨ କୋଟି ଟଙ୍କା ଖର୍ଚ୍ଚ ହୋଇଥିଲା । ୨୦୧୮  ମାର୍ଚ୍ଚ ୨୫ରେ ପୂର୍ବତନ ମୁଖ୍ୟମନ୍ତ୍ରୀ ନବୀନ  ପଟ୍ଟନାୟକ କୁସୁମା’ ପୋଖରୀକୁ ଉଦ୍‌ଘାଟନ  କରିଥିଲେ । ୨୦୧୯-୨୦ରେ କୁସୁମାରେ ବୋଟିଂ  ଓ ମ୍ୟୁଜିକାଲ ଫାଉଣ୍ଡେସନ ପାଇଁ ୬ କୋଟି ୬୯  ଲକ୍ଷ ଟଙ୍କା ମଞ୍ଜୁର ହୋଇଥିଲା । ଏହା ଉଦ୍‌ଘାଟନ  ହେବାର ପ୍ରାୟ ୧୦ ମାସ ପରେ ସାଧାରଣ ଲୋକଙ୍କ  ନିମନ୍ତେ ପ୍ରବେଶ ଅନୁମତି ମିଳିଥିଲା । ଏଥିପାଇଁ  ଯାଜପୁର ପୌରପାଳିକା ୩୦ ଟଙ୍କା ଟିକେଟ୍‌ ଧାର୍ଯ୍ୟ  କରିଥିଲେ । ଏଥିରେ ବୋଟିଂର ବ୍ୟବସ୍ଥା ମଧ୍ୟ  କରାଯାଇଛି । ହେଲେ ପୋଖରୀ ପାଣିକୁ ଲାଗି  ରହିଥିବା ବଙ୍ଗଳାକୁ ବ୍ୟବହାର ପାଇଁ ସାଧାରଣ  ଲୋକ ତଥା ପର୍ଯ୍ୟଟକଙ୍କୁ ଅନୁମତି ମିଳୁନଥିଲା । 

ଅନ୍ୟପକ୍ଷରେ ଆଗାମୀ ଦିନରେ ଏହି  ବଙ୍ଗଳାଗୁଡ଼ିକୁ ଗେଷ୍ଟ ହାଉସ୍‌ ଭାବେ ସର୍ବସାଧାରଣ  ବ୍ୟବହାର ପାଇଁ ବ୍ୟବସ୍ଥା କରାଯିବ । ଇକୋ  ଟୁରିଜିମ୍‌ ସହ ଆଲୋଚନା କରାଯାଇ ଅନ୍‌ଲାଇନ  ବୁକିଂରେ ଲୋକଙ୍କୁ ଭଡ଼ା ଦିଆଯିବ । ଯାହାଦ୍ୱାରା  ସରକାରଙ୍କର ରାଜସ୍ୱ ମଧ୍ୟ ଆଦାୟ ହେବ  ବୋଲି ଜିଲ୍ଲାପାଳ ଶ୍ରୀ କଲ୍ୟାଣ କହିଥିଲେ । 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.