ଅଯୋଧ୍ୟା,୩୧।୧:ଅଯୋଧ୍ୟାରେ ଗତ ୨୨ ଜାନୁଆରିରେ ରାମ ମନ୍ଦିର ପ୍ରାଣ ପ୍ରତିଷ୍ଠା ହୋଇଥିଲା। ଏହି ମାମଲାରେ ସେତେବେଳେ ଯୋରଦାର ରାଜନୀତି ହୋଇଥିଲା ଓ ଆଜି ମଧ୍ୟ ହେଉଛି। କଂଗ୍ରେସ ଏହି କାର୍ଯ୍ୟକ୍ରମର ନିମନ୍ତ୍ରଣ ‘ସମ୍ମାନପୂର୍ବକ’ ପ୍ରତ୍ୟାଖାନ କରିଥିଲା। କଂଗ୍ରେସର ବରିଷ୍ଠ ନେତା ମଣିଶଙ୍କର ଅୟରଙ୍କ ଝିଅ ସୁରନ୍ୟା ଅୟର ରାମମନ୍ଦିର ବିରୋଧରେ ସୋସିଆଲ ମିଡିଆରେ ନା କେବଳ ଜୋରଦାର ହଙ୍ଗାମା କରିଛନ୍ତି, ବଂର ବିରୋଧରେ ତିନି ଦିନର ଉପବାସ ମଧ୍ୟ ରଖିଛନ୍ତି। ଜଙ୍ଗପୁରାର ଯେଉଁ ସୋସାଇଟିରେ ସେ ରୁହନ୍ତି ସେଠାର ଓ୍ବେଲଫେୟାର ଆସୋସିଏସନ୍ ୨୭ ଜାନୁଆରୀରେ ତାଙ୍କୁ ନୋଟିସ୍ ଜାରି କରିଥିଲେ।
ନୋଟିସ୍ରେ ଆରଡବ୍ଲୁଏ ନା କେବଳ ସୁରନ୍ୟାଙ୍କୁ କ୍ଷମା ମାଗିବାକୁ କହିଛି, ବଂର ମଣିଶଙ୍କର ଆୟରଙ୍କୁ ନିଜ ଝିଅର ଏଭଳି କାର୍ଯ୍ୟ ପାଇଁ ନିନ୍ଦା କରିବାକୁ କହିଛି। ଏହାଛଡା ଆରଡବ୍ଲୁଏ ସୁରନ୍ୟାଙ୍କୁ କହିଛି, ଯଦି ତାଙ୍କୁ ଲାଗେ ସେ ଯାହା କରିଛନ୍ତି ତାହା ଠିକ୍, ତେବେ ସେ କଲୋନୀରୁ ବାହାରକୁ ଚାଲି ଯାଆନ୍ତୁ।
ଏହି ପତ୍ରକୁ ବିଜେପି ନେତା ଅମିତ ଖରଖରି ସୋସିଆଲ ମିଡିଆରେ ସେୟାର କରିଛନ୍ତି। ଏହି ପତ୍ରରେ ଆରଡବ୍ଲୁଏ ଅଧ୍ୟକ୍ଷ ଡକ୍ଟର କପିଲ କକ୍କଡଙ୍କ ଦସ୍ତଖତ ମଧ୍ୟ ରହିଛି। ଆରଡବ୍ଲୁଏ କହିଛି କଲୋନୀର ସବୁ ନିବାସୀଙ୍କ ଭିତରେ ସୌହାର୍ଦ୍ଧ୍ୟପୂର୍ଣ୍ଣ ସମ୍ପର୍କ ସୁନିଶ୍ଚିତ କରିବା ଆସୋସିଏସନ୍ର ଦାୟିତ୍ବ। ସୁରନ୍ୟା ଅୟର ସୋସିଆଲ ମିଡିଆ ମାଧ୍ୟମରେ ଯାହା କହିଛନ୍ତି, ତାହା ନିଶ୍ଚିତ ରୂପରେ ଏକ ଶିକ୍ଷିତ ବ୍ୟକ୍ତି ପାଇଁ ଅଶୋଭନୀୟ ଥିଲା। ରାମ ମନ୍ଦିର ୫୦୦ ବର୍ଷ ପରେ ତିଆରି କରାଯାଉଛି ଓ ଏହା ସୁପ୍ରିମକୋର୍ଟର ୫-୦ ରାୟ ପରେ ତିଆରି କରାଯାଉଛି।’
