ନ୍ୟୁୟର୍କ,୧୧।୫: ଇସ୍ରାଏଲ ଓ ହମାସ ଭିତରେ ଗତ ୭ ମାସରୁ ଅଧିକ ସମୟ ଧରି ଯୁଦ୍ଧ ଚାଲିଛି। ଏହା ଭିତରେ ପାଲେଷ୍ଟାଇନ୍କୁ ଜାତିସଂଘର ସଦସ୍ୟ ବୟାନକୁ ନେଇ ୧୦ ମଇରେ ଭୋଟିଂ କରାଯାଇଛି। ଭାରତ ସହିତ ବିଶ୍ବର ୧୪୩ ଦେଶ ଏହି ପ୍ରସ୍ତାବକୁ ସମର୍ଥନ କରିଛି। ସେଭଳି ଆମେରିକା, ଇସ୍ରାଏଲ ସହିତ କେବଳ ୯ଟି ଦେଶ ଏହି ପ୍ରସ୍ତାବ ବିରୋଧରେ ଭୋଟ ଦେଇଛନ୍ତି। ଏବେ ପାଲେଷ୍ଟାଇନ୍ ଜାତିସଂଘ ସଦସ୍ୟ ହେବା ପାଇଁ କ୍ବାଲିଫାଏ କରିଛି। ଏହା ଉପରେ ଅସନ୍ତୋଷ ବ୍ୟକ୍ତ କରି ରାଷ୍ଟ୍ରଦୂତ ଗିଲାଡ ଏର୍ଡନ ଜାତିସଂଘରେ ୟୁଏନ୍ ଚାର୍ଟର ଚିରି ଦେଇଥିଲେ।
ଏର୍ଡନର ଶ୍ରେଡର ମେସିନ୍ ବାହାର କରିଥିଲେ ଓ ୟୁଏନ୍ ଜାର୍ଟକୁ ଖଣ୍ଡଖଣ୍ଡ କରି ଚିରି ଦେଇଥିଲେ। ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଉଲ୍ଲେଖନୀୟ ଯେ, ଏପର୍ଯ୍ୟନ୍ତ ପାଲେଷ୍ଟାଇନ୍କୁ ୟୁଏନ୍ରେ ଅବଜରଭର ପାହ୍ୟା ମିଳିଛି। ଭୋଟିଂ ବେଳେ ୨୫ ଦେଶ ଅନୁପସ୍ଥିତ ଥିଲେ।ଏର୍ଡନ କହିଛନ୍ତି, ଆଜି ଯାହା କିଛି ବି ହୋଇଛି ସେଥିରୁ ଜଣାପଡୁଛି ଯେ, ୟୁଏନ୍ ଚାର୍ଟର ଉଲଂଘନ କରାଯାଉଛି। ସେଭଳି ଆମେରିକା ଭିଟୋକୁ ମଧ୍ୟ ଓଲଟାଇ ଦେଇଛି।
ପୋଡିୟମ୍ ଉପରେ ଯେତେବେଳେ ଇସ୍ରାଏଲି ରାଷ୍ଟ୍ରପତି ପହଁଞ୍ଚିଥିଲେ, ତାଙ୍କ ହାତରେ ଶ୍ରେଡର ମେସିନ୍ ଥିଲା। ସେ ନିଜ ହାତରେ ୟୁଏନ୍ ଚାର୍ଟରକୁ ଚିରି ଖଣ୍ଡ ଖଣ୍ଡ କରିଦେଇଥିଲେ। ସେ କହିଥିଲେ, କ’ଣ ଜାତିୗଂଘର ସଦସ୍ୟ ଚାହାନ୍ତି, ଏକ ଆତଙ୍କବାଦୀ ଦେଶକୁ ସଦସ୍ୟ ହେଉ ? ସେଭଳି ଅତ୍ୟାଚାର କରାଯିବ,ଯେଉଁଭଳି ହିଟଲର ନିଜ ସମୟରେ କରିଥିଲେ। ସେ କହିଛନ୍ତି, ପାଲେଷ୍ଟାଇନ୍କୁ ୟୁଏନ୍ ସ୍ଥାୟୀ ସଦସ୍ୟ କରି ଆତଙ୍କବାଦୀଙ୍କ ଦ୍ବାରା ନିୟନ୍ତ୍ରିତ ଅଞ୍ଚଳକୁ ମାନ୍ୟତା ଦିଆଯିବ। ସେଭଳି ସମ୍ପୂର୍ଣ୍ଣ ଭାବରେ ହମାସ ଦୁଷ୍କର୍ମକାରୀ ଓ ଶିଶୁ ହତ୍ୟାକାରୀଙ୍କ କବଜା ହୋଇଯିବ।
ସେଭଳି ୟୁଏନ୍ରେ ପାଲେଷ୍ଟାଇନ୍ ରାଷ୍ଟ୍ରଦୂତ ରିୟାଦ ମନସୁର କହିଛନ୍ତି, ଆଜିର ଭୋଟିଂ ଐତିହାସିକ ଓ ଖୁବ୍ ଗୁରୁତ୍ବପୂର୍ଣ୍ଣ। ଉଲ୍ଲେଖନୀୟ ଯେ, ଆଜିକାଲି ଇସ୍ରାଏଲ ରାଫା ଉପରେ ଆକ୍ରମଣ କରୁଛି। ଇସ୍ରାଏଲର କହିବା ଅନୁସାରେ, ହମାସ ବାକି ଥିବା ଆତଙ୍କବାଦୀ ଓ ଶୀର୍ଘ କମାଣ୍ଡର ରାଫାରେ ଲୁଚି ରହିଛନ୍ତି। ଏହି ଅଞ୍ଚଳରେ ପ୍ରାୟ ୧୦ ଲକ୍ଷ ଲୋକ ଥିଲେ, ଯେଉଁଥିରୁ ଲକ୍ଷଶଧିକ ଲୋକ ପଳାୟନ କରି ଯାଇଛନ୍ତି। ସେଭଳି ଗାଜାରେ ଇସ୍ରାଏଲର ଆକ୍ରମଣରେ ଏପର୍ଯ୍ୟନ୍ତ ୩୫୦୦୦ ଲୋକଙ୍କର ମୃତ୍ୟୁ ହୋଇସାରିଛି।
