ପ୍ରମୂଖ ଖବର
  • ଅରବିନ୍ଦ କେଜ୍‌ରିଓ୍ବାଲ୍‌ଙ୍କୁ ଆଶ୍ୱସ୍ତି , ଅନ୍ତରୀଣ ଜାମିନ ପ୍ରଦାନ କଲେ ସୁପ୍ରମିକୋର୍ଟ
  • ||
  • ହେରାପଞ୍ଚମୀରେ ଆଧ୍ୟାତ୍ମିକ ପରିବେଶ: ନନ୍ଦିଘୋଷ ଭାଙ୍ଗିଲେ ମହାଲକ୍ଷ୍ମୀ, ଆଜ୍ଞାମାଳ ପାଇ ଶ୍ରୀମନ୍ଦିରକୁ ବାହୁଡ଼ିଲେ
  • ||
  • ପିଠିରେ ଯନ୍ତ୍ରଣା ଯୋଗୁଁ ଏମ୍ସରେ ଭର୍ତ୍ତି ହେଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ
  • ||
  • ଦିଲ୍ଲୀ ମଦନୀତି ସହ ମନି ଲଣ୍ଡରିଂ ମାମଲା, କେଜ୍‌ରିୱାଲଙ୍କ ପିଟିସନ ଉପରେ ସୁପ୍ରିମକୋର୍ଟରେ ଶୁଣାଣି
  • ||
  • ଆଗ ପଛ ହୋଇ ଆସିପାରେ ଦୁଇଟି ଲଘୁଚାପ: ୧୩ରୁ ବଢ଼ିବ ବର୍ଷା, ଦକ୍ଷିଣରେ ପ୍ରବଳ ଛେଚିବ
  • ||

ଲୋକସଭା ବାଚସ୍ପତି ନିର୍ବାଚନ: ଆଜି ପ୍ରାର୍ଥୀଙ୍କ ନାଁ ଘୋଷଣା କରିବ NDA, ମଧ୍ୟାହ୍ନ ୧୨ଟା ସୁଦ୍ଧା ନାମାଙ୍କନ

ନୂଆଦିଲ୍ଲୀ, ୨୫/୦୬: ଲୋକସଭା ବାଚସ୍ପତି ପଦ ଲାଗି ବୁଧବାର  ନିର୍ବାଚନ ଅନୁଷ୍ଠିତ ହେବ । ମଙ୍ଗଳବାର ନିଜର ପ୍ରାର୍ଥୀଙ୍କ  ନାମ ଘୋଷଣା କରିବ ଏନ୍‌ଡିଏ । ମଧ୍ୟାହ୍ନ ୧୨ଟା ସୁଦ୍ଧା ନାମାଙ୍କନ ଦାଖଲ କରିବାର  ସମୟ ରହିଛି । ଏହି ପଦକୁ ନିଜ ପାଖରେ ରଖିବାକୁ ବିଜେପି ଚାହୁଁଛି। ଦଳ ଓମ୍‌ ବିର୍ଲାଙ୍କୁ ପୁଣି ଥରେ ବାଚସ୍ପତି କରିପାରେ । ରାଜସ୍ଥାନର କୋଟାରୁ ସାଂସଦ  ଥିବା ବିର୍ଲା ପୂର୍ବଥର ମଧ୍ୟ ଲୋକସଭାର ଅଧ୍ୟକ୍ଷ ଥିଲେ। ବିର୍ଲାଙ୍କ ବ୍ୟତୀତ ଭର୍ତ୍ତୁହରି ମହତାବ, ରାଧାମୋହନ ସିଂହ  ଓ ଡି.ପୁରନ୍ଦେଶ୍ୱରୀଙ୍କ ନାମ ଏଥିଲାଗି ଚର୍ଚ୍ଚାରେ ରହିଛି । 

ବିଜେପିର ସହଯୋଗୀ  ଦଳ ଜେଡିୟୁ ଓ ଟିଡିପି ପକ୍ଷରୁ ମଧ୍ୟ ଏହି  ପଦକୁ ନେଇ ଦାବି ଉଠିଥିଲା । ପରବର୍ତ୍ତୀ ସମୟରେ ଜେଡିୟୁ ବିଜେପିର ଯେକୌଣସି ନିଷ୍ପତ୍ତିର ସମର୍ଥନ କରିବ ବୋଲି ଘୋଷଣା କରିଛି । ଟିଡିପି  ଏନ୍‌ଡିଏ ପ୍ରାର୍ଥୀଙ୍କ ସପକ୍ଷରେ ଯୁକ୍ତି ଉପସ୍ଥାପନ କରିଛି । ଅର୍ଥାତ୍‌ ଖୋଲାଖୋଲି  ଭାବେ କିଛି ସ୍ପଷ୍ଟ କରିନାହିଁ । ସେପଟେ ‘ଇଣ୍ଡିଆ’ ମେଣ୍ଟ ଏଥରକ ଉପବାଚସ୍ପତି  ପଦ ପାଇଁ ଦାବି କରିବ । ବରିଷ୍ଠ କଂଗ୍ରେସ ନେତା କେ.ସୁରେଶଙ୍କ ନାମ  ଏଥିଲାଗି ଚର୍ଚ୍ଚାରେ ରହିଛି । ଯଦି ବିରୋଧୀ ଦଳକୁ ଏହି ପଦ ନ ମିଳେ  ତେବେ ସେମାନେ ବାଚସ୍ପତି ପଦ ଲାଗି ମଧ୍ୟ ନିଜର ପ୍ରାର୍ଥୀ ଦେବେ ବୋଲି  କୁହାଯାଉଛି । ଉପବାଚସ୍ପତି ପଦ ବିରୋଧୀ ଦଳକୁ ଦେବାର ପରମ୍ପରା ରହିଛି ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.