ନୀଳଗିରି,୧୫/୯ :ଅଷ୍ଟମ ବାର୍ଷିକ ଭାଦ୍ରବ ଏକାଦଶୀ କରମା ପୂଜା ନୀଳଗିରି ବ୍ଲକ ସିଆଡ଼ିମାଳ ପଞ୍ଚାୟତ ବାବନ୍ଧ ଠାରେ ଉଦଯାପିତ ହୋଇଛି । ମାଦିଆ ସମ୍ପ୍ରଦାୟର ଏହି ସମ୍ପ୍ରଦାୟ କରମା ପୂଜା ଧୁମଧାମରେ ପାଳନ କରିଥିବା ବେଳେ ଆଜି ଅନ୍ତିମ ଦିବସରେ  ନୀଳଗିରି ବିଧାୟକ ଯୋଗଦେଇ ଗ୍ରାମବାସୀଙ୍କ ସହ କାନ୍ଧରେ କାନ୍ଧରେ ରଖି ଧୂମସା ମାଦଳର ତାଳେ ତାଳେ ନାଚିଛନ୍ତି । ସୂଚନାଯୋଗ୍ୟ ଆଦିବାସୀ ମାନଙ୍କର ପରମ୍ପରାକୁ କରମା ପୂଜା ସିଆଡିମାଳ ପଞ୍ଚାୟତ ବାଵନ୍ଧ ଠାରେ ଅନୁଷ୍ଠିତ ହୋଇଛି । ଆଦିବାସୀ ମଦିଆ ସଂପ୍ରଦାୟ ମାନଙ୍କର ବଡ କରମ ପୂଜାରେ ଗାଁରେ ସାମିଲ ହୋଇଛନ୍ତି ଶତାଧିକ ଗ୍ରାମବାସୀ । ଝିଅ ମାନେ ଜଙ୍ଗଲରୁ କରମ ଡାଳ ଆଣି ପୂଜାଅର୍ଚ୍ଚନା କରିବା ପରେ ରାତିସାରା ଧୁମଧାମରେ ମାଦଳର ତାଳେତାଳେ ପୂଜା ସ୍ଥାନ ନାଚିଥାନ୍ତି । ଆଜି ଅନ୍ତିମ ଦିବସରେ କରମ ରାଜାକୁ ନାଚି ନାଚି ପାଣିରେ ବିସର୍ଜନ କରିବାର ବ୍ୟବସ୍ଥା ଥିବା ବେଳେ ଗାଁ ଉତ୍ସବ ମୁଖର ହୋଇ ଉଠିଥିଲା । ମୁଖ୍ୟ ଅତିଥି ଭାବେ ନୀଳଗିରି ବିଧାୟକ ସନ୍ତୋଷ ଖଟୁଆ ଯାଇ ଏହି ଉତ୍ସବରେ ଯୋଗ ଦେଇଥିଲେ । କୁନି କୁନି ପିଲା ମାନଙ୍କ ସହ ହସ ଖୁସି ବାଣ୍ଟିବା ସହ ଉତ୍ସବ ସ୍ଥଳରେ ପିଲା ଠାରୁ ବୃଦ୍ଧ ପର୍ଯ୍ୟନ୍ତ କାନ୍ଧରେ କାନ୍ଧ ମିଳାଇ ଧୂମସା ମାଦଳର ତାଳେ ତାଳେ ନାଚିଥିଲେ । ଏହି ଉତ୍ସବରେ ବାବନ୍ଧ ଗ୍ରାମର ଜୟନ୍ତ ବେହେରା, କୁଶଚନ୍ଦ୍ର ବେହେରା, ନିରଞ୍ଜନ ବେହେରା, ଚନ୍ଦ୍ରା ବେହେରା, ଯୋଗେନ୍ଦ୍ର ବେହେରା, ସୁଦାମ ବେହେରା, ବୈରାଗି ବେହେରା, ରଞ୍ଜନ ବେହେରା, ପ୍ରତାପ ଚନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ ।