ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

ମିଳୁନି ଆବାସ ଗୃହ,ଭଙ୍ଗା କାଠ ଘରେ ବିତୁଛି ଜୀବନ

 ଫିରିଙ୍ଗିଆ, ୧୨l ୫   ସରକାରଙ୍କ ତରଫରୁ ଗରିବ ଓ ଜନ ସାଧାରଣଙ୍କ ସୁବିଧା ପାଇଁ ବିଭିନ୍ନ ଯୋଜନା ମାଧ୍ୟମରେ କୋଟି କୋଟି ଟଙ୍କା ଯୋଗାଇ ଦେଉଥିବା ବେଳେ ପ୍ରଶାସନିକ ଅଧିକାରୀ ଙ୍କ ଅବହେଳାରୁ ସରକାରଙ୍କ ବିଭିନ୍ନ ଯୋଜନା ଠିକ ଲୋକଙ୍କ ପାଖରେ ପହଞ୍ଚି ପାରୁନାହିଁ l ଯାହାଦ୍ୱାରା  ବିଭିନ୍ନ ଯୋଜନା ପ୍ରକୃତ ହିତାଧିକାରୀଙ୍କ ପାଖରେ ନ ପହଞ୍ଚି ପାରି ଅସହାୟ ଗରିବ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି l ଏମିତି ଏକ ଭଙ୍ଗା କାଠ ଘରେ ଅସହାୟ ଅବସ୍ଥାରେ ଜୀବନ ବିତାଉଥିବାର ଅସହାୟ ପରିବାରର ଦୃଶ୍ୟ ଦେଖିବାକୁ ମିଳିଛି  ଫିରିଙ୍ଗିଆ ବ୍ଲକ ସାଡୀଙ୍ଗିଆ ପଞ୍ଚାୟତ ୬ ନମ୍ବର ୱାର୍ଡ ସୁନାରଦେଇ ଗାଁରେ l 

 ଏହି ଗାଁରେ କାହିଁ କେଉଁ କାଳରୁ  ବୁନା ମଲିକଙ୍କ ବାପ ଅଜା ଗୋଟିଏ କାଠ ପଟାରେ ତିଆରି ଘରେ ରହି ଆସୁଥିଲେ l ତେବେ ଦୀର୍ଘ ବର୍ଷ ପରେ ଗତ ୧୫ ବର୍ଷରୁ  ଉର୍ଦ୍ଧ୍ବ ହେବ ଘରଟି ଭାଙ୍ଗି ଯାଇଥିବା ବେଳେ ବର୍ଷା ଦିନରେ ଘର ଭିତରେ ପାଣି ଜମା ହୋଇ ରହି ଘରେ ରହିବା କଷ୍ଟ ସାଧ୍ୟ ହୋଇ ପଡିଛି l ଖରାଦିନରେ ଯେଣେ ତେଣେ ପ୍ରକାରେ ଚଳୁ ଥିବା ବେଳେ ଶୀତ ଦିନ ଏବଂ ବର୍ଷା ଦିନରେ ବହୁ ସମସ୍ୟାରେ ପରିବାର ଲୋକେ ଚଳୁ ଛନ୍ତି l ଘର ନଥିବାରୁ ବୁନା ମଲିକଙ୍କ ବାପା ଅନ୍ୟତ୍ର ରହୁଥିବା ବେଳେ ଏହି ଭଙ୍ଗା ଘରେ ବୁନା ମଲିକ ଏବଂ ତାଙ୍କ ସ୍ତ୍ରୀ ସୁଷମା କହଁର ରହୁଛନ୍ତି l ବୁନା ମଲିକ ଙ୍କ ଆଇ ଙ୍କ ନାମରେ ଏକ ରେସନ କାର୍ଡ ଥିଲା ଯେଉଁଥିରେ ବୁନା ମଲିକଙ୍କ ନାମ ସଂଯୋଗ ହୋଇଥିଲା ବର୍ତ୍ତମାନ ବୁନାର ଆଇଙ୍କ ମୃତ୍ୟୁ ପରେ ରେସନ କାର୍ଡରୁ ମଧ୍ୟ ନାମ କଟିଯାଇଥିବା ବେଳେ ଆବାସ ଗୃହ ଦୂରର କଥା ଚାଉଳ ମଧ୍ୟ ମିଳିପାରୁନାହିଁ l ପ୍ରଶାସନ ତରଫରୁ ମିଳୁଥିବା ସୁବିଧା ଯେମିତି ଏଇ ୨ ଜଣଙ୍କ ପାଇଁ ଅଭିଶାପ ପାଲଟିଛି l ବାରମ୍ବାର ଆବାସ ଗୃହ ଏବଂ ଚାଉଳ କାର୍ଡ ପାଇଁ ପଞ୍ଚାୟତ ଠାରୁ ବ୍ଲକ କାର୍ଯ୍ୟାଳୟ ର ପ୍ରଶାସନିକ ଅଧିକାରୀଙ୍କୁ ଜଣାଇଥିଲେ ମଧ୍ୟ କୌଣସି କାର୍ଯ୍ୟ ସଫଳ ହୋଇପାରିନଥିବା କହିଛନ୍ତି ବୁନା ମଲିକ ଏବଂ ତାଙ୍କ ସ୍ତ୍ରୀ ସୁଷମା କହଁର l ତୁରନ୍ତ ଅସହାୟ ପରିବାରକୁ ଆବାସ ଗୃହ ଏବଂ ରାସନ କାର୍ଡ ଯୋଗାଇଦେଲେ ଉପକୃତ ହୋଇ ପାରିବେ ବୋଲି କହିଥିବା ବେଳେ ସୁନାର ଦେଇ ଗ୍ରାମ ବାସୀ ମଧ୍ୟ ତୁରନ୍ତ ଘର ଏବଂ ରାସନ କାର୍ଡ ଯୋଗାଇ ଦେବାକୁ ଦାବୀ କରିଛନ୍ତି l

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.