ପ୍ୟାରିସ,୦୪/୦୮: ଭାରତୀୟ ପୁରୁଷ ହକି ଦଳ ଗ୍ରୁପ୍‌ ପର୍ଯ୍ୟାୟରେ ଉନ୍ନତ ପ୍ରଦର୍ଶନ କରି କ୍ୱାର୍ଟର ଫାଇନାଲରେ ପ୍ରବେଶ କରିଛି । କ୍ୱାର୍ଟରରେ ଚିରପ୍ରତିଦ୍ୱନ୍ଦ୍ୱୀ ଗ୍ରେଟ୍‌ ବ୍ରିଟେନ ସହ ଲଢ଼େଇ କରିବ। ଜିତିଲେ ପଦକ ଆଶା ଉଜ୍ଜୀବିତ ରହିବ, ପରାଜିତ ହେଲେ ଅଭିଯାନ ଶେଷ ହେବ । ତେଣୁ ଏ ମ୍ୟାଚ୍‌ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ ରହିଛି । 

ଗ୍ରୁପ୍‌ ବି’ରେ ନ୍ୟୁଜିଲାଣ୍ଡ, ଆୟର୍ଲାଣ୍ଡ ଏବଂ ଅଷ୍ଟ୍ରେଲିଆକୁ ପରାଜିତ କରି ମୋଟ୍‌ ୧୦ ପଏଣ୍ଟ ସହ ଟେବୁଲରେ ଦ୍ୱିତୀୟ ସ୍ଥାନରେ ରହିଥିଲା । ଟୋକିଓରେ  ବି ଭାରତ ଓ ଗ୍ରେଟ୍‌ ବ୍ରିନେଟ୍‌ ମୁହାଁମୁହିଁ  ହୋଇଥିଲେ। ଭାରତ ୩-୧ ଗୋଲରେ ଜିତି ସେମିରେ ପ୍ରବେଶ କରିଥିଲା । ଏଥର ବ୍ରିଟେନ ପ୍ରତିଶୋଧ ଅପେକ୍ଷାରେ ରହିଛି । ପୂର୍ବରୁ ଅଲିମ୍ପିକ୍ସରେ ଉଭୟ ଦଳ ୯ ଥର ମୁହାଁମୁହିଁ ହୋଇଛନ୍ତି । ବ୍ରିଟେନ ୪ଟି  ଏବଂ ଭାରତ ୩ ଜିତିଥିବାବେଳେ ୨ଟି ଡ୍ର’  ରହିଛନ୍ତି । ହର୍ମନପ୍ରୀତ ସିଂଙ୍କ ନେତୃତ୍ୱାଧୀନ  ଭାରତୀୟ ଦଳ ପ୍ୟାରିସ କିଛି ଚମତ୍କାର  କରିବେ ବୋଲି ଆଶା ରହିଛି।