ନୂଆଦିଲ୍ଲୀ: ମହାଦେବ ବେଟିଂ ଆପ ମାଲାରେ ଇଡିର ବଡ଼ ଆକ୍ସନ ।  ୫୮୦ କୋଟି ଟଙ୍କା ଫ୍ରିଜ୍‌ ଏବଂ ପ୍ରାୟ ୨ କୋଟି ଟଙ୍କା ଜବତ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ ।  ମହାଦେବ ବେଟିଂ ଆପ୍‌ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏହି ମାମଲାରେ ୫୮୦ କୋଟି ଟଙ୍କା ଫ୍ରିଜ୍‌ କରିଥିବା ବେଳେ ବିଭିନ୍ନ ସ୍ଥାନରେ ଚଢ଼ାଉ କରି ନଗଦ ୧.୮୬ କୋଟି ଟଙ୍କା ଏବଂ ୧.୭୮ କୋଟି ଟଙ୍କାର ଜିନିଷ ଜବତ କରିଛି ଇଡି । 

ତଦନ୍ତ ଏଜେନ୍ସି ପକ୍ଷରୁ ଦିଲ୍ଲୀ, ମୁମ୍ବାଇ, କୋଲକାତା, ରାୟପୁର, ଇନ୍ଦୋର ଏବଂ ଗୁରୁଗ୍ରାମରେ ଚଢ଼ାଉ କରାଯାଇଛି । ଏହି ମାମଲାରେ ଇଡି ୯ ଅଭିଯୁକ୍ତଙ୍କୁ ମଧ୍ୟ ଗିରିଫ କରିଛି । କେବଳ ସେତିକି ନୁହେଁ ବେଟିଂ ଆପ୍‌ ମାମଲାରେ ଇଡି ଏବେ ସୁଦ୍ଧା ୧୨୯୬ କୋଟି ଟଙ୍କା ଅଧିକ ଫ୍ରିଜ୍‌ ଏବଂ ଜବତ କରିସାରିଛି ।  ଏହା ପୂର୍ବରୁ ଫେବୃଆରୀ ୨୮ରେ ଦିଲ୍ଲୀ ଏନସିଆର, ମୁମ୍ବାଇ, ପଶ୍ଚିମବଙ୍ଗ ସମେତ ୧୫ଟି ସ୍ଥାନରେ ଇଡି ଚଢ଼ାଉ କରିଥିଲା । 

ଏହି ମାମଲାରେ ଛତିଶଗଡ଼ର ଅନେକ ନେତା ଏବଂ ଅଧିକାରୀ ଛନ୍ଦି ହୋଇପଡ଼ିଛନ୍ତି । ତେବେ ଛତିଶଗଡ଼ ପୋଲିସର ଏଫଆଇଆର ଆଧାରରେ ଇଡି ତଦନ୍ତ ଜାରି ରଖିଛି । ଏହା ବ୍ୟତୀତ ବିଶାଖାପାଟନମ ପୋଲିସ ଏବଂ କିଛି ରାଜ୍ୟର ପୋଲିସ ମହାଦେବ ଆପ୍‌ ମାମଲାରେ ମାମଲା ରୁଜୁ କରିଛନ୍ତି ।