ଭୁବନେଶ୍ୱର,୧୦/୦୫: ନାବାଳିକା ଶାଳୀକୁ ଅପହରଣ ଅଭିଯୋଗରେ ନୟାପଲ୍ଳୀ ଥାନା ପୁଲିସ୍ ଭିଣୋଇକୁ ଗିରଫ କରିଛି । ଗିରଫ ଅଭିଯୁକ୍ତ ହେଲା ଫୁଲବାଣୀର ରାଜେଶ କୁମାର ସାହୁ ।
ନୟାପଲ୍ଳୀରେ ରହୁଥିବା ଉକ୍ତ ନାବାଳିକାଙ୍କର ଗତ ୧ ତାରିଖରେ ଜନ୍ମଦିନ ଥିଲା । ଭିଣୋଇ ରାଜେଶ ଏପ୍ରିଲ ୨୯ରେ ତାଙ୍କୁ ଫୁଲବାଣୀ ନେବେ ବୋଲି କହିଥିଲେ । ହେଲେ ତାଙ୍କୁ ଫୁଲବାଣୀ ନେବା ପରିବର୍ତ୍ତେ ଅନ୍ୟତ୍ର ନେଇଯାଇଥିଲା । ଏପଟେ ଝିଅକୁ ନ ପାଇ ନାବାଳିକାଙ୍କ ମା’ ଏନେଇ ରାଜେଶଙ୍କୁ ଫୋନ୍ କରିବାରୁ ସେ ବରମୁଣ୍ଡା ବସ୍ଷ୍ଟାଣ୍ଡରେ ଥିବା କହିଥିଲା । ପରେ ରାଜେଶ ମୋବାଇଲ୍ ସୁଇଚ୍ ଅଫ୍ କରି ଦେଇଥିଲେ । ସନ୍ଦେହ ହେବାରୁ ନାବାଳିକାର ମା’ ଫୁଲବାଣୀ ଯାଇ ସ୍ଥାନୀୟ ଥାନାରେ ଏତଲା ଦେଇଥିଲେ । ଫୁଲବାଣୀ ପୁଲିସ୍ ସହାୟତାରେ ନାବାଳିକାଙ୍କୁ ଉଦ୍ଧାର କରାଯାଇଥିଲା । ନୟାପଲ୍ଲୀ ଥାନା ଅଞ୍ଚଳରୁ ଅପହରଣ ହୋଇଥିବାରୁ ଫୁଲବାଣୀ ଥାନାଧିକାରୀ ତାଙ୍କୁ ଏଠାକୁ ପଠାଇ ଦେଇଥିଲେ ।