ପ୍ୟାରିସ,୧୨/୦୪: ବିଶ୍ୱ କ୍ରୀଡ଼ାପ୍ରେମୀଙ୍କ ଆଗ୍ରହକୁ ବିଚାରକୁ ନେଇ ପ୍ୟାରିସ ଅଲିମ୍ପିକ୍ସ କମିଟି ସପ୍ତାହକ ମଧ୍ୟରେ ନୂଆ ଟିକେଟ୍ ବିକ୍ରି କରିବାକୁ ନିଷ୍ପତ୍ତି ନେଇଛି । କମିଟିର ଅଧ୍ୟକ୍ଷ ଟନି ଏଷ୍ଟାନଗୁଏଟ କହିଛନ୍ତି, ‘ ଆସନ୍ତା ୧୭ ତାରିଖରେ ୨୫୦,୦୦୦ ଟିକେଟ୍ ବିକ୍ରି କରାଯିବ । ୭.୯ ମିଲିୟନ ଟିକେଟ୍ ପୂର୍ବରୁ ବିକ୍ରି ଶେଷ ହୋଇଛି ।’
ବିଭିନ୍ନ ଇଭେଣ୍ଟ ପାଇଁ ନୂଆ ଟିକେଟ୍ ଉପଲବ୍ଧ ହେବ । ଜିମ୍ନାଷ୍ଟିକ୍ ପାଇଁ ୧୦ ହଜାର, ସନ୍ତରଣ ପାଇଁ ୧୫ ହଜାର, ଟେନିସ ପାଇଁ ୧୨ ହଜାର ଏବଂ ଭଲିବଲ ପାଇଁ ୩୫ ହଜାର ଟିକେଟ୍ ରହିଛି । ପୂର୍ବରୁ ଯେଉଁ ଟିକେଟ୍ ବିକ୍ରି ହୋଇଛି, ସେଥିରୁ କେବଳ ଫ୍ରାନ୍ସବାସୀ ଏକ ତୃତୀୟାଂଶ ଟିକେଟ୍ କ୍ରୟ କରିଛନ୍ତି । ଅବଶିଷ୍ଟ ଟିକେଟ୍ ୧୫୦ ଦେଶର କ୍ରୀଡ଼ାପ୍ରେମୀ କିଣିଛନ୍ତି ।
