ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ମୁଖ୍‌ତାର ଅଂସାରୀ ମୃତ୍ୟକୁ ନେଇ ବିରୋଧ; ୟୁପି ସରକାରଙ୍କୁ ଘେରିଲେ ବିରୋଧି

Image source: Jagran

ନୂଆଦିଲ୍ଲୀ,୨୯/୦୩: ଗୁରୁବାର ସନ୍ଧ୍ୟାରେ ହୃଦଘାତରେ ଗ୍ୟାଙ୍ଗଷ୍ଟର ତଥା ରାଜନେତା ମୁଖ୍‌ତାର୍‌ ଅଂସାରୀଙ୍କର ମୃତ୍ୟୁ ହୋଇଥିଲା। ତାଙ୍କ ସ୍ୱାସ୍ଥ୍ୟବସ୍ଥା ଖରାପ ହେବା ପରେ ତାଙ୍କୁ ବନ୍ଦା ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ଅଂସାରୀଙ୍କ ମୃତ୍ୟୁ ପରେ ପୋଲିସ ପୁରା ୟୁପିରେ ସଜାଗ ରହିଛି। ଅଂସାରୀ ମଉ ସଦର ନିର୍ବାଚନମଣ୍ଡଳୀରୁ ପାଞ୍ଚ ଥର ବିଧାୟକ ଥିଲେ। ଅଂସାରୀଙ୍କ ବିରୋଧରେ ୬୦ ରୁ ଅଧିକ ଅପରାଧିକ ମାମଲା ଥିବାବେଳେ ସେଥିମଧ୍ୟରୁ ସେ ୮ ଟି ମାମଲାରେ ଦୋଷୀ ସାବ୍ୟସ୍ତ ହୋଇଥିଲେ। ଅଂସାରୀଙ୍କ ମୃତ୍ୟୁ ପରେ ଅନେକ ନେତାଙ୍କ ପ୍ରତିକ୍ରିୟା ସାମ୍ନାକୁ ଆସିଛି। କେହି କେହି ଏହାକୁ ଏକ ଷଡଯନ୍ତ୍ର ବୋଲି କହି ଘଟଣାର ତଦନ୍ତ କରିବାକୁ କହୁଥିବା ବେଳେ କେହି କେହି ମୃତ୍ୟୁକୁ ନିନ୍ଦନୀୟ ବୋଲି କହିଛନ୍ତି। ଅନେକ ବିରୋଧି ଦଳ ନେତା ସରକାରଙ୍କୁ ମଧ୍ୟ ପ୍ରଶ୍ନବାଣରେ ଘେରିଛନ୍ତି।

ଗୋଟିଏ ପଟେ ମୁଖ୍‌ତାର୍‌ ଅଂସାରୀଙ୍କ ମୃତ୍ୟୁକୁ ନେଇ ତାଙ୍କ ପରିବାର ଲୋକେ ଏହାକୁ ଷଡ଼ଯନ୍ତ୍ର ବୋଲି କହିଥିବା ବେଳେ ଅନ୍ୟପଟେ ବିରୋଧି ରାଜନୈତିକ ଦଳ ଗୁଡ଼ିକ ପକ୍ଷରୁ ସମବେଦନା ସହିତ ସରକାରଙ୍କ ଉପରେ ଅଭିଯୋଗ ନଜର ଆସିଛି। ସମାଜବାଦି ପାର୍ଟି ପକ୍ଷରୁ ଏକ୍ସରେ ଅଂସାରୀଙ୍କ ପରିବାରକୁ ସମବେଦନା ଜଣାଇଥିବା ବେଳେ ପୂର୍ବତନ ସାଂସଦ ଅଂସାରୀଙ୍କ ମୃତ୍ୟକୁ ଏକ ସୁଚିନ୍ତିତ ହତ୍ୟା ବୋଲି କହିଛନ୍ତି। ଅନ୍ୟ ପକ୍ଷରେ କଂଗ୍ରେସ ନେତା ସୁରେନ୍ଦ୍ର ରାଜପୁତ ଅଂସାରୀଙ୍କ ମୃତ୍ୟୁକୁ ନେଇ ୟୁପି ସରକାର ଉପରେ ପ୍ରଶ୍ନ ଉଠାଇଥିଲେ। ନ୍ୟୁଜ୍ ଏଜେନ୍ସି ଏଏନ୍ଆଇକୁ କହିଛନ୍ତି, 'ଆଜି ମୁଖ୍‌ତାର୍‌ ଅଂସାରୀଙ୍କ ଜେଲରେ ମୃତ୍ୟୁ ବିଜେପି ନେତୃତ୍ୱାଧୀନ ୟୁପି ସରକାର ଉପରେ ଏକ ବଡ଼ ପ୍ରଶ୍ନ ସୃଷ୍ଟି କରିଛି। ପୁଙ୍ଖାନୁପୁଙ୍ଖ ଅନୁସନ୍ଧାନ ହେବା ଉଚିତ ଯାହା ଦ୍ବାରା ଜେଲରେ କଣ ଘଟୁଛି ସମସ୍ତେ ଜାଣିପାରିବେ।

ଅଂସାରୀଙ୍କ ମୃତ୍ୟୁକୁ ନେଇ ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ପ୍ରତିକ୍ରିୟା ପ୍ରକାଶ କରିଛନ୍ତି। ସେ ଏକ୍ସ ରେ ଲେଖିଛନ୍ତି, 'ପୂର୍ବତନ ୟୁପି ବିଧାୟକ ଶ୍ରୀ ମୁଖ୍‌ତାର୍ ଅଂସାରୀଙ୍କ ଦେହାନ୍ତର ଦୁଃଖଦ ଖବର ପାଇଲି। ବିଦାୟୀ ଆତ୍ମାକୁ ଶାନ୍ତି ଏବଂ ଶୋକସନ୍ତପ୍ତ ପରିବାରକୁ ସହାୟ ହେବାକୁ ଭଗବାନଙ୍କୁ ପ୍ରାର୍ଥନା କରୁଛୁ।' କିଛି ଦିନ ପୂର୍ବରୁ ସେ ଅଭିଯୋଗ କରିଥିଲେ ଯେ ତାଙ୍କୁ ଜେଲରେ ବିଷ ଦିଆଯାଇଥିଲା, ତଥାପି ଏହି ମାମଲାକୁ ଗୁରୁତ୍ୱ ଦିଆଯାଇନଥିଲା।' ତେବେ ତମାମ ଆଲୋଚନା ଓ ସମାଲୋଚନା ଭିତରେ ଉତ୍ତରପ୍ରଦେଶର ଅନେକ ସ୍ଥାନରେ ହଙ୍ଗାମାକୁ ନଜରରେ ରଖି ସୁରକ୍ଷା ବ୍ୟବସ୍ଥା କଡ଼ାକଡ଼ି କରିବା ସହିତ ୧୪୪ ଧାରା ଲାଗୁ କରାଯାଇଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.