ଫିରିଙ୍ଗିଆ, ୪।୦୨: ପାନୀୟ ଜଳର ଅସୁବିଧା ଓ ସମସ୍ୟାକୁ ନେଇ ଜିଲ୍ଲାପାଳ ଏବଂ ଫିରିଙ୍ଗିଆ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଏକ ଲିଖିତ ଦାବିପତ୍ର । କନ୍ଧମାଳ ଜିଲ୍ଲା ଅନ୍ତର୍ଗତ ଫିରିଙ୍ଗିଆ ବ୍ଲକ୍ କାଶିନିପଦର ଗ୍ରାମ ପଞ୍ଚାୟତର ୧ନଂ ୱାର୍ଡ ଶାଶିପଦର ଗାଁରେ ବସବାସ କରୁଥିବା ବାସିନ୍ଦା ଶାଶିପଦର ସେଚ୍ଛାସେବୀ ସଙ୍ଗଠନର ସଭାପତି ତଥା ସମାଜ ସେବୀ ସୁନାଶିର ଦିଗାଲ, ସହଯୋଗୀ ଓ ବିରୁପାକ୍ଷ କହଁର ଏନେଇ ଜିଲ୍ଲାପାଳ ଏବଂ ଫିରିଙ୍ଗିଆ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଏକ ଲିଖିତ ଦାବିପତ୍ର ପ୍ରଦାନ କରିଥିବା ସୂଚନା । କାଶିନିପଦର ଗ୍ରାମପଞ୍ଚାୟତ ସରପଞ୍ଚଙ୍କୁ ମଧ୍ୟ ଏକ ଲିଖିତ ଦାବିପତ୍ର ପ୍ରଦାନ କରିଥିବା ଜଣାପଡ଼ିଛି । 

ସୂଚନା ଅନୁଯାୟୀ, ଶାଶିପଦର ଗ୍ରାମ ଶିମ୍ବିଳିସାହିଠାରେ ୩୬ ପରିବାର ବସବାସ କରି ଆସୁଛନ୍ତି । ଉକ୍ତ ସାହିରେ ବିଶୁଦ୍ଧ ପାନୀୟ ଜଳର ବ୍ୟବହୃତ ପାଇଁ ଗୋଟିଏ ମାତ୍ର ନଳକୂପ ଥିବାରୁ  ସାହିରେ ୧୦୦ରୁ ଉର୍ଦ୍ଧ ଜନସଂଖ୍ୟାଙ୍କୁ ଖୁବ୍ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି । ଗୋଟିଏ ନଳକୂପର ବ୍ୟବହାର ସମ୍ଭବପର ହେଇପାରୁନାହିଁ । ତେଣୁ ସାହିର ଜନସାଧାରଣ ବାଧ୍ୟ ହୋଇ ପ୍ରାୟ ୧ କିଲୋମିଟର ଦୂରରେ ଥିବା ବିଲକୁ ଚୂଆଁ ଉପରେ ନିର୍ଭର କରିଆସୁଛନ୍ତି । 

ଫଳରେ ଉକ୍ତ ସାହିର ଜନସାଧାରଣଙ୍କୁ ଗ୍ରୀଷ୍ମ ଋତୁରେ ଓ ବର୍ଷା ଋତୁରେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେବାକୁ ପଡ଼ୁଥିବା ଜଣାପଡ଼ିଛି । ଗ୍ରାମରେ କିଛି ସାହିକୁ ବସୁଧା ପାନୀୟଜଳ ପ୍ରକଳ୍ପ ଯୋଜନାରେ ସାମିଲ କରିଥିବା ବେଳେ ଶିମ୍ବିଳିସାହି, ତେନ୍ତୁଳି ସାହି, ଗୁରୁ ସାହିକୁ ବସୁଧା ଯୋଜନାରୁ ବଞ୍ଚିତ କରାଯାଇଥିବା ଅଭାଯୋଗ ହୋଇଛି । ଶିମ୍ବିଳିସାହିର ବାସିନ୍ଦା ବ୍ଲକ ପ୍ରଶାସନ ଓ ଜିଲ୍ଲା ପ୍ରଶାସନକୁ ଏହାର ସ୍ଥାୟୀ ପ୍ରତିକାର ପାଇଁ ଦାବି କରୁଥିବା ବେଳେ ବର୍ତ୍ତମାନ କାର୍ଯ୍ୟରତ ନଳକୂପରେ ସୌରଚାଳିତ ସୋଲାର୍ ଟ୍ୟାଙ୍କର ସୁବ୍ୟବସ୍ଥା କରିବା ସମେତ ସାହିର ସମସ୍ୟାକୁ ଯଥାଶୀଘ୍ର ସମାଧାନ କରିବା ପାଇଁ ସାହିରେ ଆଉ ଗୋଟିଏ ନୂତନ ନଳକୂପ ଖନନ କରିବାକୁ ସମାଜସେବୀ ଦାବି କରିଛନ୍ତି ।