ଲମତାପୁଟ,୦୩/୦୮: ଲମତାପୁଟ ବ୍ଲକ ଦେବତାହଞ୍ଜର ଗ୍ରାମରେ ଅଭାବନୀୟ ଘଟଣା । ସାର ସିଞ୍ଚନ କରିବାକୁ ଯାଇ ନାଳରେ ଭାସିଗଲେ ବୃଦ୍ଧ । ଏପର୍ଯ୍ୟନ୍ତ ବୃଦ୍ଧଙ୍କ ପତ୍ତା ମିଳିନି ।
ସୂଚନା ଅନୁଯାୟୀ, ଦେବତାହଞ୍ଜର ଗ୍ରାମରେ କିଛି ଦିନ ଧରି ବର୍ଷା ଲାଗି ରହିଛି । ଏହି କାରଣରୁ ଚାଷ ଜମି ନିକଟରେ ଥିବା ନାଳରେ ଜଳସ୍ତର ବଢିଛି । ଶନିବାର ସକାଳେ ଗାଁର ଜଣେ ବୃଦ୍ଧ କୃଷ୍ଣ ବିଶୋଇ ବିଲକୁ ସାର ସିଞ୍ଚନ କରିବାକୁ ଯାଇଥିଲେ । ଏହି ସମୟରେ ବିଲ ନିକଟରେ ଥିବା ନାଳରେ ଅଧିକ ପାଣି ଆସି ବୃଦ୍ଧଙ୍କୁ ଭସେଇ ନେଇଥିଲା । ଏନେଇ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ନନ୍ଦପୁର ଅଗ୍ନିଶମ ପହଞ୍ଚି ଖୋଜାଖୋଜି ଜାରି ରଖିଛି ।
