ନୂଆଦିଲ୍ଲୀ ୧୯/୦୯: ନୟନତାରାଙ୍କ ନୂଆ ଫିଲ୍ମ ନିକଟରେ ମୁକ୍ତିପ୍ରାପ୍ତ । ଶାହରୁଖ ଖାନ୍ ଷ୍ଟାରର୍ ‘ଯୱାନ’ର ସଫଳତାକୁ ନେଇ ଚର୍ଚ୍ଚାରେ ଅଛନ୍ତି ସାଉଥ୍ର ଲେଡି ସୁପରଷ୍ଟାର୍ ‘ନୟନତାରା’ । ଗତ ସୋମବାର ତାଙ୍କ ଆଗାମି ଫିଲ୍ମର ଟାଇଟଲ୍ ଓ ପ୍ରଥମ ପୋଷ୍ଟର୍ ଜାରି କରିଛନ୍ତି ଫିଲ୍ମର ନିର୍ମାତା । ଫିଲ୍ମର ଟାଇଟଲ୍ ‘ମନ୍ନାନଗଟ୍ଟି: ସିନ୍ସ ୧୯୬୦’ । ଏହାର କାହାଣୀକାର ଓ ନିର୍ଦ୍ଦେଶକ ହେଉଛନ୍ତି ଡୁଡ୍ ଭିକି ।
Announcing #ladySuperstar75 🥳
— Zee Studios (@ZeeStudios_) July 12, 2022
Zee Studios is excited to collaborate with #Nayanthara for her 75th film! 💃🏻
The shoot will begin soon! 🎬#Jai #SathyaRaj @Nilesh_Krishnaa @dineshkrishnanb @tridentartsoffl @Naadstudios pic.twitter.com/nVVCnLek83
ଫିଲ୍ମ ସମୀକ୍ଷକ ତରନ ଆଦର୍ଶ ନିଜ ଇନ୍ଷ୍ଟାଗ୍ରାମ୍ ଆକାଉଣ୍ଟ୍ରେ ଫିଲ୍ମର ପୋଷ୍ଟର ଶେୟାର କରି କ୍ୟାପ୍ସନ ଲେଖିଛନ୍ତି ‘ନୂଆ ଫିଲ୍ମ ମନ୍ନାନଗଟ୍ଟି: ସିନ୍ସ ୧୯୬୦’ରେ ନୟନତାରା ।’ ଖୁବ୍ଶୀଘ୍ର ଏହାର ସୁଟିଂ ଆରମ୍ଭ ହେବ ବୋଲି ଫିଲ୍ମ ନିର୍ମାତା ଏସ୍ ଲକ୍ଷ୍ମଣ କୁମାର ପ୍ରଥମ ପୋଷ୍ଟର୍ ସହିତ ଫ୍ୟାନ୍ଙ୍କୁ ସୂଚନା ଦେଇଛନ୍ତି । ତେବେ ରିଲିଜ୍ ତାରିଖ ଏପର୍ଯ୍ୟନ୍ତ ଘୋଷଣା ହୋଇନାହିଁ ।
ନିକଟରେ ‘ଯୱାନ’ର ସଫଳତାକୁ ନେଇ ଏକ ପ୍ରେସ୍ ସମ୍ମିଳନୀ ରଖାଯାଇଥିଲା । ସେଥିରେ ନୟନତାରାଙ୍କୁ ବାଦ୍ଦେଲେ ଫିଲ୍ମର ସମସ୍ତ ଷ୍ଟାର୍କାଷ୍ଟ୍ ଉପସ୍ଥିତ ଥିଲେ । ତେବେ ନୟନତାରା ଏକ ସ୍ୱତନ୍ତ୍ର ଭିଡିଓ ବାର୍ତ୍ତା ଜରିଆରେ ଫ୍ୟାନ୍ଙ୍କୁ ଭଲପାଇବା ଦେଇଥିଲେ । ‘ଯୱାନ’ ପାଇଁ ସମସ୍ତଙ୍କୁ ଧନ୍ୟବାଦ ଦେଇଥିଲେ । ଫ୍ୟାନ୍ଙ୍କ ଭଲପାଇବା ହିଁ ତାଙ୍କ ପାଇଁ ସାରା ଦୁନିଆ ବୋଲି କହିଥିଲେ । ଆଟଲିଙ୍କ ନିର୍ଦ୍ଦେଶିତ ‘ଯୱାନ’ରେ ଶାହରୁଖଙ୍କ ସହିତ ନୟନତାରା ଓ ବିଜୟ ସେତୁପତି ମୁଖ୍ୟ ଭୂମିକାରେ ନଜର ଆସିଥିଲେ ।
