ବାରଙ୍ଗ,୧୮/୦୩: ନନ୍ଦନକାନନ ପ୍ରାଣୀ ଉଦ୍ୟାନକୁ ରବିବାର ଦୁଇ ନୂଆ ପ୍ରଜାତିର ଜନ୍ତୁ ଆସିଛନ୍ତି । ସେଥିରେ ଗୋଟିଏ ଅଣ୍ଡିରା  ୱାଲାବି ଓ ଗୋଟିଏ ଲିଭିଂଷ୍ଟୋନ  ଟୁରାକୋ ଥିବା ଜଣାପଡ଼ିଛି । ଆସିବା ପରେ ସେମାନଙ୍କୁ ପ୍ରାଣୀ ଚିକିତ୍ସାଳୟ ନିକଟରେ ଥିବା କ୍ୱାରେଣ୍ଟାଇନ ସେଣ୍ଟରରେ ରଖାଯାଇଛି । କିଛି  ଦିନ ରହିବା ପରେ ସେମାନଙ୍କୁ  ପୂର୍ବରୁ ଆସିଥିବା ଜନ୍ତୁ ମାନଙ୍କ  ସହିତ ଛଡ଼ାଯିବ । 

ସୂଚନା ଯୋଗ୍ୟ  ୨୦୨୩ ଡିସେମ୍ବର ୨୩ ତାରିଖରେ  ହାଇଦ୍ରାବାଦର ଏକ ଘରୋଇ ଫାର୍ମରୁ  ଦୁଇଟି ୱାଲାବି ଓ ଦୁଇଟି ଲିଭିଂଷ୍ଟୋନ ଟୁରାକୋ ଅଣାଯାଇଥିଲା । ଆସିବାର  ଗୋଟିଏ ଦିନ ପରେ ଗୋଟିଏ  ଟୁରାକୋର ମୃତ୍ୟୁ ହୋଇଥିବା ବେଳେ  ଗତ ୧୨ ତାରିଖ ସକାଳୁ ଏକ ଅଣ୍ଡିରା  ୱାଲାବିର ମୃତ୍ୟୁ ହୋଇଥିଲା । ତେଣୁ  ମୃତ୍ୟୁ ହୋଇଥିବା ଦୁଇ ଜନ୍ତୁଙ୍କୁ ପୁଣି ଉକ୍ତ ଫାର୍ମ ଦେଇଥିବା ଜଣାପଡ଼ିଛି । ତେବେ ପୁନର୍ବାର ଆସିଥିବା ଜନ୍ତୁ  ଗୁଡ଼ିକୁ ଆଣିବା ପାଇଁ କିଛି ମୁଲ୍ୟ  ଲାଗିଛି କି ନାହିଁ ତାହା ଜାଣିବା ପାଇଁ  କର୍ତ୍ତୃପକ୍ଷଙ୍କୁ ଯୋଗାଯୋଗ କରଥିଲେ ମଧ୍ୟ ଖବର ଲେଖା ହେବା ବେଳକୁ  ସେ କିଛି ଉତ୍ତର ଦେଇନଥିଲେ ।