ଭୁବନେଶ୍ୱର,୧୬/୦୫: ମୁଖ୍ୟମନ୍ତ୍ରୀଙ୍କ ରୋଡ୍ ସୋ ପାଇଁ ଟ୍ରାଫିକ୍ କଟକଣା ଜାରି କରିଛି କମିଶନରେଟ୍ ପୁଲିସ୍ । ସେଥିପାଇଁ କିଛି ମୁଖ୍ୟ ରାସ୍ତା ଓ ଗଳି ରାସ୍ତାକୁ ବନ୍ଦ କରାଯାଇଛି । ଜନସାଧାରଣଙ୍କ ଗମନାଗମନକୁ ଦୃଷ୍ଟିରେ ରଖି ଓଡ଼ିଶା ପୁଲିସ୍ ଅର୍ବାନ ଆକ୍ଟ ଏବଂ କମିଶନରେଟ୍ ପୁଲିସ୍ ପବ୍ଲିକ୍ ଅର୍ଡର ୨୦୦୮ ଅନୁସାରେ ଟ୍ରାଫିକ୍ ନିର୍ଦ୍ଦେଶନାମା ଲାଗୁ କରାଯାଇଛି ।
ଗୁରୁବାର ଅପରାହ୍ଣ ସାଢ଼େ ୪ଟାରୁ ରୋଡ୍ ସୋ ସରିବା ପର୍ଯ୍ୟନ୍ତ ୟୁନିଟ୍-୬ ସ୍ଥିତ ଗଙ୍ଗନଗର ଛକଠାରୁ ଏଲ୍ଆଇସି ଅଫିସ୍ ଛକ, ଗୋପବନ୍ଧୁ ଛକ, ଓୟୁଏଟି ଗେଷ୍ଟ ହାଉସ ଛକ, ୟୁନିଟ୍-୮ ଡିଏଭି ସ୍କୁଲ୍ ଛକ, ଏଚ୍ଡିଏଫ୍ସି ବ୍ୟାଙ୍କ୍ ଛକ, ବାଲୁଙ୍କେଶ୍ୱର ମନ୍ଦିର ଛକ, ମମତାଜ ଅଲ୍ଳୀ ସ୍କୁଲ୍ ରାସ୍ତା, ଶ୍ରୀକୃଷ୍ଣ କ୍ଲବ ରାସ୍ତା, ନିକୋ ପାର୍କ ଛକ, ବାୟାବାବା ମଠ ରୂପାଲୀ ଛକ, ରାମ ମନ୍ଦିର ଛକ, ଶ୍ରୀୟା ଛକ, ମାଷ୍ଟର କ୍ୟାଣ୍ଟିନ୍ ଛକ ଶିଶୁଭବନ ରାସ୍ତାରେ କୌଣସି ପ୍ରକାର ଯାନବାହାନ ଯିବା ଆସିବା କରିପାରିବ ନାହିଁ । ଉକ୍ତ ମୁଖ୍ୟ ରାସ୍ତାକୁ ସଂଯୋଗ କରୁଥିବା ସମସ୍ତ ଗଳି ରାସ୍ତାରୁ ମଧ୍ୟ କୌଣସି ପ୍ରକାର ଯାନବାହାନ ଯିବା ଆସିବା କରିବ ନାହିଁ । ନିୟମ ଭଙ୍ଗକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୁଲିସ ସୂଚନା ଦେଇଛି ।
