ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ

ପୁରୀ,୨୩/୦୬: ସ୍ନାନପୂର୍ଣ୍ଣମୀ  ବିଳମ୍ବିତ ରାତିରେ ଅନବସର  ଘରେ ବିଜେ ହୋଇଛନ୍ତି ଦାରୁଦିଅଁ । ସ୍ନାନମଣ୍ଡପରେ ୧୦୮ଗରା ସୁନା କୂଅ ଜଳ ସ୍ନାନ ପରେ ଜ୍ୱରରେ ପୀଡ଼ିତ ଦାରୁଦିଅଁ । ଏଣୁ ଜ୍ୱରରୁ ମୁକ୍ତି ପାଇଁ  ୧୩ ଦିନ ପର୍ଯ୍ୟନ୍ତ ଚାଲିବ ଠାକୁରଙ୍କ ଗୁପ୍ତ ନୀତି । ପୀଡ଼ିତଙ୍କୁ ଯେପରି ପଥି, ପାଚନ  ଏବଂ ଔଷଧ ଲୋଡ଼ା  ହୁଏ, ଠିକ୍‌ ସେଭଳି  ଶ୍ରୀବିଗ୍ରହଙ୍କ ସେବା । ଦଇତାପତି  ସେବକମାନେ ସାମୂହିକ ଭାବେ ଠାକୁରଙ୍କ ଏହି ଗୁପ୍ତ ସେବା ଆରମ୍ଭ କରିଛନ୍ତି । ଏହି ସମୟରେ ଠାକୁରଙ୍କୁ ଦର୍ଶନ ମନା । ଅନବସର ସମୟରେ ପୂଜା ପାଇବେ ପଟିଦିଅଁ । ଶନିବାର ବିଳମ୍ବିତ ରାତିରେ ଶ୍ରୀମନ୍ଦିରକୁ ବିଜେ କରିଛନ୍ତି ପଟିଦିଅଁ ।  



ମହାପ୍ରଭୁଙ୍କ ଚିତ୍ରକର ସେବକମାନେ ଅତ୍ୟନ୍ତ ଶୁଦ୍ଧପୂତ ଭାବେ ପଟିଦିଅଁଙ୍କୁ ନିର୍ମାଣ କରି ଅପେକ୍ଷା କରିଥିଲେ । ଠାକୁରଙ୍କ  ବାହୁଡ଼ା ପହଣ୍ଡି ପରେ  ଶ୍ରୀମନ୍ଦିର ପକ୍ଷରୁ ଛତି  ଓ କାହାଳୀର ପଟୁଆର  ଯାଇ ପଟିଦିଅଁଙ୍କୁ  ଆଣି ଶ୍ରୀମନ୍ଦିର ଜଗମୋହନରେ  ବିଜେ କରାଇଥିଲେ । ଅନବସରରେ  ଠାକୁରଙ୍କ ଗୁପ୍ତ ପୂଜା ସାଙ୍ଗକୁ ଜାରି  ରହିବ ପଟିଦିଅଁଙ୍କ ପୂଜାର୍ଚ୍ଚନା ।


ମହାପ୍ରଭୁ ଶ୍ରୀଜଗନ୍ନାଥଙ୍କ ସ୍ଥାନରେ  ଶ୍ରୀ ନାରାୟଣ, ଦେବୀ ସୁଭଦ୍ରାଙ୍କ  ସ୍ଥାନରେ ଭୁବନେଶ୍ୱରୀ ଓ ବଡ଼ଠାକୁର  ଶ୍ରୀବଳଭଦ୍ରଙ୍କ ସ୍ଥାନରେ ଅନନ୍ତ ବାସୁଦେବଙ୍କୁ ପଟିଦିଅଁ ରୂପେ ପୂଜା  କରାଯାଏ । ଶ୍ରୀ ନାରାୟଣଙ୍କ ସମ୍ମୁଖରେ  ମଦନମୋହନ ଓ କୃଷ୍ଣ ବିଗ୍ରହ,  ମା ଭୁବନେଶ୍ୱରୀଙ୍କ ସମ୍ମୁଖରେ  ଭୂଦେବୀ ଓ ଶ୍ରୀଦେବୀ ଏବଂ ଶ୍ରୀ  ଅନନ୍ତ ବାସୁଦେବଙ୍କ ସମ୍ମୁଖରେ  ଦୋଳଗୋବିନ୍ଦ ଓ ନୃସିଂହଙ୍କ ପ୍ରତିମୂର୍ତ୍ତି  ଅଧିଷ୍ଠିତ ହୋଇଥାନ୍ତି। ବିଧିମୁତାବକ  ଜଗମୋହନରେ ବିଜେ ହୋଇଥିବା  ପଟିଦିଅଁଙ୍କୁ ଭକ୍ତମାନେ ଦର୍ଶନ କରି  ପୂଜାର୍ଚ୍ଚନା କରନ୍ତି । ଏହି ସମୟରେ  ଅଲାରନାଥଙ୍କୁ ଦର୍ଶନ କରିବାର ବିଧି ରହିଛି।

  • PrameyaOdia
  • prameya
  • Deva Snana Purnima 2024
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.